Narayaniyam Dashaka 43

tap any word for its meaning

• verse 1

  त्वामेकदा गुरुमरुत्पुरनाथ वोढुंगाढाधिरूढगरिमाणमपारयन्ती ।माता निधाय शयने किमिदं बतेतिध्यायन्त्यचेष्टत गृहेषु निविष्टशङ्का ॥1॥

  ---

  tvāmēkadā gurumarutpuranātha vōḍhuṃgāḍhādhirūḍhagarimāṇamapārayantī ।mātā nidhāya śayanē kimidaṃ batētidhyāyantyachēṣṭata gṛhēṣu niviṣṭaśaṅkā ॥1॥

  meaning

  Once, O lord of the wind-temple, your mother — unable to lift you who had become unbearably heavy — laid you on a couch and, anxious in the house, sat absorbed wondering 'What is this!'

• verse 2

  तावद्विदूरमुपकर्णितघोरघोष-व्याजृम्भिपांसुपटलीपरिपूरिताशः ।वात्यावपुस्स किल दैत्यवरस्तृणाव-र्ताख्यो जहार जनमानसहारिणं त्वाम् ॥2॥

  ---

  tāvadvidūramupakarṇitaghōraghōṣa-vyājṛmbhipāṃsupaṭalīparipūritāśaḥ ।vātyāvapussa kila daityavarastṛṇāva-rtākhyō jahāra janamānasahāriṇaṃ tvām ॥2॥

  meaning

  Just then a great demon named Trinavarta, in the form of a whirlwind heard from afar with terrible roar, filling the directions with clouds of dust, snatched you who steal away the minds of all.

• verse 3

  उद्दामपांसुतिमिराहतदृष्टिपातेद्रष्टुं किमप्यकुशले पशुपाललोके ।हा बालकस्य किमिति त्वदुपान्तमाप्तामाता भवन्तमविलोक्य भृशं रुरोद ॥3॥

  ---

  uddāmapāṃsutimirāhatadṛṣṭipātēdraṣṭuṃ kimapyakuśalē paśupālalōkē ।hā bālakasya kimiti tvadupāntamāptāmātā bhavantamavilōkya bhṛśaṃ rurōda ॥3॥

  meaning

  When the cowherd folk's sight was struck blind by the dense dust-darkness so they could see nothing, the mother coming to your side and not finding you wept bitterly: 'Alas, what of my child!'

• verse 4

  तावत् स दानववरोऽपि च दीनमूर्ति-र्भावत्कभारपरिधारणलूनवेगः ।सङ्कोचमाप तदनु क्षतपांसुघोषेघोषे व्यतायत भवज्जननीनिनादः ॥4॥

  ---

  tāvat sa dānavavarō'pi cha dīnamūrti-rbhāvatkabhāraparidhāraṇalūnavēgaḥ ।saṅkōchamāpa tadanu kṣatapāṃsughōṣēghōṣē vyatāyata bhavajjananīninādaḥ ॥4॥

  meaning

  Meanwhile that king of demons too became weak in form, his speed cut by bearing your weight; he shrank, and as the dusty roar abated, your mother's wails spread through Gokul.

• verse 5

  रोदोपकर्णनवशादुपगम्य गेहंक्रन्दत्सु नन्दमुखगोपकुलेषु दीनः ।त्वां दानवस्त्वखिलमुक्तिकरं मुमुक्षु-स्त्वय्यप्रमुञ्चति पपात वियत्प्रदेशात् ॥5॥

  ---

  rōdōpakarṇanavaśādupagamya gēhaṃkrandatsu nandamukhagōpakulēṣu dīnaḥ ।tvāṃ dānavastvakhilamuktikaraṃ mumukṣu-stvayyapramuñchati papāta viyatpradēśāt ॥5॥

  meaning

  Hearing the lament he came to the house; while the Nanda-led cowherd folk were crying, that demon — who had wished to be liberated by you, the giver of liberation to all — fell from the sky still clutching you.

• verse 6

  रोदाकुलास्तदनु गोपगणा बहिष्ठ-पाषाणपृष्ठभुवि देहमतिस्थविष्ठम् ।प्रैक्षन्त हन्त निपतन्तममुष्य वक्ष-स्यक्षीणमेव च भवन्तमलं हसन्तम् ॥6॥

  ---

  rōdākulāstadanu gōpagaṇā bahiṣṭha-pāṣāṇapṛṣṭhabhuvi dēhamatisthaviṣṭham ।praikṣanta hanta nipatantamamuṣya vakṣa-syakṣīṇamēva cha bhavantamalaṃ hasantam ॥6॥

  meaning

  The cowherds, distressed, then saw on the rock outside the demon's huge dead body and you on his chest, unhurt and laughing freely.

• verse 7

  ग्रावप्रपातपरिपिष्टगरिष्ठदेह-भ्रष्टासुदुष्टदनुजोपरि धृष्टहासम् ।आघ्नानमम्बुजकरेण भवन्तमेत्यगोपा दधुर्गिरिवरादिव नीलरत्नम् ॥7॥

  ---

  grāvaprapātaparipiṣṭagariṣṭhadēha-bhraṣṭāsuduṣṭadanujōpari dhṛṣṭahāsam ।āghnānamambujakarēṇa bhavantamētyagōpā dadhurgirivarādiva nīlaratnam ॥7॥

  meaning

  Atop the wicked demon whose massive body had been crushed by the rock-fall and from whom life had fled, you sat slapping him with your lotus hand and laughing boldly; the cowherds came and lifted you up like a sapphire from a great mountain.

• verse 8

  एकैकमाशु परिगृह्य निकामनन्द-न्नन्दादिगोपपरिरब्धविचुम्बिताङ्गम् ।आदातुकामपरिशङ्कितगोपनारी-हस्ताम्बुजप्रपतितं प्रणुमो भवन्तम् ॥8॥

  ---

  ēkaikamāśu parigṛhya nikāmananda-nnandādigōpaparirabdhavichumbitāṅgam ।ādātukāmapariśaṅkitagōpanārī-hastāmbujaprapatitaṃ praṇumō bhavantam ॥8॥

  meaning

  Snatching you up one by one and embracing and kissing your limbs, Nanda and the other cowherds rejoiced; we bow to you who fell into the lotus-hand of the cowherd-women fearful even to take you up.

• verse 9

  भूयोऽपि किन्नु कृणुमः प्रणतार्तिहारीगोविन्द एव परिपालयतात् सुतं नः ।इत्यादि मातरपितृप्रमुखैस्तदानींसम्प्रार्थितस्त्वदवनाय विभो त्वमेव ॥9॥

  ---

  bhūyō'pi kinnu kṛṇumaḥ praṇatārtihārīgōvinda ēva paripālayatāt sutaṃ naḥ ।ityādi mātarapitṛpramukhaistadānīṃsamprārthitastvadavanāya vibhō tvamēva ॥9॥

  meaning

  'What more can we do? May Govinda himself, the remover of his suppliants' grief, protect our son!' — thus your father and mother and the rest prayed to you for your protection, O all-pervading one.

• verse 10

  वातात्मकं दनुजमेवमयि प्रधून्वन्वातोद्भवान् मम गदान् किमु नो धुनोषि ।किं वा करोमि पुनरप्यनिलालयेशनिश्शेषरोगशमनं मुहुरर्थये त्वाम् ॥10॥

  ---

  vātātmakaṃ danujamēvamayi pradhūnvanvātōdbhavān mama gadān kimu nō dhunōṣi ।kiṃ vā karōmi punarapyanilālayēśaniśśēṣarōgaśamanaṃ muhurarthayē tvām ॥10॥

  meaning

  Even so, having shaken off this wind-formed demon, why do you not also shake off the wind-born ailments in me? What else shall I do, O lord of the wind-temple — again and again I beg you for the cure of all my diseases.