Narayaniyam Dashaka 47

tap any word for its meaning

• verse 1

  एकदा दधिविमाथकारिणीं मातरं समुपसेदिवान् भवान् ।स्तन्यलोलुपतया निवारयन्नङ्कमेत्य पपिवान् पयोधरौ ॥1॥

  ---

  ēkadā dadhivimāthakāriṇīṃ mātaraṃ samupasēdivān bhavān ।stanyalōlupatayā nivārayannaṅkamētya papivān payōdharau ॥1॥

  meaning

  Once, you came near your mother who was churning curds, and with a desire for milk you interrupted her by coming to her lap to drink from her breasts.

• verse 2

  अर्धपीतकुचकुड्मले त्वयि स्निग्धहासमधुराननाम्बुजे ।दुग्धमीश दहने परिस्रुतं धर्तुमाशु जननी जगाम ते ॥2॥

  ---

  ardhapītakuchakuḍmalē tvayi snigdhahāsamadhurānanāmbujē ।dugdhamīśa dahanē parisrutaṃ dhartumāśu jananī jagāma tē ॥2॥

  meaning

  When, O Lord, you had drunk halfway and your face was beautiful with its tender loving smile, and the milk boiled over from the fire — your mother quickly left to attend to it.

• verse 3

  सामिपीतरसभङ्गसङ्गतक्रोधभारपरिभूतचेतसा।मन्थदण्डमुपगृह्य पाटितं हन्त देव दधिभाजनं त्वया ॥3॥

  ---

  sāmipītarasabhaṅgasaṅgatakrōdhabhāraparibhūtachētasā।manthadaṇḍamupagṛhya pāṭitaṃ hanta dēva dadhibhājanaṃ tvayā ॥3॥

  meaning

  With a heart overcome by the weight of anger at the interruption of the half-drunk sweet, you took up the churning-rod and broke the curd-pot.

• verse 4

  उच्चलद्ध्वनितमुच्चकैस्तदा सन्निशम्य जननी समाद्रुता ।त्वद्यशोविसरवद्ददर्श सा सद्य एव दधि विस्तृतं क्षितौ ॥4॥

  ---

  uchchaladdhvanitamuchchakaistadā sanniśamya jananī samādrutā ।tvadyaśōvisaravaddadarśa sā sadya ēva dadhi vistṛtaṃ kṣitau ॥4॥

  meaning

  When your mother heard the loud crash and came running back, she saw — like the spreading of your fame — the curd spilled wide on the ground.

• verse 5

  वेदमार्गपरिमार्गितं रुषा त्वमवीक्ष्य परिमार्गयन्त्यसौ ।सन्ददर्श सुकृतिन्युलूखले दीयमाननवनीतमोतवे ॥5॥

  ---

  vēdamārgaparimārgitaṃ ruṣā tvamavīkṣya parimārgayantyasau ।sandadarśa sukṛtinyulūkhalē dīyamānanavanītamōtavē ॥5॥

  meaning

  She found you, sought out by the Vedic path in her anger, sitting in the granary while feeding yourself with the fresh butter you had hidden in the mortar.

• verse 6

  त्वां प्रगृह्य बत भीतिभावनाभासुराननसरोजमाशु सा ।रोषरूषितमुखी सखीपुरो बन्धनाय रशनामुपाददे ॥6॥

  ---

  tvāṃ pragṛhya bata bhītibhāvanābhāsurānanasarōjamāśu sā ।rōṣarūṣitamukhī sakhīpurō bandhanāya raśanāmupādadē ॥6॥

  meaning

  Seizing you as you sat with your face blooming with the radiance of fear, she quickly took up the rope before her friends to bind you.

• verse 7

  बन्धुमिच्छति यमेव सज्जनस्तं भवन्तमयि बन्धुमिच्छती ।सा नियुज्य रशनागुणान् बहून् द्व्यङ्गुलोनमखिलं किलैक्षत ॥7॥

  ---

  bandhumichChati yamēva sajjanastaṃ bhavantamayi bandhumichChatī ।sā niyujya raśanāguṇān bahūn dvyaṅgulōnamakhilaṃ kilaikṣata ॥7॥

  meaning

  She who wished to bind only him whom the devotees bound to themselves with love — finding all the ropes joined short by two finger-widths — saw this.

• verse 8

  विस्मितोत्स्मितसखीजनेक्षितां स्विन्नसन्नवपुषं निरीक्ष्य ताम् ।नित्यमुक्तवपुरप्यहो हरे बन्धमेव कृपयाऽन्वमन्यथाः ॥8॥

  ---

  vismitōtsmitasakhījanēkṣitāṃ svinnasannavapuṣaṃ nirīkṣya tām ।nityamuktavapurapyahō harē bandhamēva kṛpayā'nvamanyathāḥ ॥8॥

  meaning

  Looking at her who was exhausted, perspiring, slumped — the servants watching with smiles of wonder — O Hari, though your body is eternally free, you compassionately consented to be bound.

• verse 9

  स्थीयतां चिरमुलूखले खलेत्यागता भवनमेव सा यदा।प्रागुलूखलबिलान्तरे तदा सर्पिरर्पितमदन्नवास्थिथाः ॥9॥

  ---

  sthīyatāṃ chiramulūkhalē khalētyāgatā bhavanamēva sā yadā।prāgulūkhalabilāntarē tadā sarpirarpitamadannavāsthithāḥ ॥9॥

  meaning

  'Stay here a while in this mortar, you mischief-maker' — having said this and gone into the house; then in that mortar-hole you sat eating the butter you had stored there.

• verse 10

  यद्यपाशसुगमो विभो भवान् संयतः किमु सपाशयाऽनया ।एवमादि दिविजैरभिष्टुतो वातनाथ परिपाहि मां गदात् ॥10॥

  ---

  yadyapāśasugamō vibhō bhavān saṃyataḥ kimu sapāśayā'nayā ।ēvamādi divijairabhiṣṭutō vātanātha paripāhi māṃ gadāt ॥10॥

  meaning

  [Phalashruti] O lord, though you are beyond the reach of any rope, why were you bound by this woman with her rope? — Thus praised by the gods, O lord of Guruvayur, protect me from disease.