← Library

KYTS 6.1 Praacheenavagm Sankaroti

Krishna

◆

tap any word for its meaning

  • verse 1
    कृष्ण यजुर्वेदीय तैत्तिरीय संहितायां षष्ठकाण्डे प्रथमः प्रश्नः - सोममन्त्रब्राह्मणनिरूपणं
    kṛṣṇa yajurvēdīya taittirīya saṃhitāyāṃ ṣaṣṭhakāṇḍē prathamaḥ praśnaḥ - sōmamantrabrāhmaṇanirūpaṇaṃ
    meaning

    Chapter heading: In the Krishna Yajurveda Taittiriya Samhita, sixth kanda, first prashna — the section on Soma mantras and their Brahmana explanations.

  • verse 2
    ओ-न्नमः परमात्मने, श्री महागणपतये नमः,श्री गुरुभ्यो नमः । ह॒रिः॒ ओम् ॥
    ō-nnamaḥ paramātmanē, śrī mahāgaṇapatayē namaḥ,śrī gurubhyō namaḥ । ha̠ri̠ḥ ōm ॥
    meaning

    Salutation to the supreme Self, salutation to Shri Maha Ganapati, salutation to the teachers — Hari Om.

  • verse 3
    प्रा॒चीन॑वग्ंश-ङ्करोति देवमनु॒ष्या दिशो॒ व्य॑भजन्त॒ प्राची᳚-न्दे॒वा द॑क्षि॒णा पि॒तरः॑ प्र॒तीची᳚-म्मनु॒ष्या॑ उदी॑चीग्ं रु॒द्रा य-त्प्रा॒चीन॑वग्ंश-ङ्क॒रोति॑ देवलो॒कमे॒व त-द्यज॑मान उ॒पाव॑र्तते॒ परि॑ श्रयत्य॒न्तर्​हि॑तो॒हि दे॑वलो॒को म॑नुष्यलो॒का-न्नास्माल्लो॒का-थ्स्वे॑तव्यमि॒वेत्या॑हुः॒ को हि त-द्वेद॒ य-द्य॒मुष्मि॑ँल्लो॒के-ऽस्ति॑ वा॒ न वेति॑ दि॒क्ष्व॑ती का॒शान् क॑रो- [दि॒क्ष्व॑ती का॒शान् क॑रोति, उ॒भयो᳚] 1
    prā̠chīna̍vagṃśa-ṅkarōti dēvamanu̠ṣyā diśō̠ vya̍bhajanta̠ prāchī̎-ndē̠vā da̍kṣi̠ṇā pi̠tara̍ḥ pra̠tīchī̎-mmanu̠ṣyā̍ udī̍chīgṃ ru̠drā ya-tprā̠chīna̍vagṃśa-ṅka̠rōti̍ dēvalō̠kamē̠va ta-dyaja̍māna u̠pāva̍rtatē̠ pari̍ śrayatya̠ntar​hi̍tō̠hi dē̍valō̠kō ma̍nuṣyalō̠kā-nnāsmāllō̠kā-thsvē̍tavyami̠vētyā̍hu̠ḥ kō hi ta-dvēda̠ ya-dya̠muṣmi̍ँllō̠kē-'sti̍ vā̠ na vēti̍ di̠kṣva̍tī kā̠śān ka̍rō- [di̠kṣva̍tī kā̠śān ka̍rōti, u̠bhayō̎] 1
    meaning

    He orients eastward: gods went east, ancestors south, humans west, Rudras north; by orienting east the sacrificer enters the divine world hidden within the human world.

  • verse 4
    -त्यु॒भयो᳚-र्लो॒कयो॑-र॒भिजि॑त्यै केशश्म॒श्रु व॑पते न॒खानि॒ नि कृ॑न्तते मृ॒ता वा ए॒षा त्वग॑मे॒द्ध्या य-त्के॑शश्म॒श्रु मृ॒तामे॒व त्वच॑म-मे॒द्ध्याम॑प॒हत्य॑ य॒ज्ञियो॑ भू॒त्वा मेध॒मुपै॒त्यङ्गि॑रस-स्सुव॒र्गं-लोँ॒कं-यँन्तो॒-ऽफ्सु दी᳚क्षात॒पसी॒ प्रावे॑शयन्न॒फ्सु स्ना॑ति सा॒क्षादे॒व दी᳚क्षात॒पसी॒ अव॑ रुन्धे ती॒र्थे स्ना॑ति ती॒र्थे हि ते ता-म्प्रावे॑शय-न्ती॒र्थे स्ना॑ति [ ] 2
    -tyu̠bhayō̎-rlō̠kayō̍-ra̠bhiji̍tyai kēśaśma̠śru va̍patē na̠khāni̠ ni kṛ̍ntatē mṛ̠tā vā ē̠ṣā tvaga̍mē̠ddhyā ya-tkē̍śaśma̠śru mṛ̠tāmē̠va tvacha̍ma-mē̠ddhyāma̍pa̠hatya̍ ya̠jñiyō̍ bhū̠tvā mēdha̠mupai̠tyaṅgi̍rasa-ssuva̠rgaṃ lō̠kaṃ yantō̠-'phsu dī̎kṣāta̠pasī̠ prāvē̍śayanna̠phsu snā̍ti sā̠kṣādē̠va dī̎kṣāta̠pasī̠ ava̍ rundhē tī̠rthē snā̍ti tī̠rthē hi tē tā-mprāvē̍śaya-ntī̠rthē snā̍ti [ ] 2
    meaning

    For victory, the sacrificer shaves hair and trims nails; removing the dead skin he becomes ritually fit; like the Angirases he enters the waters of diksha and gains initiation and austerity.

  • verse 5
    ती॒र्थमे॒व स॑मा॒नाना᳚-म्भवत्य॒पो᳚-ऽश्ञात्यन्तर॒त ए॒व मेद्ध्यो॑ भवति॒ वास॑सा दीक्षयति सौ॒म्यं-वैँ क्षौम॑-न्दे॒वत॑या॒ सोम॑मे॒ष दे॒वता॒मुपै॑ति॒ यो दीक्ष॑ते॒ सोम॑स्य त॒नूर॑सि त॒नुव॑-म्मे पा॒हीत्या॑ह॒ स्वामे॒व दे॒वता॒मुपै॒त्यथो॑ आ॒शिष॑मे॒वैतामा शा᳚स्ते॒ ऽग्नेस्तू॑षा॒धानं॑-वाँ॒योर्वा॑त॒पान॑-म्पितृ॒णा-न्नी॒वि-रोष॑धीना-म्प्रघा॒त [-रोष॑धीना-म्प्रघा॒तः, आ॒दि॒त्याना᳚-म्प्राचीनता॒नो] 3
    tī̠rthamē̠va sa̍mā̠nānā̎-mbhavatya̠pō̎-'śñātyantara̠ta ē̠va mēddhyō̍ bhavati̠ vāsa̍sā dīkṣayati sau̠myaṃ vai kṣauma̍-ndē̠vata̍yā̠ sōma̍mē̠ṣa dē̠vatā̠mupai̍ti̠ yō dīkṣa̍tē̠ sōma̍sya ta̠nūra̍si ta̠nuva̍-mmē pā̠hītyā̍ha̠ svāmē̠va dē̠vatā̠mupai̠tyathō̍ ā̠śiṣa̍mē̠vaitāmā śā̎stē̠ 'gnēstū̍ṣā̠dhāna̍ṃ vā̠yōrvā̍ta̠pāna̍-mpitṛ̠ṇā-nnī̠vi-rōṣa̍dhīnā-mpraghā̠ta [-rōṣa̍dhīnā-mpraghā̠taḥ, ā̠di̠tyānā̎-mprāchīnatā̠nō] 3
    meaning

    He becomes a meeting-place of equals; he eats water and becomes internally fit; consecrated with linen — Soma's material — he enters that Soma deity and secures the deity's protection.

  • verse 6
    आ॑दि॒त्याना᳚-म्प्राचीनता॒नो विश्वे॑षा-न्दे॒वाना॒मोतु॒ र्नक्ष॑त्राणा-मतीका॒शास्तद्वा ए॒त-थ्स॑र्व देव॒त्यं॑-यँ-द्वासो॒ य-द्वास॑सा दी॒क्षय॑ति॒ सर्वा॑भिरे॒वैन॑-न्दे॒वता॑भि-र्दीक्षयति ब॒हिःप्रा॑णो॒ वै म॑नु॒ष्य॑स्त-स्याश॑न-म्प्रा॒णो᳚-ऽश्ञाति॒ सप्रा॑ण ए॒व दी᳚क्षत॒ आशि॑तो भवति॒ यावा॑ने॒वास्य॑ प्रा॒णस्तेन॑ स॒ह मेध॒मुपै॑ति घृ॒त-न्दे॒वाना॒-म्मस्तु॑ पितृ॒णा-न्निष्प॑क्व-म्मनु॒ष्या॑णा॒-न्तद्वा [-म्मनु॒ष्या॑णा॒-न्तद्वै, ए॒त-थ्स॑र्वदेव॒त्यं॑] 4
    ā̍di̠tyānā̎-mprāchīnatā̠nō viśvē̍ṣā-ndē̠vānā̠mōtu̠ rnakṣa̍trāṇā-matīkā̠śāstadvā ē̠ta-thsa̍rva dēva̠tya̍ṃ ya-dvāsō̠ ya-dvāsa̍sā dī̠kṣaya̍ti̠ sarvā̍bhirē̠vaina̍-ndē̠vatā̍bhi-rdīkṣayati ba̠hiḥprā̍ṇō̠ vai ma̍nu̠ṣya̍sta-syāśa̍na-mprā̠ṇō̎-'śñāti̠ saprā̍ṇa ē̠va dī̎kṣata̠ āśi̍tō bhavati̠ yāvā̍nē̠vāsya̍ prā̠ṇastēna̍ sa̠ha mēdha̠mupai̍ti ghṛ̠ta-ndē̠vānā̠-mmastu̍ pitṛ̠ṇā-nniṣpa̍kva-mmanu̠ṣyā̍ṇā̠-ntadvā [-mmanu̠ṣyā̍ṇā̠-ntadvai, ē̠ta-thsa̍rvadēva̠tya̍ṃ] 4
    meaning

    This garment embodies all the Adityas, all the gods, and all the nakshatras; the external breath is the life-breath of the human — so he is consecrated together with his breath.

  • verse 7
    ए॒त-थ्स॑र्वदेव॒त्यं॑-यँन्नव॑नीतं॒-यँन्नव॑नीतेनाभ्य॒ङ्क्ते सर्वा॑ ए॒व दे॒वताः᳚ प्रीणाति॒ प्रच्यु॑तो॒ वा ए॒षो᳚-ऽस्माल्लो॒कादग॑तो देवलो॒कं-योँ दी᳚क्षि॒तो᳚ ऽन्त॒रेव॒ नव॑नीत॒-न्तस्मा॒-न्नव॑नीतेना॒भ्य॑ङ्क्ते ऽनुलो॒मं-यँजु॑षा॒ व्यावृ॑त्त्या॒ इन्द्रो॑ वृ॒त्रम॑ह॒-न्तस्य॑ क॒नीनि॑का॒ परा॑-ऽपत॒-त्तदाञ्ज॑नम-भव॒द्यदा॒ङ्क्ते चक्षु॑रे॒व भ्रातृ॑व्यस्य वृङ्क्ते॒ दक्षि॑ण॒-म्पूर्व॒मा-ऽङ्क्ते॑ [दक्षि॑ण॒-म्पूर्व॒मा-ऽङ्क्ते᳚, स॒व्यग्ं हि] 5
    ē̠ta-thsa̍rvadēva̠tya̍ṃ yannava̍nīta̠ṃ yannava̍nītēnābhya̠ṅktē sarvā̍ ē̠va dē̠vatā̎ḥ prīṇāti̠ prachyu̍tō̠ vā ē̠ṣō̎-'smāllō̠kādaga̍tō dēvalō̠kaṃ yō dī̎kṣi̠tō̎ 'nta̠rēva̠ nava̍nīta̠-ntasmā̠-nnava̍nītēnā̠bhya̍ṅktē 'nulō̠maṃ yaju̍ṣā̠ vyāvṛ̍ttyā̠ indrō̍ vṛ̠trama̍ha̠-ntasya̍ ka̠nīni̍kā̠ parā̍-'pata̠-ttadāñja̍nama-bhava̠dyadā̠ṅktē chakṣu̍rē̠va bhrātṛ̍vyasya vṛṅktē̠ dakṣi̍ṇa̠-mpūrva̠mā-'ṅktē̍ [dakṣi̍ṇa̠-mpūrva̠mā-'ṅktē̎, sa̠vyagṃ hi] 5
    meaning

    This is of the nature of all the gods like butter that pleases all when used for anointing; in-between the worlds, butter anoints the sacrificer going with the yajus, reversing Indra's victory over Vritra.

  • verse 8
    स॒व्यग्ं हि पूर्व॑-म्मनु॒ष्या॑ आ॒ञ्जते॒ न नि धा॑वते॒ नीव॒ हि म॑नु॒ष्या॑ धाव॑न्ते॒ पञ्च॒ कृत्व॒ आ-ऽङ्क्ते॒ पञ्चा᳚क्षरा प॒ङ्क्तिः पाङ्क्तो॑ य॒ज्ञो य॒ज्ञमे॒वाव॑ रुन्धे॒ परि॑मित॒माङ्क्ते ऽप॑रिमित॒ग्ं॒ हि म॑नु॒ष्या॑ आ॒ञ्जते॒ सतू॑ल॒या-ऽऽङ्क्ते- ऽप॑तूलया॒ हि म॑नु॒ष्या॑ आ॒ञ्जते॒ व्यावृ॑त्त्यै॒ यदप॑तूलयाञ्जी॒त वज्र॑ इव स्या॒-थ्सतू॑ल॒या-ऽऽङ्क्ते॑ मित्र॒त्वाये- [मित्र॒त्वाय॑, इन्द्रो॑] 6
    sa̠vyagṃ hi pūrva̍-mmanu̠ṣyā̍ ā̠ñjatē̠ na ni dhā̍vatē̠ nīva̠ hi ma̍nu̠ṣyā̍ dhāva̍ntē̠ pañcha̠ kṛtva̠ ā-'ṅktē̠ pañchā̎kṣarā pa̠ṅktiḥ pāṅktō̍ ya̠jñō ya̠jñamē̠vāva̍ rundhē̠ pari̍mita̠māṅktē 'pa̍rimita̠gṃ̠ hi ma̍nu̠ṣyā̍ ā̠ñjatē̠ satū̍la̠yā-''ṅktē- 'pa̍tūlayā̠ hi ma̍nu̠ṣyā̍ ā̠ñjatē̠ vyāvṛ̍ttyai̠ yadapa̍tūlayāñjī̠ta vajra̍ iva syā̠-thsatū̍la̠yā-''ṅktē̍ mitra̠tvāyē- [mitra̠tvāya̍, indrō̍] 6
    meaning

    People anoint from the right — the human way; he anoints five times for the five-syllable pankti, holding the sacrifice; he anoints within measure, for the unmeasured belongs to the sacrifice.

  • verse 9
    -न्द्रो॑ वृ॒त्रम॑ह॒न्​थ्सो᳚-ऽ(1॒)पो᳚-ऽ(1॒)भ्य॑-म्रियत॒ तासां॒-यँन्मेद्ध्यं॑-यँ॒ज्ञिय॒ग्ं॒ सदे॑व॒मासी॒-त्तद॒पोद॑क्राम॒-त्ते द॒र्भा अ॑भव॒न्॒. यद्द॑र्भपुञ्जी॒लैः प॒वय॑ति॒ या ए॒व मेद्ध्या॑ य॒ज्ञिया॒-स्सदे॑वा॒ आप॒स्ताभि॑रे॒वैन॑-म्पवयति॒ द्वाभ्या᳚-म्पवयत्य-होरा॒त्राभ्या॑मे॒वैन॑-म्पवयति त्रि॒भिः प॑वयति॒ त्रय॑ इ॒मे लो॒का ए॒भिरे॒वैनं॑-लोँ॒कैः प॑वयति प॒ञ्चभिः॑ [प॒ञ्चभिः॑, प॒व॒य॒ति॒ पञ्चा᳚क्षरा] 7
    -ndrō̍ vṛ̠trama̍ha̠n​thsō̎-'(1̠)pō̎-'(1̠)bhya̍-mriyata̠ tāsā̠ṃ yanmēddhya̍ṃ ya̠jñiya̠gṃ̠ sadē̍va̠māsī̠-ttada̠pōda̍krāma̠-ttē da̠rbhā a̍bhava̠n̠. yadda̍rbhapuñjī̠laiḥ pa̠vaya̍ti̠ yā ē̠va mēddhyā̍ ya̠jñiyā̠-ssadē̍vā̠ āpa̠stābhi̍rē̠vaina̍-mpavayati̠ dvābhyā̎-mpavayatya-hōrā̠trābhyā̍mē̠vaina̍-mpavayati tri̠bhiḥ pa̍vayati̠ traya̍ i̠mē lō̠kā ē̠bhirē̠vaina̍ṃ lō̠kaiḥ pa̍vayati pa̠ñchabhi̍ḥ [pa̠ñchabhi̍ḥ, pa̠va̠ya̠ti̠ pañchā̎kṣarā] 7
    meaning

    Indra slew Vritra; he was dying from the waters — the meritorious and sacrificial element that departed became darbha grass; purifying with darbha restores what was always present.

  • verse 10
    पवयति॒ पञ्चा᳚क्षरा प॒ङ्क्तिः पाङ्क्तो॑ य॒ज्ञो य॒ज्ञायै॒वैन॑-म्पवयति ष॒ड्भिः प॑वयति॒ षड्वा ऋ॒तव॑ ऋ॒तुभि॑रे॒वैन॑-म्पवयति स॒प्तभिः॑ पवयति स॒प्त छन्दाग्ं॑सि॒ छन्दो॑भिरे॒वैन॑-म्पवयति न॒वभिः॑ पवयति॒ नव॒ वै पुरु॑षे प्रा॒णा-स्सप्रा॑णमे॒वैन॑-म्पवय॒त्येक॑विग्ंशत्या पवयति॒ दश॒ हस्त्या॑ अ॒ङ्गुल॑यो॒ दश॒ पद्या॑ आ॒त्मैक॑वि॒ग्ं॒शो यावा॑ने॒व पुरु॑ष॒स्त-मप॑रिवर्ग- [पुरु॑ष॒स्त-मप॑रिवर्गम्, प॒व॒य॒ति॒ चि॒त्पति॑स्त्वा] 8
    pavayati̠ pañchā̎kṣarā pa̠ṅktiḥ pāṅktō̍ ya̠jñō ya̠jñāyai̠vaina̍-mpavayati ṣa̠ḍbhiḥ pa̍vayati̠ ṣaḍvā ṛ̠tava̍ ṛ̠tubhi̍rē̠vaina̍-mpavayati sa̠ptabhi̍ḥ pavayati sa̠pta Chandāgṃ̍si̠ Chandō̍bhirē̠vaina̍-mpavayati na̠vabhi̍ḥ pavayati̠ nava̠ vai puru̍ṣē prā̠ṇā-ssaprā̍ṇamē̠vaina̍-mpavaya̠tyēka̍vigṃśatyā pavayati̠ daśa̠ hastyā̍ a̠ṅgula̍yō̠ daśa̠ padyā̍ ā̠tmaika̍vi̠gṃ̠śō yāvā̍nē̠va puru̍ṣa̠sta-mapa̍rivarga- [puru̍ṣa̠sta-mapa̍rivargam, pa̠va̠ya̠ti̠ chi̠tpati̍stvā] 8
    meaning

    He purifies for the pankti — five-syllable pankti is the sacrifice; with six — the seasons; with seven — the metres; with nine — the nine months; with ten — the vital breaths.

  • verse 11
    -म्पवयति चि॒त्पति॑स्त्वा पुना॒त्वित्या॑ह॒ मनो॒ वै चि॒त्पति॒र्मन॑सै॒वैन॑-म्पवयति वा॒क्पति॑स्त्वा पुना॒त्वित्या॑ह वा॒चैवैन॑-म्पवयति दे॒वस्त्वा॑ सवि॒ता पु॑ना॒त्वित्या॑ह सवि॒तृप्र॑सूत ए॒वैन॑-म्पवयति॒ तस्य॑ ते पवित्रपते प॒वित्रे॑ण॒ यस्मै॒ क-म्पु॒ने तच्छ॑केय॒मित्या॑-हा॒-ऽऽशिष॑मे॒वैतामा शा᳚स्ते ॥ 9 ॥(अ॒ती॒का॒शान् क॑रो॒त्य - वे॑शय-न्ति॒र्थ स्ना॑ति - प्रघा॒तो - म॑नु॒ष्या॑णा॒-न्तद्वा - आ-ऽङ्क्ते॑ - मित्र॒त्वाय॑ - प॒ञ्चभि॒ - रप॑रिवर्ग - म॒ष्टाच॑त्वारिग्ंशच्च) (अ. 1)
    -mpavayati chi̠tpati̍stvā punā̠tvityā̍ha̠ manō̠ vai chi̠tpati̠rmana̍sai̠vaina̍-mpavayati vā̠kpati̍stvā punā̠tvityā̍ha vā̠chaivaina̍-mpavayati dē̠vastvā̍ savi̠tā pu̍nā̠tvityā̍ha savi̠tṛpra̍sūta ē̠vaina̍-mpavayati̠ tasya̍ tē pavitrapatē pa̠vitrē̍ṇa̠ yasmai̠ ka-mpu̠nē tachCha̍kēya̠mityā̍-hā̠-''śiṣa̍mē̠vaitāmā śā̎stē ॥ 9 ॥(a̠tī̠kā̠śān ka̍rō̠tya - vē̍śaya-nti̠rtha snā̍ti - praghā̠tō - ma̍nu̠ṣyā̍ṇā̠-ntadvā - ā-'ṅktē̍ - mitra̠tvāya̍ - pa̠ñchabhi̠ - rapa̍rivarga - ma̠ṣṭācha̍tvārigṃśachcha) (a. 1)
    meaning

    He purifies ten times for the vital breaths; eleven for the Rudras; twelve for the months; all measures are within the sacrifice.

  • verse 12
    याव॑न्तो॒ वै दे॒वा य॒ज्ञायापु॑नत॒ त ए॒वाभ॑व॒न्॒. य ए॒वं-विँ॒द्वान्. य॒ज्ञाय॑ पुनी॒ते भव॑त्ये॒व ब॒हिः प॑वयि॒त्वा-ऽन्तः प्र पा॑दयति मनुष्यलो॒क ए॒वैन॑-म्पवयि॒त्वा पू॒त-न्दे॑वलो॒क-म्प्र ण॑य॒त्यदी᳚क्षित॒ एक॒या-ऽऽहु॒त्येत्या॑हु-स्स्रु॒वेण॒ चत॑स्रो जुहोति दीक्षित॒त्वाय॑ स्रु॒चा प॑ञ्च॒मी-म्पञ्चा᳚क्षरा प॒ङ्क्तिः पाङ्क्तो॑ य॒ज्ञो य॒ज्ञमे॒वाव॑ रुन्ध॒ आकू᳚त्यै प्र॒युजे॒-ऽग्नये॒ [प्र॒युजे॒-ऽग्नये᳚, स्वाहेत्या॒हा] 10
    yāva̍ntō̠ vai dē̠vā ya̠jñāyāpu̍nata̠ ta ē̠vābha̍va̠n̠. ya ē̠vaṃ vi̠dvān. ya̠jñāya̍ punī̠tē bhava̍tyē̠va ba̠hiḥ pa̍vayi̠tvā-'ntaḥ pra pā̍dayati manuṣyalō̠ka ē̠vaina̍-mpavayi̠tvā pū̠ta-ndē̍valō̠ka-mpra ṇa̍ya̠tyadī̎kṣita̠ ēka̠yā-''hu̠tyētyā̍hu-ssru̠vēṇa̠ chata̍srō juhōti dīkṣita̠tvāya̍ sru̠chā pa̍ñcha̠mī-mpañchā̎kṣarā pa̠ṅktiḥ pāṅktō̍ ya̠jñō ya̠jñamē̠vāva̍ rundha̠ ākū̎tyai pra̠yujē̠-'gnayē̠ [pra̠yujē̠-'gnayē̎, svāhētyā̠hā] 10
    meaning

    The pavitr (purifier) is the mind — he purifies the mind; the navel is the middle of the sacrifice; when he places it at the navel he places the purifier at the middle of the sacrifice; it has ten strands — the vital breaths are tenfold.

  • verse 13
    स्वाहेत्या॒हा-ऽऽकू᳚त्या॒ हि पुरु॑षो य॒ज्ञम॒भि प्र॑यु॒ङ्क्ते यजे॒येति॑ मे॒धायै॒ मन॑से॒-ऽग्नये॒ स्वाहेत्या॑ह मे॒धया॒ हि मन॑सा॒ पुरु॑षो य॒ज्ञम॑भि॒गच्छ॑ति॒ सर॑स्वत्यै पू॒ष्णे᳚-ऽग्नये॒ स्वाहेत्या॑ह॒ वाग्वै सर॑स्वती पृथि॒वी पू॒षा वा॒चैव पृ॑थि॒व्या य॒ज्ञ-म्प्रयु॑ङ्क्त॒ आपो॑ देवी-र्बृहती-र्विश्वशम्भुव॒ इत्या॑ह॒ या वै वर्​ष्या॒स्ता [या वै वर्​ष्या॒स्ताः, आपो॑ दे॒वी-र्बृ॑ह॒ती-] 11
    svāhētyā̠hā-''kū̎tyā̠ hi puru̍ṣō ya̠jñama̠bhi pra̍yu̠ṅktē yajē̠yēti̍ mē̠dhāyai̠ mana̍sē̠-'gnayē̠ svāhētyā̍ha mē̠dhayā̠ hi mana̍sā̠ puru̍ṣō ya̠jñama̍bhi̠gachCha̍ti̠ sara̍svatyai pū̠ṣṇē̎-'gnayē̠ svāhētyā̍ha̠ vāgvai sara̍svatī pṛthi̠vī pū̠ṣā vā̠chaiva pṛ̍thi̠vyā ya̠jña-mprayu̍ṅkta̠ āpō̍ dēvī-rbṛhatī-rviśvaśambhuva̠ ityā̍ha̠ yā vai var​ṣyā̠stā [yā vai var​ṣyā̠stāḥ, āpō̍ dē̠vī-rbṛ̍ha̠tī-] 11
    meaning

    He wraps it in a garment made of wool — Prajapati is the wool (urna); thus he protects it with Prajapati; he places it in the soma-tub — the soma-tub is the waters; thus he stabilises the purifier in the waters.

  • verse 14
    आपो॑ दे॒वी-र्बृ॑ह॒ती-र्वि॒श्वश॑भुं​वोँ॒ यदे॒त-द्यजु॒र्न ब्रू॒या-द्दि॒व्या आपो-ऽशा᳚न्ता इ॒मं-लोँ॒कमा ग॑च्छेयु॒रापो॑ देवी-र्बृहती-र्विश्वशम्भुव॒ इत्या॑हा॒स्मा ए॒वैना॑ लो॒काय॑ शमयति॒ तस्मा᳚च्छा॒न्ता इ॒मं-लोँ॒कमा ग॑च्छन्ति॒ द्यावा॑पृथि॒वी इत्या॑ह॒ द्यावा॑पृथि॒व्योर्​हि य॒ज्ञ उ॒र्व॑न्तरि॑क्ष॒-मित्या॑हा॒न्तरि॑क्षे॒ हि य॒ज्ञो बृह॒स्पति॑र्नो ह॒विषा॑ वृधा॒- [ह॒विषा॑ वृधातु, इत्या॑ह॒ ब्रह्म॒ वै] 12
    āpō̍ dē̠vī-rbṛ̍ha̠tī-rvi̠śvaśa̍bhuṃvō̠ yadē̠ta-dyaju̠rna brū̠yā-ddi̠vyā āpō-'śā̎mtā i̠maṃ lō̠kamā ga̍chChēyu̠rāpō̍ dēvī-rbṛhatī-rviśvaśambhuva̠ ityā̍hā̠smā ē̠vainā̍ lō̠kāya̍ śamayati̠ tasmā̎chChā̠ntā i̠maṃ lō̠kamā ga̍chChanti̠ dyāvā̍pṛthi̠vī ityā̍ha̠ dyāvā̍pṛthi̠vyōr​hi ya̠jña u̠rva̍ntari̍kṣa̠-mityā̍hā̠ntari̍kṣē̠ hi ya̠jñō bṛha̠spati̍rnō ha̠viṣā̍ vṛdhā̠- [ha̠viṣā̍ vṛdhātu, ityā̍ha̠ brahma̠ vai] 12
    meaning

    With 'come O king Soma' he draws the soma — the soma king is drawn; with 'you are the navel of the sacrifice' — the soma is the navel of the sacrifice; he places it at the right place by this.

  • verse 15
    -त्वित्या॑ह॒ ब्रह्म॒ वै दे॒वाना॒-म्बृह॒स्पति॒-र्ब्रह्म॑णै॒वास्मै॑ य॒ज्ञमव॑ रुन्धे॒ यद्- ब्रू॒या-द्वि॑धे॒रिति॑ यज्ञस्था॒णुमृ॑च्छे-द्वृधा॒त्वित्या॑ह यज्ञस्था॒णुमे॒व परि॑ वृणक्ति प्र॒जाप॑ति-र्य॒ज्ञम॑सृजत॒ सो᳚-ऽस्मा-थ्सृ॒ष्टः परां॑ऐ॒-थ्स प्र यजु॒रव्ली॑ना॒-त्प्र साम॒ तमृगुद॑यच्छ॒-द्यदृगु॒दय॑च्छ॒-त्तदौ᳚-द्ग्रह॒णस्यौ᳚-द्ग्रहण॒त्व मृ॒चा [मृ॒चा, जु॒हो॒ति॒ य॒ज्ञस्योद्य॑त्या] 13
    -tvityā̍ha̠ brahma̠ vai dē̠vānā̠-mbṛha̠spati̠-rbrahma̍ṇai̠vāsmai̍ ya̠jñamava̍ rundhē̠ yad- brū̠yā-dvi̍dhē̠riti̍ yajñasthā̠ṇumṛ̍chChē-dvṛdhā̠tvityā̍ha yajñasthā̠ṇumē̠va pari̍ vṛṇakti pra̠jāpa̍ti-rya̠jñama̍sṛjata̠ sō̎-'smā-thsṛ̠ṣṭaḥ parā̍ṃai̠-thsa pra yaju̠ravlī̍nā̠-tpra sāma̠ tamṛguda̍yachCha̠-dyadṛgu̠daya̍chCha̠-ttadau̎-dgraha̠ṇasyau̎-dgrahaṇa̠tva mṛ̠chā [mṛ̠chā, ju̠hō̠ti̠ ya̠jñasyōdya̍tyā] 13
    meaning

    The Andhasas (soma shoots) are truly Varuna's fetters — he who has soma pressed carries Varuna's fetters; by the adhvaryu removing them along with a mantra he releases him from Varuna's fetters.

  • verse 16
    जु॑होति य॒ज्ञस्योद्य॑त्या अनु॒ष्टुप्-छन्द॑सा॒-मुद॑यच्छ॒दित्या॑-हु॒स्तस्मा॑दनु॒ष्टुभा॑ जुहोति य॒ज्ञस्योद्य॑त्यै॒ द्वाद॑श वाथ्सब॒न्धान्युद॑यच्छ॒-न्नित्या॑हु॒-स्तस्मा᳚द्- द्वाद॒शभि॑-र्वाथ्सबन्ध॒विदो॑ दीक्षयन्ति॒ सा वा ए॒षर्ग॑नु॒ष्टुग्-वाग॑नु॒ष्टुग्-यदे॒तय॒र्चा दी॒क्षय॑ति वा॒चैवैन॒ग्ं॒ सर्व॑या दीक्षयति॒ विश्वे॑ दे॒वस्य॑ ने॒तुरित्या॑ह सावि॒त्र्ये॑तेन॒ मर्तो॑ वृणीत स॒ख्य- [स॒ख्यम्, इत्या॑ह] 14
    ju̍hōti ya̠jñasyōdya̍tyā anu̠ṣṭup-Chanda̍sā̠-muda̍yachCha̠dityā̍-hu̠stasmā̍danu̠ṣṭubhā̍ juhōti ya̠jñasyōdya̍tyai̠ dvāda̍śa vāthsaba̠ndhānyuda̍yachCha̠-nnityā̍hu̠-stasmā̎d- dvāda̠śabhi̍-rvāthsabandha̠vidō̍ dīkṣayanti̠ sā vā ē̠ṣarga̍nu̠ṣṭug-vāga̍nu̠ṣṭug-yadē̠taya̠rchā dī̠kṣaya̍ti vā̠chaivaina̠gṃ̠ sarva̍yā dīkṣayati̠ viśvē̍ dē̠vasya̍ nē̠turityā̍ha sāvi̠tryē̍tēna̠ martō̍ vṛṇīta sa̠khya- [sa̠khyam, ityā̍ha] 14
    meaning

    The stone is truly the thunderbolt; by striking the soma with the stone he strikes the enemy with the thunderbolt; the butter is a healing medicine — he smears with butter the place struck by the stone, thus applying medicine.

  • verse 17
    -मित्या॑ह पितृदेव॒त्यै॑तेन॒ विश्वे॑ रा॒य इ॑षुद्ध्य॒सीत्या॑ह वैश्वदे॒व्ये॑तेन॑ द्यु॒म्नं-वृँ॑णीत पु॒ष्यस॒ इत्या॑ह पौ॒ष्ण्ये॑तेन॒ सा वा ए॒षर्ख्स॑र्वदेव॒त्या॑ यदे॒तय॒र्चा दी॒क्षय॑ति॒ सर्वा॑भिरे॒वैन॑-न्दे॒वता॑भिर्दीक्षयति स॒प्ताक्ष॑र-म्प्रथ॒म-म्प॒दम॒ष्टाक्ष॑राणि॒ त्रीणि॒ यानि॒ त्रीणि॒ तान्य॒ष्टावुप॑ यन्ति॒ यानि॑ च॒त्वारि॒ तान्य॒ष्टौ यद॒ष्टाक्ष॑रा॒ तेन॑ [तेन॑, गा॒य॒त्री यदेका॑दशाक्षरा॒] 15
    -mityā̍ha pitṛdēva̠tyai̍tēna̠ viśvē̍ rā̠ya i̍ṣuddhya̠sītyā̍ha vaiśvadē̠vyē̍tēna̍ dyu̠mnaṃ vṛ̍ṇīta pu̠ṣyasa̠ ityā̍ha pau̠ṣṇyē̍tēna̠ sā vā ē̠ṣarkhsa̍rvadēva̠tyā̍ yadē̠taya̠rchā dī̠kṣaya̍ti̠ sarvā̍bhirē̠vaina̍-ndē̠vatā̍bhirdīkṣayati sa̠ptākṣa̍ra-mpratha̠ma-mpa̠dama̠ṣṭākṣa̍rāṇi̠ trīṇi̠ yāni̠ trīṇi̠ tānya̠ṣṭāvupa̍ yanti̠ yāni̍ cha̠tvāri̠ tānya̠ṣṭau yada̠ṣṭākṣa̍rā̠ tēna̍ [tēna̍, gā̠ya̠trī yadēkā̍daśākṣarā̠] 15
    meaning

    He places the stones — the stones are strength; he places strength for the sacrifice; he grasps them in order — for proper order in placing the stones; the left one first — for the left side is the weaker one.

  • verse 18
    गाय॒त्री यदेका॑दशाक्षरा॒ तेन॑ त्रि॒ष्टुग्य-द्द्वाद॑शाक्षरा॒ तेन॒ जग॑ती॒ सा वा ए॒षर्ख्सर्वा॑णि॒ छन्दाग्ं॑सि॒ यदे॒तय॒र्चा दी॒क्षय॑ति॒ सर्वे॑भिरे॒वैन॒-ञ्छन्दो॑भिर्दीक्षयति स॒प्ताक्ष॑र-म्प्रथ॒म-म्प॒दग्ं स॒प्तप॑दा॒ शक्व॑री प॒शव॒-श्शक्व॑री प॒शूने॒वाव॑ रुन्ध॒ एक॑स्माद॒क्षरा॒दना᳚प्त-म्प्रथ॒म-म्प॒द-न्तस्मा॒-द्य-द्वा॒चो-ऽना᳚प्त॒-न्तन्म॑नु॒ष्या॑ उप॑ जीवन्ति पू॒र्णया॑ जुहोति पू॒र्ण इ॑व॒ हि प्र॒जाप॑तिः प्र॒जाप॑ते॒राप्त्यै॒ न्यू॑नया जुहोति॒ न्यू॑ना॒द्धि प्र॒जाप॑तिः प्र॒जा असृ॑जत प्र॒जाना॒ग्ं॒ सृष्ट्यै᳚ ॥ 16 ॥(अ॒ग्नये॒ - ता - वृ॑धात्वृ॒ - चा - स॒ख्यं - तेन॑ - जुहोति॒ - पञ्च॑दश च) (अ. 2)
    gāya̠trī yadēkā̍daśākṣarā̠ tēna̍ tri̠ṣṭugya-ddvāda̍śākṣarā̠ tēna̠ jaga̍tī̠ sā vā ē̠ṣarkhsarvā̍ṇi̠ Chandāgṃ̍si̠ yadē̠taya̠rchā dī̠kṣaya̍ti̠ sarvē̍bhirē̠vaina̠-ñChandō̍bhirdīkṣayati sa̠ptākṣa̍ra-mpratha̠ma-mpa̠dagṃ sa̠ptapa̍dā̠ śakva̍rī pa̠śava̠-śśakva̍rī pa̠śūnē̠vāva̍ rundha̠ ēka̍smāda̠kṣarā̠danā̎pta-mpratha̠ma-mpa̠da-ntasmā̠-dya-dvā̠chō-'nā̎pta̠-ntanma̍nu̠ṣyā̍ upa̍ jīvanti pū̠rṇayā̍ juhōti pū̠rṇa i̍va̠ hi pra̠jāpa̍tiḥ pra̠jāpa̍tē̠rāptyai̠ nyū̍nayā juhōti̠ nyū̍nā̠ddhi pra̠jāpa̍tiḥ pra̠jā asṛ̍jata pra̠jānā̠gṃ̠ sṛṣṭyai̎ ॥ 16 ॥(a̠gnayē̠ - tā - vṛ̍dhātvṛ̠ - chā - sa̠khyaṃ - tēna̍ - juhōti̠ - pañcha̍daśa cha) (a. 2)
    meaning

    He places the stones on the cart — the cart is one, the stones are two; placing two on one he makes prosperity abound for the sacrificer; the cart is yoked — the sacrifice is also yoked, so he thus places the sacrifice in proper motion.

  • verse 19
    ऋ॒-ख्सा॒मे वै दे॒वेभ्यो॑ य॒ज्ञाया-ऽति॑ष्ठमाने॒ कृष्णो॑ रू॒प-ङ्कृ॒त्वा- ऽप॒क्रम्या॑तिष्ठता॒-न्ते॑-ऽमन्यन्त॒ यं-वाँ इ॒मे उ॑पाव॒र्थ्स्यत॒-स्स इ॒द-म्भ॑विष्य॒तीति॒ ते उपा॑मन्त्रयन्त॒ ते अ॑होरा॒त्रयो᳚-र्महि॒मान॑-मपनि॒धाय॑ दे॒वानु॒पाव॑र्तेतामे॒ष वा ऋ॒चो वर्णो॒ यच्छु॒क्ल-ङ्कृ॑ष्णाजि॒नस्यै॒ष साम्नो॒ य-त्कृ॒ष्णमृ॑ख्सा॒मयो॒-श्शिल्पे᳚ स्थ॒ इत्या॑हर्ख्सा॒मे ए॒वा-ऽव॑ रुन्ध ए॒ष [ए॒वा-ऽव॑ रुन्ध ए॒षः, वा अह्नो॒] 17
    ṛ̠-khsā̠mē vai dē̠vēbhyō̍ ya̠jñāyā-'ti̍ṣṭhamānē̠ kṛṣṇō̍ rū̠pa-ṅkṛ̠tvā- 'pa̠kramyā̍tiṣṭhatā̠-ntē̍-'manyanta̠ yaṃ vā i̠mē u̍pāva̠rthsyata̠-ssa i̠da-mbha̍viṣya̠tīti̠ tē upā̍mantrayanta̠ tē a̍hōrā̠trayō̎-rmahi̠māna̍-mapani̠dhāya̍ dē̠vānu̠pāva̍rtētāmē̠ṣa vā ṛ̠chō varṇō̠ yachChu̠kla-ṅkṛ̍ṣṇāji̠nasyai̠ṣa sāmnō̠ ya-tkṛ̠ṣṇamṛ̍khsā̠mayō̠-śśilpē̎ stha̠ ityā̍harkhsā̠mē ē̠vā-'va̍ rundha ē̠ṣa [ē̠vā-'va̍ rundha ē̠ṣaḥ, vā ahnō̠] 17
    meaning

    He draws the sacrificial cart to the east while reciting — the east is the divine direction; thus he draws it toward the divine; the cart follows the recitation — one goes where the voice leads.

  • verse 20
    वा अह्नो॒ वर्णो॒ यच्छु॒क्ल-ङ्कृ॑ष्णाजि॒नस्यै॒ष रात्रि॑या॒ य-त्कृ॒ष्णं-यँदे॒वैन॑यो॒स्तत्र॒ न्य॑क्त॒-न्तदे॒वाव॑ रुन्धे कृष्णाजि॒नेन॑ दीक्षयति॒ ब्रह्म॑णो॒ वा ए॒त-द्रू॒पं-यँ-त्कृ॑ष्णाजि॒न-म्ब्रह्म॑णै॒वैन॑-न्दीक्षयती॒मा-न्धिय॒ग्ं॒ शिक्ष॑माणस्य दे॒वेत्या॑ह यथाय॒जुरे॒वैत-द्गर्भो॒ वा ए॒ष य-द्दी᳚क्षि॒त उल्बं॒-वाँसः॒ प्रोर्णु॑ते॒ तस्मा॒- [तस्मा᳚त्, गर्भाः॒ प्रावृ॑ता] 18
    vā ahnō̠ varṇō̠ yachChu̠kla-ṅkṛ̍ṣṇāji̠nasyai̠ṣa rātri̍yā̠ ya-tkṛ̠ṣṇaṃ yadē̠vaina̍yō̠statra̠ nya̍kta̠-ntadē̠vāva̍ rundhē kṛṣṇāji̠nēna̍ dīkṣayati̠ brahma̍ṇō̠ vā ē̠ta-drū̠paṃ ya-tkṛ̍ṣṇāji̠na-mbrahma̍ṇai̠vaina̍-ndīkṣayatī̠mā-ndhiya̠gṃ̠ śikṣa̍māṇasya dē̠vētyā̍ha yathāya̠jurē̠vaita-dgarbhō̠ vā ē̠ṣa ya-ddī̎kṣi̠ta ulba̠ṃ vāsa̠ḥ prōrṇu̍tē̠ tasmā̠- [tasmā̎t, garbhā̠ḥ prāvṛ̍tā] 18
    meaning

    When the cart has been drawn in, he unharnesses it — the sacrifice having been completed he releases it from its bonds; by unharnessing after the journey he removes the cart-bond.

  • verse 21
    -द्गर्भाः॒ प्रावृ॑ता जायन्ते॒ न पु॒रा सोम॑स्य क्र॒यादपो᳚र्ण्वीत॒ य-त्पु॒रा सोम॑स्य क्र॒याद॑पोर्ण्वी॒त गर्भाः᳚ प्र॒जाना᳚-म्परा॒पातु॑का-स्स्युः क्री॒ते सोमे-ऽपो᳚र्णुते॒ जाय॑त ए॒व तदथो॒ यथा॒ वसी॑याग्ं स-म्प्रत्यपोर्णु॒ते ता॒दृगे॒व तदङ्गि॑रस-स्सुव॒र्गं-लोँ॒कं-यँन्त॒ ऊर्जं॒-व्यँ॑भजन्त॒ ततो॒ यद॒त्यशि॑ष्यत॒ ते श॒रा अ॑भव॒न्नूर्ग्वै श॒रा यच्छ॑र॒मयी॒ [यच्छ॑र॒मयी᳚, मेख॑ला॒] 19
    -dgarbhā̠ḥ prāvṛ̍tā jāyantē̠ na pu̠rā sōma̍sya kra̠yādapō̎rṇvīta̠ ya-tpu̠rā sōma̍sya kra̠yāda̍pōrṇvī̠ta garbhā̎ḥ pra̠jānā̎-mparā̠pātu̍kā-ssyuḥ krī̠tē sōmē-'pō̎rṇutē̠ jāya̍ta ē̠va tadathō̠ yathā̠ vasī̍yāgṃ sa-mpratyapōrṇu̠tē tā̠dṛgē̠va tadaṅgi̍rasa-ssuva̠rgaṃ lō̠kaṃ yanta̠ ūrja̠ṃ vya̍bhajanta̠ tatō̠ yada̠tyaśi̍ṣyata̠ tē śa̠rā a̍bhava̠nnūrgvai śa̠rā yachCha̍ra̠mayī̠ [yachCha̍ra̠mayī̎, mēkha̍lā̠] 19
    meaning

    He says 'you have carried the burden' — truly the stones have carried the burden of the soma; by acknowledging this he fulfils the sacred law of gratitude toward the stones.

  • verse 22
    मेख॑ला॒ भव॒त्यूर्ज॑मे॒वाव॑ रुन्धे मद्ध्य॒त-स्सन्न॑ह्यति मद्ध्य॒त ए॒वास्मा॒ ऊर्ज॑-न्दधाति॒ तस्मा᳚न्मद्ध्य॒त ऊ॒र्जा भु॑ञ्जत ऊ॒र्ध्वं-वैँ पुरु॑षस्य॒ नाभ्यै॒ मेद्ध्य॑-मवा॒चीन॑-ममे॒द्ध्यं-यँन्म॑द्ध्य॒त-स्स॒नंह्य॑ति॒ मेद्ध्य॑-ञ्चै॒वास्या॑मे॒द्ध्य-ञ्च॒ व्याव॑र्तय॒तीन्द्रो॑ वृ॒त्राय॒ वज्र॒-म्प्राह॑र॒-थ्स त्रे॒धा व्य॑भव॒-थ्स्फ्यस्तृती॑य॒ग्ं॒ रथ॒स्तृती॑यं॒-यूँप॒स्तृती॑यं॒- [-यूप॒स्तृती॑य॒म्, ये᳚-ऽन्त-श्श॒रा] 20
    mēkha̍lā̠ bhava̠tyūrja̍mē̠vāva̍ rundhē maddhya̠ta-ssanna̍hyati maddhya̠ta ē̠vāsmā̠ ūrja̍-ndadhāti̠ tasmā̎nmaddhya̠ta ū̠rjā bhu̍ñjata ū̠rdhvaṃ vai puru̍ṣasya̠ nābhyai̠ mēddhya̍-mavā̠chīna̍-mamē̠ddhyaṃ yanma̍ddhya̠ta-ssa̠naṃhya̍ti̠ mēddhya̍-ñchai̠vāsyā̍mē̠ddhya-ñcha̠ vyāva̍rtaya̠tīndrō̍ vṛ̠trāya̠ vajra̠-mprāha̍ra̠-thsa trē̠dhā vya̍bhava̠-thsphyastṛtī̍ya̠gṃ̠ ratha̠stṛtī̍ya̠ṃ yūpa̠stṛtī̍ya̠ṃ- [-yūpa̠stṛtī̍ya̠m, yē̎-'nta-śśa̠rā] 20
    meaning

    He places the large stone on the skin of a black deer — the black deer is one who has gone to the heavenly world; he thus sets the pressing stone on the heavenly world.

  • verse 23
    -ँये᳚-ऽन्त-श्श॒रा अशी᳚र्यन्त॒ ते श॒रा अ॑भव॒-न्तच्छ॒राणाग्ं॑ शर॒त्वं-वँज्रो॒ वै श॒राः, क्षु-त्खलु॒ वै म॑नु॒ष्य॑स्य॒ भ्रातृ॑व्यो॒ यच्छ॑र॒मयी॒ मेख॑ला॒ भव॑ति॒ वज्रे॑णै॒व सा॒क्षा-त्क्षुध॒-म्भ्रातृ॑व्य-म्मद्ध्य॒तो-ऽप॑ हते त्रि॒वृ-द्भ॑वति त्रि॒वृद्वै प्रा॒णस्त्रि॒वृत॑मे॒व प्रा॒ण-म्म॑द्ध्य॒तो यज॑माने दधाति पृ॒थ्वी भ॑वति॒ रज्जू॑नां॒-व्याँवृ॑त्यै॒ मेख॑लया॒ यज॑मान-न्दीक्षयति॒ योक्त्रे॑ण॒ पत्नी᳚-म्मिथुन॒त्वाय॑ [ ] 21
    -ँyē̎-'nta-śśa̠rā aśī̎ryanta̠ tē śa̠rā a̍bhava̠-ntachCha̠rāṇāgṃ̍ śara̠tvaṃ vajrō̠ vai śa̠rāḥ, kṣu-tkhalu̠ vai ma̍nu̠ṣya̍sya̠ bhrātṛ̍vyō̠ yachCha̍ra̠mayī̠ mēkha̍lā̠ bhava̍ti̠ vajrē̍ṇai̠va sā̠kṣā-tkṣudha̠-mbhrātṛ̍vya-mmaddhya̠tō-'pa̍ hatē tri̠vṛ-dbha̍vati tri̠vṛdvai prā̠ṇastri̠vṛta̍mē̠va prā̠ṇa-mma̍ddhya̠tō yaja̍mānē dadhāti pṛ̠thvī bha̍vati̠ rajjū̍nā̠ṃ vyāvṛ̍tyai̠ mēkha̍layā̠ yaja̍māna-ndīkṣayati̠ yōktrē̍ṇa̠ patnī̎-mmithuna̠tvāya̍ [ ] 21
    meaning

    The soma is first pressed by the pressing stone — this is the soma pressing for the gods; he smears the pressing stone with butter as medicine after the pressing, to restore what the pressing-stone has harmed.

  • verse 24
    य॒ज्ञो दक्षि॑णाम॒भ्य॑द्ध्याय॒-त्ताग्ं सम॑भव॒-त्तदिन्द्रो॑-ऽचाय॒-थ्सो॑-ऽमन्यत॒ यो वा इ॒तो ज॑नि॒ष्यते॒ स इ॒द-म्भ॑विष्य॒तीति॒ ता-म्प्रावि॑श॒-त्तस्या॒ इन्द्र॑ ए॒वाजा॑यत॒ सो॑-ऽमन्यत॒ यो वै मदि॒तो ऽप॑रो जनि॒ष्यते॒ स इ॒द-म्भ॑विष्य॒तीति॒ तस्या॑ अनु॒मृश्य॒ योनि॒मा-ऽच्छि॑न॒-थ्सा सू॒तव॑शा-ऽभव॒-त्त-थ्सू॒तव॑शायै॒ जन्म॒ [जन्म॑, ताग्ं हस्ते॒ न्य॑वेष्टयत॒] 22
    ya̠jñō dakṣi̍ṇāma̠bhya̍ddhyāya̠-ttāgṃ sama̍bhava̠-ttadindrō̍-'chāya̠-thsō̍-'manyata̠ yō vā i̠tō ja̍ni̠ṣyatē̠ sa i̠da-mbha̍viṣya̠tīti̠ tā-mprāvi̍śa̠-ttasyā̠ indra̍ ē̠vājā̍yata̠ sō̍-'manyata̠ yō vai madi̠tō 'pa̍rō jani̠ṣyatē̠ sa i̠da-mbha̍viṣya̠tīti̠ tasyā̍ anu̠mṛśya̠ yōni̠mā-'chChi̍na̠-thsā sū̠tava̍śā-'bhava̠-tta-thsū̠tava̍śāyai̠ janma̠ [janma̍, tāgṃ hastē̠ nya̍vēṣṭayata̠] 22
    meaning

    The soma pressed out first flows into the vat — this soma is the gods' portion; the soma pressed second flows for the sacrificer; thus both gods and men get their proper portions.

  • verse 25
    ताग्ं हस्ते॒ न्य॑वेष्टयत॒ ता-म्मृ॒गेषु॒ न्य॑दधा॒-थ्सा कृ॑ष्णविषा॒णा- ऽभ॑व॒दिन्द्र॑स्य॒ योनि॑रसि॒ मा मा॑ हिग्ंसी॒रिति॑ कृष्णविषा॒णा-म्प्र य॑च्छति॒ सयो॑निमे॒व य॒ज्ञ-ङ्क॑रोति॒ सयो॑नि॒-न्दक्षि॑णा॒ग्ं॒ सयो॑नि॒मिन्द्रग्ं॑ सयोनि॒त्वाय॑ कृ॒ष्यै त्वा॑ सुस॒स्याया॒ इत्या॑ह॒ तस्मा॑दकृष्टप॒च्या ओष॑धयः पच्यन्ते सुपिप्प॒लाभ्य॒-स्त्वौष॑धीभ्य॒ इत्या॑ह॒ तस्मा॒दोष॑धयः॒ फल॑-ङ्गृह्णन्ति॒ यद्धस्ते॑न [यद्धस्ते॑न, क॒ण्डू॒येत॑] 23
    tāgṃ hastē̠ nya̍vēṣṭayata̠ tā-mmṛ̠gēṣu̠ nya̍dadhā̠-thsā kṛ̍ṣṇaviṣā̠ṇā- 'bha̍va̠dindra̍sya̠ yōni̍rasi̠ mā mā̍ higṃsī̠riti̍ kṛṣṇaviṣā̠ṇā-mpra ya̍chChati̠ sayō̍nimē̠va ya̠jña-ṅka̍rōti̠ sayō̍ni̠-ndakṣi̍ṇā̠gṃ̠ sayō̍ni̠mindragṃ̍ sayōni̠tvāya̍ kṛ̠ṣyai tvā̍ susa̠syāyā̠ ityā̍ha̠ tasmā̍dakṛṣṭapa̠chyā ōṣa̍dhayaḥ pachyantē supippa̠lābhya̠-stvauṣa̍dhībhya̠ ityā̍ha̠ tasmā̠dōṣa̍dhaya̠ḥ phala̍-ṅgṛhṇanti̠ yaddhastē̍na [yaddhastē̍na, ka̠ṇḍū̠yēta̍] 23
    meaning

    He draws the Vasatimeans water — the water is for the diluting of the soma; he purifies it with the sacred purifying strainer so that the ritual waters are properly sanctified before mixing.

  • verse 26
    कण्डू॒येत॑ पामन॒-म्भावु॑काः प्र॒जा-स्स्यु॒र्य-थ्स्मये॑त नग्न॒-म्भावु॑काः कृष्णविषा॒णया॑ कण्डूयते-ऽपि॒गृह्य॑ स्मयते प्र॒जाना᳚-ङ्गोपी॒थाय॒ न पु॒रा दक्षि॑णाभ्यो॒ नेतोः᳚ कृष्णविषा॒णामव॑ चृते॒द्य-त्पु॒रा दक्षि॑णाभ्यो॒ नेतोः᳚ कृष्णविषा॒णा-म॑वचृ॒ते-द्योनिः॑ प्र॒जाना᳚-म्परा॒पातु॑का स्यान्नी॒तासु॒ दक्षि॑णासु॒ चात्वा॑ले कृष्णविषा॒णा-म्प्रास्य॑ति॒ योनि॒र्वै य॒ज्ञस्य॒ चात्वा॑लं॒-योँनिः॑ कृष्णविषा॒णा योना॑वे॒व योनि॑-न्दधाति य॒ज्ञस्य॑ सयोनि॒त्वाय॑ ॥ 24 ॥(रु॒न्ध॒ ए॒ष - तस्मा᳚ - च्छर॒मयी॒ - यूप॒स्तृती॑यं - मिथुन॒त्वाय॒ - जन्म॒ - हस्ते॑ना॒ - ऽष्टाच॑त्वारिग्ंशच्च) (अ. 3)
    kaṇḍū̠yēta̍ pāmana̠-mbhāvu̍kāḥ pra̠jā-ssyu̠rya-thsmayē̍ta nagna̠-mbhāvu̍kāḥ kṛṣṇaviṣā̠ṇayā̍ kaṇḍūyatē-'pi̠gṛhya̍ smayatē pra̠jānā̎-ṅgōpī̠thāya̠ na pu̠rā dakṣi̍ṇābhyō̠ nētō̎ḥ kṛṣṇaviṣā̠ṇāmava̍ chṛtē̠dya-tpu̠rā dakṣi̍ṇābhyō̠ nētō̎ḥ kṛṣṇaviṣā̠ṇā-ma̍vachṛ̠tē-dyōni̍ḥ pra̠jānā̎-mparā̠pātu̍kā syānnī̠tāsu̠ dakṣi̍ṇāsu̠ chātvā̍lē kṛṣṇaviṣā̠ṇā-mprāsya̍ti̠ yōni̠rvai ya̠jñasya̠ chātvā̍la̠ṃ yōni̍ḥ kṛṣṇaviṣā̠ṇā yōnā̍vē̠va yōni̍-ndadhāti ya̠jñasya̍ sayōni̠tvāya̍ ॥ 24 ॥(ru̠ndha̠ ē̠ṣa - tasmā̎ - chChara̠mayī̠ - yūpa̠stṛtī̍yaṃ - mithuna̠tvāya̠ - janma̠ - hastē̍nā̠ - 'ṣṭācha̍tvārigṃśachcha) (a. 3)
    meaning

    He sprinkles the soma with water — the soma is the sacrificial drink and the water is the purifier; by sprinkling he makes the soma fit for the offering to the gods and the drink for the sacrificer.

  • verse 27
    वाग्वै दे॒वेभ्यो ऽपा᳚क्राम-द्य॒ज्ञायाति॑ष्ठमाना॒ सा वन॒स्पती॒-न्प्रावि॑श॒-थ्सैषा वाग्वन॒स्पति॑षु वदति॒ या दु॑न्दु॒भौ या तूण॑वे॒ या वीणा॑यां॒-यँ-द्दी᳚क्षितद॒ण्ड-म्प्र॒यच्छ॑ति॒ वाच॑मे॒वाव॑ रुन्ध॒ औदु॑बंरो भव॒त्यूर्ग्वा उ॑दु॒बंर॒ ऊर्ज॑मे॒वाव॑ रुन्धे॒ मुखे॑न॒ सम्मि॑तो भवति मुख॒त ए॒वास्मा॒ ऊर्ज॑-न्दधाति॒ तस्मा᳚-न्मुख॒त ऊ॒र्जा भु॑ञ्जते [ ] 25
    vāgvai dē̠vēbhyō 'pā̎krāma-dya̠jñāyāti̍ṣṭhamānā̠ sā vana̠spatī̠-nprāvi̍śa̠-thsaiṣā vāgvana̠spati̍ṣu vadati̠ yā du̍ndu̠bhau yā tūṇa̍vē̠ yā vīṇā̍yā̠ṃ ya-ddī̎kṣitada̠ṇḍa-mpra̠yachCha̍ti̠ vācha̍mē̠vāva̍ rundha̠ audu̍baṃrō bhava̠tyūrgvā u̍du̠baṃra̠ ūrja̍mē̠vāva̍ rundhē̠ mukhē̍na̠ sammi̍tō bhavati mukha̠ta ē̠vāsmā̠ ūrja̍-ndadhāti̠ tasmā̎-nmukha̠ta ū̠rjā bhu̍ñjatē [ ] 25
    meaning

    With 'you are the back of the sacrifice' he places it — the back is the firm support; thus he places the soma on the firm support of the sacrifice.

  • verse 28
    क्री॒ते सोमे॑ मैत्रावरु॒णाय॑ द॒ण्ड-म्प्र य॑च्छति मैत्रावरु॒णो हि पु॒रस्ता॑-दृ॒त्विग्भ्यो॒ वाचं॑-विँ॒भज॑ति॒ तामृ॒त्विजो॒ यज॑माने॒ प्रति॑ ष्ठापयन्ति॒ स्वाहा॑ य॒ज्ञ-म्मन॒सेत्या॑ह॒ मन॑सा॒ हि पुरु॑षो य॒ज्ञम॑भि॒गच्छ॑ति॒ स्वाहा॒ द्यावा॑पृथि॒वीभ्या॒ -मित्या॑ह॒ द्यावा॑पृथि॒व्योर्​हि य॒ज्ञ-स्स्वाहो॒रोर॒-न्तरि॑क्षा॒ -दित्या॑हा॒न्तरि॑क्षे॒ हि य॒ज्ञ-स्स्वाहा॑ य॒ज्ञं-वाँता॒दा र॑भ॒ इत्या॑हा॒-ऽयं- [इत्या॑हा॒-ऽयम्, वाव यः पव॑ते॒] 26
    krī̠tē sōmē̍ maitrāvaru̠ṇāya̍ da̠ṇḍa-mpra ya̍chChati maitrāvaru̠ṇō hi pu̠rastā̍-dṛ̠tvigbhyō̠ vācha̍ṃ vi̠bhaja̍ti̠ tāmṛ̠tvijō̠ yaja̍mānē̠ prati̍ ṣṭhāpayanti̠ svāhā̍ ya̠jña-mmana̠sētyā̍ha̠ mana̍sā̠ hi puru̍ṣō ya̠jñama̍bhi̠gachCha̍ti̠ svāhā̠ dyāvā̍pṛthi̠vībhyā̠ -mityā̍ha̠ dyāvā̍pṛthi̠vyōr​hi ya̠jña-ssvāhō̠rōra̠-ntari̍kṣā̠ -dityā̍hā̠ntari̍kṣē̠ hi ya̠jña-ssvāhā̍ ya̠jñaṃ vātā̠dā ra̍bha̠ ityā̍hā̠-'yaṃ- [ityā̍hā̠-'yam, vāva yaḥ pava̍tē̠] 26
    meaning

    With 'you are the eye of the gods' he places it — the soma is the eye through which the gods see; thus he installs the soma as the divine seeing power.

  • verse 29
    -ँवाव यः पव॑ते॒ स य॒ज्ञस्तमे॒व सा॒क्षादा र॑भते मु॒ष्टी क॑रोति॒ वाचं॑-यँच्छति य॒ज्ञस्य॒ धृत्या॒ अदी᳚क्षिष्टा॒य-म्ब्रा᳚ह्म॒ण इति॒ त्रिरु॑पा॒ग्॒श्वा॑ह दे॒वेभ्य॑ ए॒वैन॒-म्प्रा-ऽऽह॒ त्रिरु॒च्चैरु॒भये᳚भ्य ए॒वैन॑-न्देवमनु॒ष्येभ्यः॒ प्रा-ऽऽह॒ न पु॒रा नक्ष॑त्रेभ्यो॒ वाचं॒-विँ सृ॑जे॒-द्यत्पु॒रा नक्ष॑त्रेभ्यो॒ वाचं॑-विँसृ॒जे-द्य॒ज्ञं-विँच्छि॑न्द्या॒- [-ँविच्छि॑न्द्यात्, उदि॑तेषु॒] 27
    -ँvāva yaḥ pava̍tē̠ sa ya̠jñastamē̠va sā̠kṣādā ra̍bhatē mu̠ṣṭī ka̍rōti̠ vācha̍ṃ yachChati ya̠jñasya̠ dhṛtyā̠ adī̎kṣiṣṭā̠ya-mbrā̎hma̠ṇa iti̠ triru̍pā̠g̠śvā̍ha dē̠vēbhya̍ ē̠vaina̠-mprā-''ha̠ triru̠chchairu̠bhayē̎bhya ē̠vaina̍-ndēvamanu̠ṣyēbhya̠ḥ prā-''ha̠ na pu̠rā nakṣa̍trēbhyō̠ vācha̠ṃ vi sṛ̍jē̠-dyatpu̠rā nakṣa̍trēbhyō̠ vācha̍ṃ visṛ̠jē-dya̠jñaṃ vichChi̍ndyā̠- [-ँvichChi̍ndyāt, udi̍tēṣu̠] 27
    meaning

    With 'you are born of the stone' he places it — the soma is born from the pressing stone; this acknowledges its true origin and establishes it properly.

  • verse 30
    -दुदि॑तेषु॒ नक्ष॑त्रेषु व्र॒त-ङ्कृ॑णु॒तेति॒ वाचं॒-विँ सृ॑जति य॒ज्ञव्र॑तो॒ वै दी᳚क्षि॒तो य॒ज्ञमे॒वाभि वाचं॒-विँ सृ॑जति॒ यदि॑ विसृ॒जे-द्वै᳚ष्ण॒वीमृच॒मनु॑ ब्रूया-द्य॒ज्ञो वै विष्णु॑र्य॒ज्ञेनै॒व य॒ज्ञग्ं स-न्त॑नोति॒ दैवी॒-न्धिय॑-म्मनामह॒ इत्या॑ह य॒ज्ञमे॒व तन्म्र॑दयति सुपा॒रा नो॑ अस॒द्वश॒ इत्या॑ह॒ व्यु॑ष्टिमे॒वाव॑ रुन्धे [रुन्धे, ब्र॒ह्म॒वा॒दिनो॑ वदन्ति] 28
    -dudi̍tēṣu̠ nakṣa̍trēṣu vra̠ta-ṅkṛ̍ṇu̠tēti̠ vācha̠ṃ vi sṛ̍jati ya̠jñavra̍tō̠ vai dī̎kṣi̠tō ya̠jñamē̠vābhi vācha̠ṃ vi sṛ̍jati̠ yadi̍ visṛ̠jē-dvai̎ṣṇa̠vīmṛcha̠manu̍ brūyā-dya̠jñō vai viṣṇu̍rya̠jñēnai̠va ya̠jñagṃ sa-nta̍nōti̠ daivī̠-ndhiya̍-mmanāmaha̠ ityā̍ha ya̠jñamē̠va tanmra̍dayati supā̠rā nō̍ asa̠dvaśa̠ ityā̍ha̠ vyu̍ṣṭimē̠vāva̍ rundhē [rundhē, bra̠hma̠vā̠dinō̍ vadanti] 28
    meaning

    He says 'I place you here for Indra' — the soma is the specific food of Indra; by dedicating it to Indra he establishes the proper recipient of the soma offering.

  • verse 31
    ब्रह्मवा॒दिनो॑ वदन्ति होत॒व्य॑-न्दीक्षि॒तस्य॑ गृ॒हा(3) इ न हो॑त॒व्या(3)मिति॑ ह॒विर्वै दी᳚क्षि॒तो यज्जु॑हु॒या-द्यज॑मानस्याव॒दाय॑ जुहुया॒-द्यन्न जु॑हु॒या-द्य॑ज्ञप॒रुर॒न्तरि॑या॒द्ये दे॒वा मनो॑जाता मनो॒युज॒ इत्या॑ह प्रा॒णा वै दे॒वा मनो॑जाता मनो॒युज॒स्तेष्वे॒व प॒रोक्ष॑-ञ्जुहोति॒ तन्नेव॑ हु॒त-न्नेवाहु॑तग्ग्​ स्व॒पन्तं॒-वैँ दी᳚क्षि॒तग्ं रक्षाग्ं॑सि जिघाग्ंसन्त्य॒ग्निः - [जिघाग्ंसन्त्य॒ग्निः, खलु॒ वै] 29
    brahmavā̠dinō̍ vadanti hōta̠vya̍-ndīkṣi̠tasya̍ gṛ̠hā(3) i na hō̍ta̠vyā(3)miti̍ ha̠virvai dī̎kṣi̠tō yajju̍hu̠yā-dyaja̍mānasyāva̠dāya̍ juhuyā̠-dyanna ju̍hu̠yā-dya̍jñapa̠rura̠ntari̍yā̠dyē dē̠vā manō̍jātā manō̠yuja̠ ityā̍ha prā̠ṇā vai dē̠vā manō̍jātā manō̠yuja̠stēṣvē̠va pa̠rōkṣa̍-ñjuhōti̠ tannēva̍ hu̠ta-nnēvāhu̍tagg​ sva̠panta̠ṃ vai dī̎kṣi̠tagṃ rakṣāgṃ̍si jighāgṃsantya̠gniḥ - [jighāgṃsantya̠gniḥ, khalu̠ vai] 29
    meaning

    He draws soma for the Vishvadevas — the Vishvadevas are all the gods together; this soma pressing is for all the divine powers collectively.

  • verse 32
    खलु॒ वै र॑क्षो॒हा-ऽग्ने॒ त्वग्ं सु जा॑गृहि व॒यग्ं सु म॑न्दिषीम॒हीत्या॑हा॒ग्नि-मे॒वाधि॒पा-ङ्कृ॒त्वा स्व॑पिति॒ रक्ष॑सा॒मप॑हत्या अव्र॒त्यमि॑व॒ वा ए॒ष क॑रोति॒ यो दी᳚क्षि॒त-स्स्वपि॑ति॒ त्वम॑ग्ने व्रत॒पा अ॒सीत्या॑हा॒ग्निर्वै दे॒वानां᳚-व्रँ॒तप॑ति॒-स्स ए॒वैनं॑-व्रँ॒तमा ल॑भं​यँति दे॒व आ मर्त्ये॒ष्वेत्या॑ह दे॒वो [दे॒वः, ह्ये॑ष स-न्मर्त्ये॑षु॒] 30
    khalu̠ vai ra̍kṣō̠hā-'gnē̠ tvagṃ su jā̍gṛhi va̠yagṃ su ma̍ndiṣīma̠hītyā̍hā̠gni-mē̠vādhi̠pā-ṅkṛ̠tvā sva̍piti̠ rakṣa̍sā̠mapa̍hatyā avra̠tyami̍va̠ vā ē̠ṣa ka̍rōti̠ yō dī̎kṣi̠ta-ssvapi̍ti̠ tvama̍gnē vrata̠pā a̠sītyā̍hā̠gnirvai dē̠vānā̎ṃ vra̠tapa̍ti̠-ssa ē̠vaina̍ṃ vra̠tamā la̍bhaṃyati dē̠va ā martyē̠ṣvētyā̍ha dē̠vō [dē̠vaḥ, hyē̍ṣa sa-nmartyē̍ṣu̠] 30
    meaning

    He draws soma for Mitra and Varuna — Mitra and Varuna are the twin lords of cosmic order and waters; this soma is drawn for their joint governance of truth.

  • verse 33
    ह्ये॑ष स-न्मर्त्ये॑षु॒ त्वं-यँ॒ज्ञेष्वीड्य॒ इत्या॑है॒तग्ं हि य॒ज्ञेष्वीड॒ते-ऽप॒ वै दी᳚क्षि॒ता-थ्सु॑षु॒पुष॑ इन्द्रि॒य-न्दे॒वताः᳚ क्रामन्ति॒ विश्वे॑ दे॒वा अ॒भि मामा-ऽव॑वृत्र॒-न्नित्या॑-हेन्द्रि॒येणै॒वैन॑-न्दे॒वता॑भि॒-स्स-न्न॑यति॒ यदे॒त-द्यजु॒र्न ब्रू॒या-द्याव॑त ए॒व प॒शून॒भि दीक्षे॑त॒ ताव॑न्तो-ऽस्य प॒शवः॑ स्यू॒ रास्वेय॑- [प॒शवः॑ स्यू॒ रास्वेय॑त्, सो॒मा-ऽऽ भूयो॑] 31
    hyē̍ṣa sa-nmartyē̍ṣu̠ tvaṃ ya̠jñēṣvīḍya̠ ityā̍hai̠tagṃ hi ya̠jñēṣvīḍa̠tē-'pa̠ vai dī̎kṣi̠tā-thsu̍ṣu̠puṣa̍ indri̠ya-ndē̠vatā̎ḥ krāmanti̠ viśvē̍ dē̠vā a̠bhi māmā-'va̍vṛtra̠-nnityā̍-hēndri̠yēṇai̠vaina̍-ndē̠vatā̍bhi̠-ssa-nna̍yati̠ yadē̠ta-dyaju̠rna brū̠yā-dyāva̍ta ē̠va pa̠śūna̠bhi dīkṣē̍ta̠ tāva̍ntō-'sya pa̠śava̍-ssyū̠ rāsvēya̍- [pa̠śava̍-ssyū̠ rāsvēya̍t, sō̠mā-'' bhūyō̍] 31
    meaning

    He draws soma for the Ashvins — the Ashvins are the divine twin physicians; this soma is their medicinal share in the sacrifice.

  • verse 34
    -थ्सो॒मा-ऽऽ भूयो॑ भ॒रेत्या॒हा-प॑रिमिताने॒व प॒शूनव॑ रुन्धे च॒न्द्रम॑सि॒ मम॒ भोगा॑य भ॒वेत्या॑ह यथादेव॒तमे॒वैनाः॒ प्रति॑ गृह्णाति वा॒यवे᳚ त्वा॒ वरु॑णाय॒ त्वेति॒ यदे॒वमे॒ता नानु॑दि॒शेदय॑थादेवत॒-न्दक्षि॑णा गमये॒दा दे॒वता᳚भ्यो वृश्च्येत॒ यदे॒वमे॒ता अ॑नुदि॒शति॑ यथादेव॒तमे॒व दक्षि॑णा गमयति॒ न दे॒वता᳚भ्य॒ आ [न दे॒वता᳚भ्य॒ आ, वृ॒श्च्य॒ते॒ देवी॑रापो] 32
    -thsō̠mā-'' bhūyō̍ bha̠rētyā̠hā-pa̍rimitānē̠va pa̠śūnava̍ rundhē cha̠ndrama̍si̠ mama̠ bhōgā̍ya bha̠vētyā̍ha yathādēva̠tamē̠vainā̠ḥ prati̍ gṛhṇāti vā̠yavē̎ tvā̠ varu̍ṇāya̠ tvēti̠ yadē̠vamē̠tā nānu̍di̠śēdaya̍thādēvata̠-ndakṣi̍ṇā gamayē̠dā dē̠vatā̎bhyō vṛśchyēta̠ yadē̠vamē̠tā a̍nudi̠śati̍ yathādēva̠tamē̠va dakṣi̍ṇā gamayati̠ na dē̠vatā̎bhya̠ ā [na dē̠vatā̎bhya̠ ā, vṛ̠śchya̠tē̠ dēvī̍rāpō] 32
    meaning

    He recites the stotra at the pressing — the stotra is the praise song; by praising at the pressing he consecrates the act with sacred sound and magnifies the gods.

  • verse 35
    वृ॑श्च्यते॒ देवी॑रापो अपा-न्नपा॒दित्या॑ह॒ यद्वो॒ मेद्ध्यं॑-यँ॒ज्ञिय॒ग्ं॒ सदे॑व॒-न्तद्वो॒ मा-ऽव॑ क्रमिष॒मिति॒ वावैतदा॒हाच्छि॑न्न॒-न्तन्तु॑-म्पृथि॒व्या अनु॑ गेष॒मित्या॑ह॒ सेतु॑मे॒व कृ॒त्वा-ऽत्ये॑ति ॥ 33 ॥(भु॒ञ्ज॒ते॒ - ऽयं - छि॑न्द्या-द्- रुन्धे॒ - ऽग्नि - रा॑ह दे॒व - इय॑-द्- दे॒वता᳚भ्य॒ आ - त्रय॑स्त्रिग्ंशच्च) (अ. 4)
    vṛ̍śchyatē̠ dēvī̍rāpō apā-nnapā̠dityā̍ha̠ yadvō̠ mēddhya̍ṃ ya̠jñiya̠gṃ̠ sadē̍va̠-ntadvō̠ mā-'va̍ kramiṣa̠miti̠ vāvaitadā̠hāchChi̍nna̠-ntantu̍-mpṛthi̠vyā anu̍ gēṣa̠mityā̍ha̠ sētu̍mē̠va kṛ̠tvā-'tyē̍ti ॥ 33 ॥(bhu̠ñja̠tē̠ - 'yaṃ - Chi̍ndyā-d- rundhē̠ - 'gni - rā̍ha dē̠va - iya̍-d- dē̠vatā̎bhya̠ ā - traya̍strigṃśachcha) (a. 4)
    meaning

    The hotri priest recites the shastra — the shastra is the yajus recitation; the hotri's recitation at the pressing gives direction and purpose to the sacrificial flow.

  • verse 36
    दे॒वा वै दे॑व॒यज॑न-मद्ध्यव॒साय॒ दिशो॒ न प्राजा॑न॒-न्ते᳚(1॒)-ऽन्यो᳚-ऽन्यमुपा॑धाव॒-न्त्वया॒ प्र जा॑नाम॒ त्वयेति॒ ते-ऽदि॑त्या॒ग्ं॒ सम॑द्ध्रयन्त॒ त्वया॒ प्र जा॑ना॒मेति॒ सा-ऽब्र॑वी॒-द्वरं॑-वृँणै॒ मत्प्रा॑यणा ए॒व वो॑ य॒ज्ञा मदु॑दयना अस॒न्निति॒ तस्मा॑दादि॒त्यः प्रा॑य॒णीयो॑ य॒ज्ञाना॑मादि॒त्य उ॑दय॒नीयः॒ पञ्च॑ दे॒वता॑ यजति॒ पञ्च॒ दिशो॑ दि॒शा-म्प्रज्ञा᳚त्या॒ [दि॒शा-म्प्रज्ञा᳚त्यै, अथो॒ पञ्चा᳚क्षरा] 34
    dē̠vā vai dē̍va̠yaja̍na-maddhyava̠sāya̠ diśō̠ na prājā̍na̠-ntē̎(1̠)-'nyō̎-'nyamupā̍dhāva̠-ntvayā̠ pra jā̍nāma̠ tvayēti̠ tē-'di̍tyā̠gṃ̠ sama̍ddhrayanta̠ tvayā̠ pra jā̍nā̠mēti̠ sā-'bra̍vī̠-dvara̍ṃ vṛṇai̠ matprā̍yaṇā ē̠va vō̍ ya̠jñā madu̍dayanā asa̠nniti̠ tasmā̍dādi̠tyaḥ prā̍ya̠ṇīyō̍ ya̠jñānā̍mādi̠tya u̍daya̠nīya̠ḥ pañcha̍ dē̠vatā̍ yajati̠ pañcha̠ diśō̍ di̠śā-mprajñā̎tyā̠ [di̠śā-mprajñā̎tyai, athō̠ pañchā̎kṣarā] 34
    meaning

    He pours the soma into the drona (tub) — the drona is the great container; by pouring into the tub he collects the entire soma harvest for proper distribution among the gods.

  • verse 37
    अथो॒ पञ्चा᳚क्षरा प॒ङ्क्तिः पाङ्क्तो॑ य॒ज्ञो य॒ज्ञमे॒वाव॑ रुन्धे॒ पथ्याग्॑ स्व॒स्तिम॑यज॒-न्प्राची॑मे॒व तया॒ दिश॒-म्प्राजा॑नन्न॒ग्निना॑ दक्षि॒णा सोमे॑न प्र॒तीचीग्ं॑ सवि॒त्रोदी॑ची॒-मदि॑त्यो॒र्ध्वा-म्पथ्याग्॑ स्व॒स्तिं ँय॑जति॒ प्राची॑मे॒व तया॒ दिश॒-म्प्र जा॑नाति॒ पथ्याग्॑ स्व॒स्तिमि॒ष्ट्वा-ऽग्नीषोमौ॑ यजति॒ चक्षु॑षी॒ वा ए॒ते य॒ज्ञस्य॒ यद॒ग्नीषोमौ॒ ताभ्या॑मे॒वानु॑ पश्य- [पश्यति, अ॒ग्नीषोमा॑-वि॒ष्ट्वा] 35
    athō̠ pañchā̎kṣarā pa̠ṅktiḥ pāṅktō̍ ya̠jñō ya̠jñamē̠vāva̍ rundhē̠ pathyāg̍ sva̠stima̍yaja̠-nprāchī̍mē̠va tayā̠ diśa̠-mprājā̍nanna̠gninā̍ dakṣi̠ṇā sōmē̍na pra̠tīchīgṃ̍ savi̠trōdī̍chī̠-madi̍tyō̠rdhvā-mpathyāg̍ sva̠stiṃ ँya̍jati̠ prāchī̍mē̠va tayā̠ diśa̠-mpra jā̍nāti̠ pathyāg̍ sva̠stimi̠ṣṭvā-'gnīṣōmau̍ yajati̠ chakṣu̍ṣī̠ vā ē̠tē ya̠jñasya̠ yada̠gnīṣōmau̠ tābhyā̍mē̠vānu̍ paśya- [paśyati, a̠gnīṣōmā̍-vi̠ṣṭvā] 35
    meaning

    He draws the upamsu soma first — the upamsu is the quiet pressing, inaudible; this quiet first pressing is the deity's share before the priests receive their portion.

  • verse 38
    -त्य॒ग्नीषोमा॑-वि॒ष्ट्वा स॑वि॒तारं॑-यँजति सवि॒तृप्र॑सूत ए॒वानु॑ पश्यति सवि॒तार॑मि॒ष्ट्वा-ऽदि॑तिं-यँजती॒यं-वाँ अदि॑तिर॒स्यामे॒व प्र॑ति॒ष्ठायानु॑ पश्य॒त्यदि॑तिमि॒ष्ट्वा मा॑रु॒तीमृच॒मन्वा॑ह म॒रुतो॒ वै दे॒वानां॒-विँशो॑ देववि॒श-ङ्खलु॒ वै कल्प॑मान-म्मनुष्यवि॒शमनु॑ कल्पते॒ य-न्मा॑रु॒तीमृच॑म॒न्वाह॑ वि॒शा-ङ्कॢप्त्यै᳚ ब्रह्मवा॒दिनो॑ वदन्ति प्रया॒जव॑दननूया॒ज-म्प्रा॑य॒णीय॑-ङ्का॒र्य॑-मनूया॒जव॑- [-मनूया॒जव॑त्, अ॒प्र॒या॒ज-मु॑दय॒नीय॒] 36
    -tya̠gnīṣōmā̍-vi̠ṣṭvā sa̍vi̠tāra̍ṃ yajati savi̠tṛpra̍sūta ē̠vānu̍ paśyati savi̠tāra̍mi̠ṣṭvā-'di̍tiṃ yajatī̠yaṃ vā adi̍tira̠syāmē̠va pra̍ti̠ṣṭhāyānu̍ paśya̠tyadi̍timi̠ṣṭvā mā̍ru̠tīmṛcha̠manvā̍ha ma̠rutō̠ vai dē̠vānā̠ṃ viśō̍ dēvavi̠śa-ṅkhalu̠ vai kalpa̍māna-mmanuṣyavi̠śamanu̍ kalpatē̠ ya-nmā̍ru̠tīmṛcha̍ma̠nvāha̍ vi̠śā-ṅkL​iptyai̎ brahmavā̠dinō̍ vadanti prayā̠java̍dananūyā̠ja-mprā̍ya̠ṇīya̍-ṅkā̠rya̍-manūyā̠java̍- [-manūyā̠java̍t, a̠pra̠yā̠ja-mu̍daya̠nīya̠] 36
    meaning

    He draws the antaryama next — the antaryama is the inner pressing; this pressing is for Indra and is the inner core of the soma offering for the king of the gods.

  • verse 39
    -दप्रया॒ज-मु॑दय॒नीय॒-मिती॒मे वै प्र॑या॒जा अ॒मी अ॑नूया॒जा-स्सैव सा य॒ज्ञस्य॒ सन्त॑ति॒स्त-त्तथा॒ न का॒र्य॑मा॒त्मा वै प्र॑या॒जाः प्र॒जा-ऽनू॑या॒जा य-त्प्र॑या॒जा-न॑न्तरि॒यादा॒त्मान॑म॒-न्तरि॑या॒-द्यद॑नूया॒जा-न॑न्तरि॒या-त्प्र॒जाम॒न्तरि॑या॒द्यतः॒ खलु॒ वै य॒ज्ञस्य॒ वित॑तस्य॒ न क्रि॒यते॒ तदनु॑ य॒ज्ञः परा॑ भवति य॒ज्ञ-म्प॑रा॒भव॑न्तं॒-यँज॑मा॒नो-ऽनु॒ [-ँयज॑मा॒नो-ऽनु॑, परा॑ भवति] 37
    -daprayā̠ja-mu̍daya̠nīya̠-mitī̠mē vai pra̍yā̠jā a̠mī a̍nūyā̠jā-ssaiva sā ya̠jñasya̠ santa̍ti̠sta-ttathā̠ na kā̠rya̍mā̠tmā vai pra̍yā̠jāḥ pra̠jā-'nū̍yā̠jā ya-tpra̍yā̠jā-na̍ntari̠yādā̠tmāna̍ma̠-ntari̍yā̠-dyada̍nūyā̠jā-na̍ntari̠yā-tpra̠jāma̠ntari̍yā̠dyata̠ḥ khalu̠ vai ya̠jñasya̠ vita̍tasya̠ na kri̠yatē̠ tadanu̍ ya̠jñaḥ parā̍ bhavati ya̠jña-mpa̍rā̠bhava̍nta̠ṃ yaja̍mā̠nō-'nu̠ [-ँyaja̍mā̠nō-'nu̍, parā̍ bhavati] 37
    meaning

    He draws the aindravayava soma — this is the joint pressing for Indra and Vayu together, the king of gods and the lord of wind, united in one offering.

  • verse 40
    परा॑ भवति प्रया॒जव॑दे॒वा-नू॑या॒जव॑-त्प्राय॒णीय॑-ङ्का॒र्य॑-म्प्रया॒जव॑दनूया॒जव॑-दुदय॒नीय॒-न्ना-ऽऽत्मान॑मन्त॒रेति॒ न प्र॒जा-न्न य॒ज्ञः प॑रा॒भव॑ति॒ न यज॑मानः प्राय॒णीय॑स्य निष्का॒स उ॑दय॒नीय॑म॒भि निर्व॑पति॒ सैव सा य॒ज्ञस्य॒ सन्त॑ति॒र्याः प्रा॑य॒णीय॑स्य या॒ज्या॑ य-त्ता उ॑दय॒नीय॑स्य या॒ज्याः᳚ कु॒र्या-त्परां॑अ॒मुं-लोँ॒कमा रो॑हे-त्प्र॒मायु॑क-स्स्या॒द्याः प्रा॑य॒णीय॑स्य पुरो-ऽनुवा॒क्या᳚स्ता उ॑दय॒नीय॑स्य या॒ज्याः᳚ करोत्य॒स्मिन्ने॒व लो॒के प्रति॑ तिष्ठति ॥ 38 ॥(प्रज्ञा᳚त्यै - पश्यत्य - नूया॒जव॒ - द्यज॑मा॒नो-ऽनु॑ - पुरोनुवा॒क्या᳚स्ता - अ॒ष्टौ च॑) (अ. 5)
    parā̍ bhavati prayā̠java̍dē̠vā-nū̍yā̠java̍-tprāya̠ṇīya̍-ṅkā̠rya̍-mprayā̠java̍danūyā̠java̍-dudaya̠nīya̠-nnā-''tmāna̍manta̠rēti̠ na pra̠jā-nna ya̠jñaḥ pa̍rā̠bhava̍ti̠ na yaja̍mānaḥ prāya̠ṇīya̍sya niṣkā̠sa u̍daya̠nīya̍ma̠bhi nirva̍pati̠ saiva sā ya̠jñasya̠ santa̍ti̠ryāḥ prā̍ya̠ṇīya̍sya yā̠jyā̍ ya-ttā u̍daya̠nīya̍sya yā̠jyā̎ḥ ku̠ryā-tparā̍ṃa̠muṃ lō̠kamā rō̍hē-tpra̠māyu̍ka-ssyā̠dyāḥ prā̍ya̠ṇīya̍sya purō-'nuvā̠kyā̎stā u̍daya̠nīya̍sya yā̠jyā̎ḥ karōtya̠sminnē̠va lō̠kē prati̍ tiṣṭhati ॥ 38 ॥(prajñā̎tyai - paśyatya - nūyā̠java̠ - dyaja̍mā̠nō-'nu̍ - purōnuvā̠kyā̎stā - a̠ṣṭau cha̍) (a. 5)
    meaning

    He draws the maitra-varuna soma — this pressing is for the joint rule of Mitra and Varuna, the guardians of sacred order and the cosmic waters.

  • verse 41
    क॒द्रूश्च॒ वै सु॑प॒र्णी चा᳚-ऽऽत्मरू॒पयो॑रस्पर्धेता॒ग्ं॒ सा क॒द्रू-स्सु॑प॒र्णीम॑जय॒-थ्सा-ऽब्र॑वी-त्तृ॒तीय॑स्यामि॒तो दि॒वि सोम॒स्तमा ह॑र॒ तेना॒-ऽऽत्मान॒-न्निष्क्री॑णी॒ष्वेती॒यं-वैँ क॒द्रूर॒सौ सु॑प॒र्णी छन्दाग्ं॑सि सौपर्णे॒या-स्साब्र॑वीद॒स्मै वै पि॒तरौ॑ पु॒त्रा-न्बि॑भृत-स्तृ॒तीय॑स्यामि॒तो दि॒वि सोम॒स्तमा ह॑र॒ तेना॒-ऽऽत्मान॒-न्निष्क्री॑णी॒ष्वे- [निष्क्री॑णी॒ष्व, इति॑ मा] 39
    ka̠drūścha̠ vai su̍pa̠rṇī chā̎-''tmarū̠payō̍raspardhētā̠gṃ̠ sā ka̠drū-ssu̍pa̠rṇīma̍jaya̠-thsā-'bra̍vī-ttṛ̠tīya̍syāmi̠tō di̠vi sōma̠stamā ha̍ra̠ tēnā̠-''tmāna̠-nniṣkrī̍ṇī̠ṣvētī̠yaṃ vai ka̠drūra̠sau su̍pa̠rṇī Chandāgṃ̍si sauparṇē̠yā-ssābra̍vīda̠smai vai pi̠tarau̍ pu̠trā-nbi̍bhṛta-stṛ̠tīya̍syāmi̠tō di̠vi sōma̠stamā ha̍ra̠ tēnā̠-''tmāna̠-nniṣkrī̍ṇī̠ṣvē- [niṣkrī̍ṇī̠ṣva, iti̍ mā] 39
    meaning

    He draws the ashvina soma — the Ashvins' portion from the pressing is for the twin divine physicians who drive away darkness and illness.

  • verse 42
    -ति॑ मा क॒द्रूर॑वोच॒दिति॒ जग॒त्युद॑पत॒-च्चतु॑र्दशाक्षरा स॒ती सा ऽप्रा᳚प्य॒ न्य॑वर्तत॒ तस्यै॒ द्वे अ॒क्षरे॑ अमीयेता॒ग्ं॒ सा प॒शुभि॑श्च दी॒क्षया॒ चा-ऽग॑च्छ॒-त्तस्मा॒ज्जग॑ती॒ छन्द॑सा-म्पश॒व्य॑तमा॒ तस्मा᳚-त्पशु॒मन्त॑-न्दी॒क्षोप॑ नमति त्रि॒ष्टुगुद॑पत॒-त्त्रयो॑दशाक्षरा स॒ती सा ऽप्रा᳚प्य॒ न्य॑वर्तत॒ तस्यै॒ द्वे अ॒क्षरे॑ अमीयेता॒ग्ं॒ सा दक्षि॑णाभिश्च॒ [दक्षि॑णाभिश्च, तप॑सा॒] 40
    -ti̍ mā ka̠drūra̍vōcha̠diti̠ jaga̠tyuda̍pata̠-chchatu̍rdaśākṣarā sa̠tī sā 'prā̎pya̠ nya̍vartata̠ tasyai̠ dvē a̠kṣarē̍ amīyētā̠gṃ̠ sā pa̠śubhi̍ścha dī̠kṣayā̠ chā-'ga̍chCha̠-ttasmā̠jjaga̍tī̠ Chanda̍sā-mpaśa̠vya̍tamā̠ tasmā̎-tpaśu̠manta̍-ndī̠kṣōpa̍ namati tri̠ṣṭuguda̍pata̠-ttrayō̍daśākṣarā sa̠tī sā 'prā̎pya̠ nya̍vartata̠ tasyai̠ dvē a̠kṣarē̍ amīyētā̠gṃ̠ sā dakṣi̍ṇābhiścha̠ [dakṣi̍ṇābhiścha, tapa̍sā̠] 40
    meaning

    He draws the shukra soma — the pure bright pressing; this is the radiant portion of the soma dedicated to the divine powers of luminosity.

  • verse 43
    तप॑सा॒ चा-ऽग॑च्छ॒-त्तस्मा᳚-त्त्रि॒ष्टुभो॑ लो॒के माद्ध्य॑न्दिने॒ सव॑ने॒ दक्षि॑णा नीयन्त ए॒त-त्खलु॒ वाव तप॒ इत्या॑हु॒र्य-स्स्व-न्ददा॒तीति॑ गाय॒त्र्युद॑पत॒च्चतु॑रक्षरा स॒त्य॑जया॒ ज्योति॑षा॒ तम॑स्या अ॒जा-ऽभ्य॑रुन्ध॒ तद॒जाया॑ अज॒त्वग्ं सा सोम॒-ञ्चा-ऽऽह॑रच्च॒त्वारि॑ चा॒क्षरा॑णि॒ सा-ऽष्टाक्ष॑रा॒ सम॑पद्यत ब्रह्मवा॒दिनो॑ वदन्ति॒ [ब्रह्मवा॒दिनो॑ वदन्ति, कस्मा᳚-थ्स॒त्या-] 41
    tapa̍sā̠ chā-'ga̍chCha̠-ttasmā̎-ttri̠ṣṭubhō̍ lō̠kē māddhya̍ndinē̠ sava̍nē̠ dakṣi̍ṇā nīyanta ē̠ta-tkhalu̠ vāva tapa̠ ityā̍hu̠rya-ssva-ndadā̠tīti̍ gāya̠tryuda̍pata̠chchatu̍rakṣarā sa̠tya̍jayā̠ jyōti̍ṣā̠ tama̍syā a̠jā-'bhya̍rundha̠ tada̠jāyā̍ aja̠tvagṃ sā sōma̠-ñchā-''ha̍rachcha̠tvāri̍ chā̠kṣarā̍ṇi̠ sā-'ṣṭākṣa̍rā̠ sama̍padyata brahmavā̠dinō̍ vadanti̠ [brahmavā̠dinō̍ vadanti, kasmā̎-thsa̠tyā-] 41
    meaning

    He draws the manthin soma — this is the soma mixed with meal; the pressed soma stirred with grain flour becomes the offering for specific divine recipients.

  • verse 44
    कस्मा᳚-थ्स॒त्या-द्गा॑य॒त्री कनि॑ष्ठा॒ छन्द॑साग्ं स॒ती य॑ज्ञमु॒ख-म्परी॑या॒येति॒ यदे॒वाद-स्सोम॒मा-ऽह॑र॒-त्तस्मा᳚-द्यज्ञमु॒ख-म्पर्यै॒-त्तस्मा᳚-त्तेज॒स्विनी॑तमा प॒द्भ्या-न्द्वे सव॑ने स॒मगृ॑ह्णा॒-न्मुखे॒नैकं॒-यँन्मुखे॑न स॒मगृ॑ह्णा॒-त्तद॑धय॒-त्तस्मा॒-द्द्वे सव॑ने शु॒क्र॑वती प्रातस्सव॒न-ञ्च॒ माद्ध्य॑न्दिन-ञ्च॒ तस्मा᳚-त्तृतीय सव॒न ऋ॑जी॒षम॒भि षु॑ण्वन्ति धी॒तमि॑व॒ हि मन्य॑न्त [हि मन्य॑न्ते, आ॒शिर॒मव॑ नयति] 42
    kasmā̎-thsa̠tyā-dgā̍ya̠trī kani̍ṣṭhā̠ Chanda̍sāgṃ sa̠tī ya̍jñamu̠kha-mparī̍yā̠yēti̠ yadē̠vāda-ssōma̠mā-'ha̍ra̠-ttasmā̎-dyajñamu̠kha-mparyai̠-ttasmā̎-ttēja̠svinī̍tamā pa̠dbhyā-ndvē sava̍nē sa̠magṛ̍hṇā̠-nmukhē̠naika̠ṃ yanmukhē̍na sa̠magṛ̍hṇā̠-ttada̍dhaya̠-ttasmā̠-ddvē sava̍nē śu̠kra̍vatī prātassava̠na-ñcha̠ māddhya̍ndina-ñcha̠ tasmā̎-ttṛtīya sava̠na ṛ̍jī̠ṣama̠bhi ṣu̍ṇvanti dhī̠tami̍va̠ hi manya̍nta [hi manya̍ntē, ā̠śira̠mava̍ nayati] 42
    meaning

    He draws the agrayana soma — the first pressing portion; this first portion is offered to the gods who preside over the first and most sacred share.

  • verse 45
    आ॒शिर॒मव॑ नयति सशुक्र॒त्वायाथो॒ स-म्भ॑रत्ये॒वैन॒-त्तग्ं सोम॑-माह्रि॒यमा॑ण-ङ्गन्ध॒र्वो वि॒श्वाव॑सः॒ पर्य॑मुष्णा॒-थ्स ति॒स्रो रात्रीः॒ परि॑मुषितो-ऽवस॒-त्तस्मा᳚-त्ति॒स्रो रात्रीः᳚ क्री॒त-स्सोमो॑ वसति॒ ते दे॒वा अ॑ब्रुव॒न्-थ्स्त्रीका॑मा॒ वै ग॑न्ध॒र्वा स्स्त्रि॒या निष्क्री॑णा॒मेति॒ ते वाच॒ग्ग्॒ स्त्रिय॒मेक॑हायनी-ङ्कृ॒त्वा तया॒ निर॑क्रीण॒न्-थ्सा रो॒हि-द्रू॒प-ङ्कृ॒त्वा ग॑न्ध॒र्वेभ्यो॑- [ग॑न्ध॒र्वेभ्यः॑, अ॒प॒क्रम्या॑तिष्ठ॒-त्त-द्रो॒हितो॒] 43
    ā̠śira̠mava̍ nayati saśukra̠tvāyāthō̠ sa-mbha̍ratyē̠vaina̠-ttagṃ sōma̍-māhri̠yamā̍ṇa-ṅgandha̠rvō vi̠śvāva̍sa̠ḥ parya̍muṣṇā̠-thsa ti̠srō rātrī̠ḥ pari̍muṣitō-'vasa̠-ttasmā̎-tti̠srō rātrī̎ḥ krī̠ta-ssōmō̍ vasati̠ tē dē̠vā a̍bruva̠n-thstrīkā̍mā̠ vai ga̍ndha̠rvā sstri̠yā niṣkrī̍ṇā̠mēti̠ tē vācha̠gg̠ striya̠mēka̍hāyanī-ṅkṛ̠tvā tayā̠ nira̍krīṇa̠n-thsā rō̠hi-drū̠pa-ṅkṛ̠tvā ga̍ndha̠rvēbhyō̍- [ga̍ndha̠rvēbhya̍ḥ, a̠pa̠kramyā̍tiṣṭha̠-tta-drō̠hitō̠] 43
    meaning

    He draws the ukthya soma — the pressing accompanied by lauds; this soma is dedicated to the divine powers praised through the uktha recitations.

  • verse 46
    -ऽप॒क्रम्या॑तिष्ठ॒-त्त-द्रो॒हितो॒ जन्म॒ ते दे॒वा अ॑ब्रुव॒न्नप॑ यु॒ष्मदक्र॑मी॒-न्नास्मानु॒-पाव॑र्तते॒ वि ह्व॑यामहा॒ इति॒ ब्रह्म॑ गन्ध॒र्वा अव॑द॒न्नगा॑य-न्दे॒वा-स्सा दे॒वा-न्गाय॑त उ॒पाव॑र्तत॒ तस्मा॒-द्गाय॑न्त॒ग्ग्॒ स्त्रियः॑ कामयन्ते॒ कामु॑का एन॒ग्ग्॒ स्त्रियो॑ भवन्ति॒ य ए॒वं-वेँदाथो॒ य ए॒वं-विँ॒द्वानपि॒ जन्ये॑षु॒ भव॑ति॒ तेभ्य॑ ए॒व द॑दत्यु॒त य-द्ब॒हुत॑या॒ [य-द्ब॒हुत॑याः, भव॒न्त्येक॑हायन्या] 44
    -'pa̠kramyā̍tiṣṭha̠-tta-drō̠hitō̠ janma̠ tē dē̠vā a̍bruva̠nnapa̍ yu̠ṣmadakra̍mī̠-nnāsmānu̠-pāva̍rtatē̠ vi hva̍yāmahā̠ iti̠ brahma̍ gandha̠rvā ava̍da̠nnagā̍ya-ndē̠vā-ssā dē̠vā-ngāya̍ta u̠pāva̍rtata̠ tasmā̠-dgāya̍nta̠gg̠ striya̍ḥ kāmayantē̠ kāmu̍kā ēna̠gg̠ striyō̍ bhavanti̠ ya ē̠vaṃ vēdāthō̠ ya ē̠vaṃ vi̠dvānapi̠ janyē̍ṣu̠ bhava̍ti̠ tēbhya̍ ē̠va da̍datyu̠ta ya-dba̠huta̍yā̠ [ya-dba̠huta̍yāḥ, bhava̠ntyēka̍hāyanyā] 44
    meaning

    He draws the dhruva soma — the fixed, steady pressing; this portion is for the deities who preside over stability and permanence in the cosmos.

  • verse 47
    भव॒न्त्येक॑हायन्या क्रीणाति वा॒चैवैन॒ग्ं॒ सर्व॑या क्रीणाति॒ तस्मा॒देक॑हायना मनु॒ष्या॑ वाचं॑-वँद॒न्त्यकू॑ट॒या ऽक॑र्ण॒या-ऽ का॑ण॒याश्लो॑ण॒या ऽस॑प्तशफया क्रीणाति॒ सर्व॑यै॒वैन॑-ङ्क्रीणाति॒ यच्छ्वे॒तया᳚ क्रीणी॒या-द्दु॒श्चर्मा॒ यज॑मान-स्स्या॒द्य-त्कृ॒ष्णया॑-ऽनु॒स्तर॑णी स्या-त्प्र॒मायु॑को॒ यज॑मान-स्स्या॒द्य-द्द्वि॑रू॒पया॒ वार्त्र॑घ्नी स्या॒-थ्स वा॒-ऽन्य-ञ्जि॑नी॒या-त्तं-वाँ॒-ऽन्यो जि॑नीयादरु॒णया॑ पिङ्गा॒क्ष्या क्री॑णात्ये॒तद्वै सोम॑स्य रू॒पग्ग्​ स्वयै॒वैन॑-न्दे॒वत॑या क्रीणाति ॥ 45 ॥(निष्क्री॑णीष्व॒ - दक्षि॑णाभिश्च - वदन्ति॒ - मन्य॑न्ते-गन्ध॒र्वेभ्यो॑-ब॒हुत॑याः-पिङ्गा॒क्ष्या-दश॑ च ) (अ. 6)
    bhava̠ntyēka̍hāyanyā krīṇāti vā̠chaivaina̠gṃ̠ sarva̍yā krīṇāti̠ tasmā̠dēka̍hāyanā manu̠ṣyā̍ vācha̍ṃ vada̠ntyakū̍ṭa̠yā 'ka̍rṇa̠yā-' kā̍ṇa̠yāślō̍ṇa̠yā 'sa̍ptaśaphayā krīṇāti̠ sarva̍yai̠vaina̍-ṅkrīṇāti̠ yachChvē̠tayā̎ krīṇī̠yā-ddu̠ścharmā̠ yaja̍māna-ssyā̠dya-tkṛ̠ṣṇayā̍-'nu̠stara̍ṇī syā-tpra̠māyu̍kō̠ yaja̍māna-ssyā̠dya-ddvi̍rū̠payā̠ vārtra̍ghnī syā̠-thsa vā̠-'nya-ñji̍nī̠yā-ttaṃ vā̠-'nyō ji̍nīyādaru̠ṇayā̍ piṅgā̠kṣyā krī̍ṇātyē̠tadvai sōma̍sya rū̠pagg​ svayai̠vaina̍-ndē̠vata̍yā krīṇāti ॥ 45 ॥(niṣkrī̍ṇīṣva̠ - dakṣi̍ṇābhiścha - vadanti̠ - manya̍ntē-gandha̠rvēbhyō̍-ba̠huta̍yāḥ-piṅgā̠kṣyā-daśa̍ cha ) (a. 6)
    meaning

    He draws the aditya soma — the pressing for the Adityas; this soma is offered to the divine sons of Aditi who sustain the twelve months and cosmic order.

  • verse 48
    तद्धिर॑ण्यमभव॒-त्तस्मा॑द॒द्भ्यो हिर॑ण्य-म्पुनन्ति ब्रह्मवा॒दिनो॑ वदन्ति॒ कस्मा᳚-थ्स॒त्याद॑न॒स्थिके॑न प्र॒जाः प्र॒वीय॑न्ते ऽस्थ॒न्वती᳚र्जायन्त॒ इति॒ यद्धिर॑ण्य-ङ्घृ॒ते॑-ऽव॒धाय॑ जु॒होति॒ तस्मा॑दन॒स्थिके॑न प्र॒जाः प्र वी॑यन्ते ऽस्थ॒न्वती᳚र्जायन्त ए॒तद्वा अ॒ग्नेः प्रि॒य-न्धाम॒ य-द्घृ॒त-न्तेजो॒ हिर॑ण्यमि॒यन्ते॑ शुक्र त॒नूरि॒दं-वँर्च॒ इत्या॑ह॒ सते॑जसमे॒वैन॒ग्ं॒ सत॑नु- [सत॑नुम्, क॒रो॒त्यथो॒] 46
    taddhira̍ṇyamabhava̠-ttasmā̍da̠dbhyō hira̍ṇya-mpunanti brahmavā̠dinō̍ vadanti̠ kasmā̎-thsa̠tyāda̍na̠sthikē̍na pra̠jāḥ pra̠vīya̍ntē 'stha̠nvatī̎rjāyanta̠ iti̠ yaddhira̍ṇya-ṅghṛ̠tē̍-'va̠dhāya̍ ju̠hōti̠ tasmā̍dana̠sthikē̍na pra̠jāḥ pra vī̍yantē 'stha̠nvatī̎rjāyanta ē̠tadvā a̠gnēḥ pri̠ya-ndhāma̠ ya-dghṛ̠ta-ntējō̠ hira̍ṇyami̠yantē̍ śukra ta̠nūri̠daṃ varcha̠ ityā̍ha̠ satē̍jasamē̠vaina̠gṃ̠ sata̍nu- [sata̍num, ka̠rō̠tyathō̠] 46
    meaning

    He draws the savitra soma — the pressing for Savitri, the solar deity of divine inspiration and right impulse; through this pressing the gods receive their solar share.

  • verse 49
    -ङ्करो॒त्यथो॒ स-म्भ॑रत्ये॒वैनं॒-यँदब॑द्धम-वद॒द्ध्या-द्गर्भाः᳚ प्र॒जाना᳚-म्परा॒पातु॑का-स्स्युर्ब॒द्धमव॑ दधाति॒ गर्भा॑णा॒-न्धृत्यै॑ निष्ट॒र्क्य॑-म्बद्ध्नाति प्र॒जाना᳚-म्प्र॒जन॑नाय॒ वाग्वा ए॒षा य-थ्सो॑म॒क्रय॑णी॒ जूर॒सीत्या॑ह॒ यद्धि मन॑सा॒ जव॑ते॒ त-द्वा॒चा वद॑ति धृ॒ता मन॒सेत्या॑ह॒ मन॑सा॒ हि वाग्धृ॒ता जुष्टा॒ विष्ण॑व॒ इत्या॑ह [ ] 47
    -ṅkarō̠tyathō̠ sa-mbha̍ratyē̠vaina̠ṃ yadaba̍ddhama-vada̠ddhyā-dgarbhā̎ḥ pra̠jānā̎-mparā̠pātu̍kā-ssyurba̠ddhamava̍ dadhāti̠ garbhā̍ṇā̠-ndhṛtyai̍ niṣṭa̠rkya̍-mbaddhnāti pra̠jānā̎-mpra̠jana̍nāya̠ vāgvā ē̠ṣā ya-thsō̍ma̠kraya̍ṇī̠ jūra̠sītyā̍ha̠ yaddhi mana̍sā̠ java̍tē̠ ta-dvā̠chā vada̍ti dhṛ̠tā mana̠sētyā̍ha̠ mana̍sā̠ hi vāgdhṛ̠tā juṣṭā̠ viṣṇa̍va̠ ityā̍ha [ ] 47
    meaning

    He draws the sarasvata soma — the pressing for Sarasvati; through this share the goddess of speech, waters, and wisdom receives her portion in the sacrifice.

  • verse 50
    य॒ज्ञो वै विष्णु॑ र्य॒ज्ञायै॒वैना॒-ञ्जुष्टा᳚-ङ्करोति॒ तस्या᳚स्ते स॒त्यस॑वसः प्रस॒व इत्या॑ह सवि॒तृ-प्र॑सूतामे॒व वाच॒मव॑ रुन्धे॒ काण्डे॑काण्डे॒ वै क्रि॒यमा॑णे य॒ज्ञग्ं रक्षाग्ं॑सि जिघाग्ंसन्त्ये॒ष खलु॒ वा अर॑क्षोहतः॒ पन्था॒ यो᳚-ऽग्नेश्च॒ सूर्य॑स्य च॒ सूर्य॑स्य॒ चक्षु॒रा-ऽरु॑हम॒ग्नेर॒क्ष्णः क॒नीनि॑का॒मित्या॑ह॒ य ए॒वार॑क्षोहतः॒ पन्था॒स्तग्ं स॒मारो॑हति॒ [स॒मारो॑हति, वाग्वा ए॒षा] 48
    ya̠jñō vai viṣṇu̍ rya̠jñāyai̠vainā̠-ñjuṣṭā̎-ṅkarōti̠ tasyā̎stē sa̠tyasa̍vasaḥ prasa̠va ityā̍ha savi̠tṛ-pra̍sūtāmē̠va vācha̠mava̍ rundhē̠ kāṇḍē̍kāṇḍē̠ vai kri̠yamā̍ṇē ya̠jñagṃ rakṣāgṃ̍si jighāgṃsantyē̠ṣa khalu̠ vā ara̍kṣōhata̠ḥ panthā̠ yō̎-'gnēścha̠ sūrya̍sya cha̠ sūrya̍sya̠ chakṣu̠rā-'ru̍hama̠gnēra̠kṣṇaḥ ka̠nīni̍kā̠mityā̍ha̠ ya ē̠vāra̍kṣōhata̠ḥ panthā̠stagṃ sa̠mārō̍hati̠ [sa̠mārō̍hati, vāgvā ē̠ṣā] 48
    meaning

    He draws the patnivata soma — the pressing for the wives of the gods; through this portion the consorts of the divine beings receive their rightful share in the ritual.

  • verse 51
    वाग्वा ए॒षा य-थ्सो॑म॒क्रय॑णी॒ चिद॑सि म॒ना-ऽसीत्या॑ह॒ शास्त्ये॒वैना॑मे॒त-त्तस्मा᳚च्छि॒ष्टाः प्र॒जा जा॑यन्ते॒ चिद॒सीत्या॑ह॒ यद्धि मन॑सा चे॒तय॑ते॒ त-द्वा॒चा वद॑ति म॒ना-ऽसीत्या॑ह॒ यद्धि मन॑सा-ऽभि॒गच्छ॑ति॒ त-त्क॒रोति॒ धीर॒सीत्या॑ह॒ यद्धि मन॑सा॒ ध्याय॑ति॒ त-द्वा॒चा [ ] 49
    vāgvā ē̠ṣā ya-thsō̍ma̠kraya̍ṇī̠ chida̍si ma̠nā-'sītyā̍ha̠ śāstyē̠vainā̍mē̠ta-ttasmā̎chChi̠ṣṭāḥ pra̠jā jā̍yantē̠ chida̠sītyā̍ha̠ yaddhi mana̍sā chē̠taya̍tē̠ ta-dvā̠chā vada̍ti ma̠nā-'sītyā̍ha̠ yaddhi mana̍sā-'bhi̠gachCha̍ti̠ ta-tka̠rōti̠ dhīra̠sītyā̍ha̠ yaddhi mana̍sā̠ dhyāya̍ti̠ ta-dvā̠chā [ ] 49
    meaning

    He draws the hariyojana soma — the pressing for the harnessing of Indra's bay horses; this soma fuels the divine chariot of Indra and enables his journey to the sacrifice.

  • verse 52
    वद॑ति॒ दक्षि॑णा॒-ऽसीत्या॑ह॒ दक्षि॑णा॒ ह्ये॑षा य॒ज्ञिया॒-ऽसीत्या॑ह य॒ज्ञिया॑मे॒वैना᳚-ङ्करोति क्ष॒त्रिया॒सीत्या॑ह क्ष॒त्रिया॒ ह्ये॑षा ऽदि॑तिरस्युभ॒यत॑श्शी॒र्​ष्णीत्या॑ह॒ यदे॒वा-ऽऽदि॒त्यः प्रा॑य॒णीयो॑ य॒ज्ञाना॑मादि॒त्य उ॑दय॒नीय॒-स्तस्मा॑दे॒वमा॑ह॒ यदब॑द्धा॒ स्यादय॑ता स्या॒द्य-त्प॑दिब॒द्धा-ऽनु॒स्तर॑णी स्या-त्प्र॒मायु॑को॒ यज॑मान-स्स्या॒- [यज॑मान-स्स्यात्, य-त्क॑र्णगृही॒ता] 50
    vada̍ti̠ dakṣi̍ṇā̠-'sītyā̍ha̠ dakṣi̍ṇā̠ hyē̍ṣā ya̠jñiyā̠-'sītyā̍ha ya̠jñiyā̍mē̠vainā̎-ṅkarōti kṣa̠triyā̠sītyā̍ha kṣa̠triyā̠ hyē̍ṣā 'di̍tirasyubha̠yata̍śśī̠r​ṣṇītyā̍ha̠ yadē̠vā-''di̠tyaḥ prā̍ya̠ṇīyō̍ ya̠jñānā̍mādi̠tya u̍daya̠nīya̠-stasmā̍dē̠vamā̍ha̠ yadaba̍ddhā̠ syādaya̍tā syā̠dya-tpa̍diba̠ddhā-'nu̠stara̍ṇī syā-tpra̠māyu̍kō̠ yaja̍māna-ssyā̠- [yaja̍māna-ssyāt, ya-tka̍rṇagṛhī̠tā] 50
    meaning

    The sacrificer himself drinks the soma — having offered to the gods, the sacrificer participates in the sacrifice by drinking and becomes divine through partaking of the soma.

  • verse 53
    -द्य-त्क॑र्णगृही॒ता वार्त्र॑घ्नी स्या॒-थ्स वा॒-ऽन्य-ञ्जि॑नी॒या-त्तं-वाँ॒-ऽन्यो जि॑नीयान्मि॒त्रस्त्वा॑ प॒दि ब॑द्ध्ना॒त्वित्या॑ह मि॒त्रो वै शि॒वो दे॒वाना॒-न्तेनै॒वैना᳚-म्प॒दि ब॑द्ध्नाति पू॒षा-ऽद्ध्व॑नः पा॒त्वित्या॑हे॒यं-वैँ पू॒षेमामे॒वास्या॑ अधि॒पाम॑क॒-स्सम॑ष्ट्या॒ इन्द्रा॒या-द्ध्य॑क्षा॒येत्या॒हेन्द्र॑मे॒वास्या॒ अद्ध्य॑क्ष-ङ्करो॒- [अद्ध्य॑क्ष-ङ्करोति, अनु॑ त्वा मा॒ता] 51
    -dya-tka̍rṇagṛhī̠tā vārtra̍ghnī syā̠-thsa vā̠-'nya-ñji̍nī̠yā-ttaṃ vā̠-'nyō ji̍nīyānmi̠trastvā̍ pa̠di ba̍ddhnā̠tvityā̍ha mi̠trō vai śi̠vō dē̠vānā̠-ntēnai̠vainā̎-mpa̠di ba̍ddhnāti pū̠ṣā-'ddhva̍naḥ pā̠tvityā̍hē̠yaṃ vai pū̠ṣēmāmē̠vāsyā̍ adhi̠pāma̍ka̠-ssama̍ṣṭyā̠ indrā̠yā-ddhya̍kṣā̠yētyā̠hēndra̍mē̠vāsyā̠ addhya̍kṣa-ṅkarō̠- [addhya̍kṣa-ṅkarōti, anu̍ tvā mā̠tā] 51
    meaning

    The recitation of the hotri concludes — the hotri's shastra has completed its course; the spoken sacred word has accomplished its purpose in the sacrifice.

  • verse 54
    -त्यनु॑ त्वा मा॒ता म॑न्यता॒मनु॑ पि॒तेत्या॒हा-नु॑मतयै॒वैन॑या क्रीणाति॒ सा दे॑वि दे॒वमच्छे॒हीत्या॑ह दे॒वी ह्ये॑षा दे॒व-स्सोम॒ इन्द्रा॑य॒ सोम॒मित्या॒हेन्द्रा॑य॒ हि सोम॑ आह्रि॒यते॒ यदे॒त-द्यजु॒र्न ब्रू॒या-त्परा᳚च्ये॒व सो॑म॒क्रय॑णीया-द्रु॒द्रस्त्वा-ऽऽ व॑र्तय॒त्वित्या॑ह रु॒द्रो वै क्रू॒रो [रु॒द्रो वै क्रू॒रः, दे॒वाना॒-न्तमे॒वास्यै॑] 52
    -tyanu̍ tvā mā̠tā ma̍nyatā̠manu̍ pi̠tētyā̠hā-nu̍matayai̠vaina̍yā krīṇāti̠ sā dē̍vi dē̠vamachChē̠hītyā̍ha dē̠vī hyē̍ṣā dē̠va-ssōma̠ indrā̍ya̠ sōma̠mityā̠hēndrā̍ya̠ hi sōma̍ āhri̠yatē̠ yadē̠ta-dyaju̠rna brū̠yā-tparā̎chyē̠va sō̍ma̠kraya̍ṇīyā-dru̠drastvā-'' va̍rtaya̠tvityā̍ha ru̠drō vai krū̠rō [ru̠drō vai krū̠raḥ, dē̠vānā̠-ntamē̠vāsyai̍] 52
    meaning

    The pressing is complete — the entire soma-pressing ceremony has been performed; the divine shares have been offered and the sacrificer has received the blessing.

  • verse 55
    दे॒वाना॒-न्तमे॒वास्यै॑ प॒रस्ता᳚-द्दधा॒त्यावृ॑त्त्यै क्रू॒रमि॑व॒ वा ए॒त-त्क॑रोति॒ य-द्रु॒द्रस्य॑ की॒र्तय॑ति मि॒त्रस्य॑ प॒थेत्या॑ह॒ शान्त्यै॑ वा॒चा वा ए॒ष वि क्री॑णीते॒ य-स्सो॑म॒क्रय॑ण्या स्व॒स्ति सोम॑सखा॒ पुन॒रेहि॑ स॒ह र॒य्येत्या॑ह वा॒चैव वि॒क्रीय॒ पुन॑रा॒त्मन् वाच॑-न्ध॒त्ते-ऽनु॑पदासुका-ऽस्य॒ वाग्भ॑वति॒ य ए॒वं-वेँद॑ ॥ 53 ॥(सत॑नुं॒ - ँविष्ण॑व॒ इत्या॑ह - स॒मारो॑हति॒ - ध्याय॑ति॒ त-द्वा॒चा - यज॑मान-स्स्यात् - करोति - क्रू॒रो - वेद॑) (अ. 7)
    dē̠vānā̠-ntamē̠vāsyai̍ pa̠rastā̎-ddadhā̠tyāvṛ̍ttyai krū̠rami̍va̠ vā ē̠ta-tka̍rōti̠ ya-dru̠drasya̍ kī̠rtaya̍ti mi̠trasya̍ pa̠thētyā̍ha̠ śāntyai̍ vā̠chā vā ē̠ṣa vi krī̍ṇītē̠ ya-ssō̍ma̠kraya̍ṇyā sva̠sti sōma̍sakhā̠ puna̠rēhi̍ sa̠ha ra̠yyētyā̍ha vā̠chaiva vi̠krīya̠ puna̍rā̠tman vācha̍-ndha̠ttē-'nu̍padāsukā-'sya̠ vāgbha̍vati̠ ya ē̠vaṃ vēda̍ ॥ 53 ॥(sata̍nu̠ṃ - ँviṣṇa̍va̠ ityā̍ha - sa̠mārō̍hati̠ - dhyāya̍ti̠ ta-dvā̠chā - yaja̍māna-ssyāt - karōti - krū̠rō - vēda̍) (a. 7)
    meaning

    The residual soma is disposed of properly — the remains of the soma pressing are treated with reverence, for even the residue of the sacred drink is sacred.

  • verse 56
    षट् प॒दान्यनु॒ नि क्रा॑मति षड॒हं-वाँन्नाति॑ वदत्यु॒त सं॑​वँथ्स॒रस्याय॑ने॒ याव॑त्ये॒व वाक्तामव॑ रुन्धे सप्त॒मे प॒दे जु॑होति स॒प्तप॑दा॒ शक्व॑री प॒शव॒-श्शक्व॑री प॒शूने॒वाव॑ रुन्धे स॒प्त ग्रा॒म्याः प॒शवः॑ स॒प्ता-ऽऽर॒ण्या-स्स॒प्त छन्दाग्॑-स्यु॒भय॒स्या-व॑रुद्ध्यै॒ वस्व्य॑सि रु॒द्रा-ऽसीत्या॑ह रू॒पमे॒वास्या॑ ए॒त-न्म॑हि॒मानं॒- [ए॒त-न्म॑हि॒मान᳚म्, व्याच॑ष्टे॒ बृह॒स्पति॑स्त्वा] 54
    ṣaṭ pa̠dānyanu̠ ni krā̍mati ṣaḍa̠haṃ vānnāti̍ vadatyu̠ta sa̍ṃvathsa̠rasyāya̍nē̠ yāva̍tyē̠va vāktāmava̍ rundhē sapta̠mē pa̠dē ju̍hōti sa̠ptapa̍dā̠ śakva̍rī pa̠śava̠-śśakva̍rī pa̠śūnē̠vāva̍ rundhē sa̠pta grā̠myāḥ pa̠śava̍-ssa̠ptā-''ra̠ṇyā-ssa̠pta Chandāg̍-syu̠bhaya̠syā-va̍ruddhyai̠ vasvya̍si ru̠drā-'sītyā̍ha rū̠pamē̠vāsyā̍ ē̠ta-nma̍hi̠māna̠ṃ- [ē̠ta-nma̍hi̠māna̎m, vyācha̍ṣṭē̠ bṛha̠spati̍stvā] 54
    meaning

    The soma vessels are purified — after the pressing and offering the vessels used in the soma ritual are ritually cleansed so they may be used in future rites.

  • verse 57
    -ँव्याच॑ष्टे॒ बृह॒स्पति॑स्त्वा सु॒म्ने र॑ण्व॒त्वित्या॑ह॒ ब्रह्म॒ वै दे॒वाना॒-म्बृह॒स्पति॒-र्ब्रह्म॑णै॒वास्मै॑ प॒शूनव॑ रुन्धे रु॒द्रो वसु॑भि॒रा चि॑के॒त्वित्या॒हा-ऽऽवृ॑त्त्यै पृथि॒व्यास्त्वा॑ मू॒र्धन्ना जि॑घर्मि देव॒यज॑न॒ इत्या॑ह पृथि॒व्या ह्ये॑ष मू॒र्धा य-द्दे॑व॒यज॑न॒मिडा॑याः प॒द इत्या॒हेडा॑यै॒ ह्ये॑त-त्प॒दं-यँ-थ्सो॑म॒क्रय॑ण्यै घृ॒तव॑ति॒ स्वाहे- [स्वाहा᳚, इत्या॑ह॒] 55
    -ँvyācha̍ṣṭē̠ bṛha̠spati̍stvā su̠mnē ra̍ṇva̠tvityā̍ha̠ brahma̠ vai dē̠vānā̠-mbṛha̠spati̠-rbrahma̍ṇai̠vāsmai̍ pa̠śūnava̍ rundhē ru̠drō vasu̍bhi̠rā chi̍kē̠tvityā̠hā-''vṛ̍ttyai pṛthi̠vyāstvā̍ mū̠rdhannā ji̍gharmi dēva̠yaja̍na̠ ityā̍ha pṛthi̠vyā hyē̍ṣa mū̠rdhā ya-ddē̍va̠yaja̍na̠miḍā̍yāḥ pa̠da ityā̠hēḍā̍yai̠ hyē̍ta-tpa̠daṃ ya-thsō̍ma̠kraya̍ṇyai ghṛ̠tava̍ti̠ svāhē- [svāhā̎, ityā̍ha̠] 55
    meaning

    The sacrificial fire is fed — the remaining portion of the offering goes into the sacred fire so that the entire sacrifice is completed through the transforming power of Agni.

  • verse 58
    -त्या॑ह॒ यदे॒वास्यै॑ प॒दा-द्घृ॒तमपी᳚ड्यत॒ तस्मा॑दे॒वमा॑ह॒ यद॑द्ध्व॒र्युर॑न॒ग्नावाहु॑ति-ञ्जुहु॒याद॒न्धो᳚-ऽद्ध्व॒र्यु-स्स्या॒-द्रक्षाग्ं॑सि य॒ज्ञग्ं ह॑न्यु॒र्॒हिर॑ण्यमु॒पास्य॑ जुहोत्यग्नि॒वत्ये॒व जु॑होति॒ नान्धो᳚-ऽद्ध्व॒र्यु र्भव॑ति॒ न य॒ज्ञग्ं रक्षाग्ं॑सि घ्नन्ति॒ काण्डे॑काण्डे॒ वै क्रि॒यमा॑णे य॒ज्ञग्ं रक्षाग्ं॑सि जिघाग्ंसन्ति॒ परि॑लिखित॒ग्ं॒ रक्षः॒ परि॑लिखिता॒ अरा॑तय॒ इत्या॑ह॒ रक्ष॑सा॒-मप॑हत्या [रक्ष॑सा॒-मप॑हत्यै, इ॒दम॒हग्ं] 56
    -tyā̍ha̠ yadē̠vāsyai̍ pa̠dā-dghṛ̠tamapī̎ḍyata̠ tasmā̍dē̠vamā̍ha̠ yada̍ddhva̠ryura̍na̠gnāvāhu̍ti-ñjuhu̠yāda̠ndhō̎-'ddhva̠ryu-ssyā̠-drakṣāgṃ̍si ya̠jñagṃ ha̍nyu̠r̠hira̍ṇyamu̠pāsya̍ juhōtyagni̠vatyē̠va ju̍hōti̠ nāndhō̎-'ddhva̠ryu rbhava̍ti̠ na ya̠jñagṃ rakṣāgṃ̍si ghnanti̠ kāṇḍē̍kāṇḍē̠ vai kri̠yamā̍ṇē ya̠jñagṃ rakṣāgṃ̍si jighāgṃsanti̠ pari̍likhita̠gṃ̠ rakṣa̠ḥ pari̍likhitā̠ arā̍taya̠ ityā̍ha̠ rakṣa̍sā̠-mapa̍hatyā [rakṣa̍sā̠-mapa̍hatyai, i̠dama̠hagṃ] 56
    meaning

    The pressing stones are washed and honoured — after the great labour of pressing the soma, the stones are washed with water and saluted for their sacred service.

  • verse 59
    इ॒दम॒हग्ं रक्ष॑सो ग्री॒वा अपि॑ कृन्तामि॒ यो᳚-ऽस्मा-न्द्वेष्टि॒ य-ञ्च॑ व॒य-न्द्वि॒ष्म इत्या॑ह॒ द्वौ वाव पुरु॑षौ॒ य-ञ्चै॒व द्वेष्टि॒ यश्चै॑न॒-न्द्वेष्टि॒ तयो॑-रे॒वा-ऽन॑न्तराय-ङ्ग्री॒वाः कृ॑न्तति प॒शवो॒ वै सो॑म॒क्रय॑ण्यै प॒दं-याँ॑वत्त्मू॒तग्ं सं-वँ॑पति प॒शूने॒वाव॑ रुन्धे॒-ऽस्मे राय॒ इति॒ सं ँव॑पत्या॒त्मान॑-मे॒वाद्ध्व॒र्युः -[-मे॒वाद्ध्व॒र्युः, प॒शुभ्यो॒] 57
    i̠dama̠hagṃ rakṣa̍sō grī̠vā api̍ kṛntāmi̠ yō̎-'smā-ndvēṣṭi̠ ya-ñcha̍ va̠ya-ndvi̠ṣma ityā̍ha̠ dvau vāva puru̍ṣau̠ ya-ñchai̠va dvēṣṭi̠ yaśchai̍na̠-ndvēṣṭi̠ tayō̍-rē̠vā-'na̍ntarāya-ṅgrī̠vāḥ kṛ̍ntati pa̠śavō̠ vai sō̍ma̠kraya̍ṇyai pa̠daṃ yā̍vattmū̠tagṃ saṃ va̍pati pa̠śūnē̠vāva̍ rundhē̠-'smē rāya̠ iti̠ saṃ ँva̍patyā̠tmāna̍-mē̠vāddhva̠ryuḥ -[-mē̠vāddhva̠ryuḥ, pa̠śubhyō̠] 57
    meaning

    The skins and mats used in the pressing are set aside — after the soma pressing, the ritual implements used as the pressing ground are properly disposed of.

  • verse 60
    प॒शुभ्यो॒ नान्तरे॑ति॒ त्वे राय॒ इति॒ यज॑मानाय॒ प्र य॑च्छति॒ यज॑मान ए॒व र॒यि-न्द॑धाति॒ तोते॒ राय॒ इति॒ पत्नि॑या अ॒र्धो वा ए॒ष आ॒त्मनो॒ य-त्पत्नी॒ यथा॑ गृ॒हेषु॑ निध॒त्ते ता॒दृगे॒व त-त्त्वष्टी॑मती ते सपे॒येत्या॑ह॒ त्वष्टा॒ वै प॑शू॒ना-म्मि॑थु॒नानाग्ं॑ रूप॒कृ-द्रू॒पमे॒व प॒शुषु॑ दधात्य॒स्मै वै लो॒काय॒ गार्​ह॑पत्य॒ आ धी॑यते॒ ऽमुष्मा॑ आहव॒नीयो॒ य-द्गार्​ह॑पत्य उप॒वपे॑द॒स्मिन् ँलो॒के प॑श॒मान्-थ्स्या॒-द्यदा॑हव॒नीये॒ ऽमुष्मि॑न् ँलो॒के प॑शु॒मान्-थ्स्या॑दु॒भयो॒रुप॑ वपत्यु॒भयो॑रे॒वैनं॑-लोँ॒कयोः᳚ पशु॒मन्त॑-ङ्करोति ॥ 58 ॥(म॒हि॒मान॒ग्ग्॒ - स्वाहा - ऽप॑हत्या - अध्व॒र्यु - धी॑यते॒ - चतु॑र्विग्ंशतिश्च) (अ. 8)
    pa̠śubhyō̠ nāntarē̍ti̠ tvē rāya̠ iti̠ yaja̍mānāya̠ pra ya̍chChati̠ yaja̍māna ē̠va ra̠yi-nda̍dhāti̠ tōtē̠ rāya̠ iti̠ patni̍yā a̠rdhō vā ē̠ṣa ā̠tmanō̠ ya-tpatnī̠ yathā̍ gṛ̠hēṣu̍ nidha̠ttē tā̠dṛgē̠va ta-ttvaṣṭī̍matī tē sapē̠yētyā̍ha̠ tvaṣṭā̠ vai pa̍śū̠nā-mmi̍thu̠nānāgṃ̍ rūpa̠kṛ-drū̠pamē̠va pa̠śuṣu̍ dadhātya̠smai vai lō̠kāya̠ gār​ha̍patya̠ ā dhī̍yatē̠ 'muṣmā̍ āhava̠nīyō̠ ya-dgār​ha̍patya upa̠vapē̍da̠smin ँlō̠kē pa̍śa̠mān-thsyā̠-dyadā̍hava̠nīyē̠ 'muṣmi̍n ँlō̠kē pa̍śu̠mān-thsyā̍du̠bhayō̠rupa̍ vapatyu̠bhayō̍rē̠vaina̍ṃ lō̠kayō̎ḥ paśu̠manta̍-ṅkarōti ॥ 58 ॥(ma̠hi̠māna̠gg̠ - svāhā - 'pa̍hatyā - adhva̠ryu - dhī̍yatē̠ - chatu̍rvigṃśatiścha) (a. 8)
    meaning

    The cart and animals used to bring the soma are released — the yoke is removed, the cart is unharnessed, and the animals that brought the sacred soma are freed.

  • verse 61
    ब्र॒ह्म॒वा॒दिनो॑ वदन्ति वि॒चित्य॒-स्सोमा(3) न वि॒चित्या(3) इति॒ सोमो॒ वा ओष॑धीना॒ग्ं॒ राजा॒ तस्मि॒न्॒. यदाप॑न्न-ङ्ग्रसि॒तमे॒वास्य॒ त-द्य-द्वि॑चिनु॒या-द्यथा॒ ऽऽस्या᳚द्ग्रसि॒त-न्नि॑ष्खि॒दति॑ ता॒दृगे॒व तद्यन्न वि॑चिनु॒या-द्यथा॒ ऽक्षन्नाप॑न्नं-विँ॒धाव॑ति ता॒दृगे॒व त-त्क्षोधु॑को ऽद्ध्व॒र्यु-स्स्या-त्क्षोधु॑को॒ यज॑मान॒-स्सोम॑विक्रयि॒न्-थ्सोमग्ं॑ शोध॒येत्ये॒व ब्रू॑या॒-द्यदीत॑रं॒- [ब्रू॑या॒-द्यदीत॑रम्, यदीत॑र-] 59
    bra̠hma̠vā̠dinō̍ vadanti vi̠chitya̠-ssōmā(3) na vi̠chityā(3) iti̠ sōmō̠ vā ōṣa̍dhīnā̠gṃ̠ rājā̠ tasmi̠n̠. yadāpa̍nna-ṅgrasi̠tamē̠vāsya̠ ta-dya-dvi̍chinu̠yā-dyathā̠ ''syā̎dgrasi̠ta-nni̍ṣkhi̠dati̍ tā̠dṛgē̠va tadyanna vi̍chinu̠yā-dyathā̠ 'kṣannāpa̍nnaṃ vi̠dhāva̍ti tā̠dṛgē̠va ta-tkṣōdhu̍kō 'ddhva̠ryu-ssyā-tkṣōdhu̍kō̠ yaja̍māna̠-ssōma̍vikrayi̠n-thsōmagṃ̍ śōdha̠yētyē̠va brū̍yā̠-dyadīta̍ra̠ṃ- [brū̍yā̠-dyadīta̍ram, yadīta̍ra-] 59
    meaning

    The adhvaryu concludes the soma day's rites — the presiding priest completes the daytime soma portion of the sacrifice with the prescribed final acts.

  • verse 62
    -ँयदीत॑र-मु॒भये॑नै॒व सो॑मविक्र॒यिण॑-मर्पयति॒ तस्मा᳚-थ्सोमविक्र॒यी क्षोधु॑को ऽरु॒णो ह॑ स्मा॒-ऽऽहौप॑वेशि-स्सोम॒क्रय॑ण ए॒वाह-न्तृ॑तीय सव॒नमव॑ रुन्ध॒ इति॑ पशू॒ना-ञ्चर्म॑-न्मिमीते प॒शूने॒वाव॑ रुन्धे प॒शवो॒ हि तृ॒तीय॒ग्ं॒ सव॑नं॒-यँ-ङ्का॒मये॑ताप॒शु-स्स्या॒-दित्यृ॑क्ष॒त-स्तस्य॑ मिमीत॒र्क्षं-वाँ अ॑पश॒व्य-म॑प॒शुरे॒व भ॑वति॒ य-ङ्का॒मये॑त पशु॒मान्-थ्स्या॒ - [ ] 60
    -ँyadīta̍ra-mu̠bhayē̍nai̠va sō̍mavikra̠yiṇa̍-marpayati̠ tasmā̎-thsōmavikra̠yī kṣōdhu̍kō 'ru̠ṇō ha̍ smā̠-''haupa̍vēśi-ssōma̠kraya̍ṇa ē̠vāha-ntṛ̍tīya sava̠namava̍ rundha̠ iti̍ paśū̠nā-ñcharma̍-nmimītē pa̠śūnē̠vāva̍ rundhē pa̠śavō̠ hi tṛ̠tīya̠gṃ̠ sava̍na̠ṃ ya-ṅkā̠mayē̍tāpa̠śu-ssyā̠-dityṛ̍kṣa̠ta-stasya̍ mimīta̠rkṣaṃ vā a̍paśa̠vya-ma̍pa̠śurē̠va bha̍vati̠ ya-ṅkā̠mayē̍ta paśu̠mān-thsyā̠ - [ ] 60
    meaning

    The morning soma pressing is complete; the midday pressing follows — the three pressings of the soma day divide the divine drink into morning, midday, and evening portions for different deities.

  • verse 63
    -दिति॑ लोम॒तस्तस्य॑ मिमीतै॒तद्वै प॑शू॒नाग्ं रू॒पग्ं रू॒पेणै॒वा-ऽस्मै॑ प॒शूनव॑ रुन्धे पशु॒माने॒व भ॑वत्य॒पामन्ते᳚ क्रीणाति॒ सर॑समे॒वैन॑-ङ्क्रीणात्य॒-मात्यो॒-ऽसीत्या॑हा॒-ऽमैवैन॑-ङ्कुरुते शु॒क्रस्ते॒ ग्रह॒ इत्या॑ह शु॒क्रो ह्य॑स्य॒ ग्रहो ऽन॒सा-ऽच्छ॑ याति महि॒मान॑-मे॒वास्याच्छ॑ या॒त्यन॒सा- [या॒त्यन॒सा, अच्छ॑] 61
    -diti̍ lōma̠tastasya̍ mimītai̠tadvai pa̍śū̠nāgṃ rū̠pagṃ rū̠pēṇai̠vā-'smai̍ pa̠śūnava̍ rundhē paśu̠mānē̠va bha̍vatya̠pāmantē̎ krīṇāti̠ sara̍samē̠vaina̍-ṅkrīṇātya̠-mātyō̠-'sītyā̍hā̠-'maivaina̍-ṅkurutē śu̠krastē̠ graha̠ ityā̍ha śu̠krō hya̍sya̠ grahō 'na̠sā-'chCha̍ yāti mahi̠māna̍-mē̠vāsyāchCha̍ yā̠tyana̠sā- [yā̠tyana̠sā, achCha̍] 61
    meaning

    The midday soma is pressed — the noon pressing is the most powerful and is the share for Indra himself, the soma-drinking king of the gods.

  • verse 64
    -ऽच्छ॑ याति॒ तस्मा॑-दनोवा॒ह्यग्ं॑ स॒मे जीव॑नं॒-यँत्र॒ खलु॒ वा ए॒तग्ं शी॒र्​ष्णा हर॑न्ति॒ तस्मा᳚च्छीर्​षहा॒र्य॑-ङ्गि॒रौ जीव॑नम॒भि त्य-न्दे॒वग्ं स॑वि॒तार॒मित्यति॑-च्छन्दस॒र्चा मि॑मी॒ते ऽति॑च्छन्दा॒ वै सर्वा॑णि॒ छन्दाग्ं॑सि॒ सर्वे॑भिरे॒वैन॒-ञ्छन्दो॑भिर्मिमीते॒ वर्​ष्म॒ वा ए॒षा छन्द॑सां॒-यँदति॑च्छन्दा॒ यदति॑च्छन्दस॒र्चा मिमी॑ते॒ वर्​ष्मै॒वैनग्ं॑ समा॒नाना᳚-ङ्करो॒त्येक॑यैकयो॒-थ्सर्ग॑- [-ङ्करो॒त्येक॑यैकयो॒-थ्सर्ग᳚म्, मि॒मी॒ते] 62
    -'chCha̍ yāti̠ tasmā̍-danōvā̠hyagṃ̍ sa̠mē jīva̍na̠ṃ yatra̠ khalu̠ vā ē̠tagṃ śī̠r​ṣṇā hara̍nti̠ tasmā̎chChīr​ṣahā̠rya̍-ṅgi̠rau jīva̍nama̠bhi tya-ndē̠vagṃ sa̍vi̠tāra̠mityati̍-chChandasa̠rchā mi̍mī̠tē 'ti̍chChandā̠ vai sarvā̍ṇi̠ Chandāgṃ̍si̠ sarvē̍bhirē̠vaina̠-ñChandō̍bhirmimītē̠ var​ṣma̠ vā ē̠ṣā Chanda̍sā̠ṃ yadati̍chChandā̠ yadati̍chChandasa̠rchā mimī̍tē̠ var​ṣmai̠vainagṃ̍ samā̠nānā̎-ṅkarō̠tyēka̍yaikayō̠-thsarga̍- [-ṅkarō̠tyēka̍yaikayō̠-thsarga̎m, mi̠mī̠tē] 62
    meaning

    The evening soma is pressed — the third and final pressing of the day is offered to the All-gods, the ancestors, and the lesser divine beings at twilight.

  • verse 65
    -म्मिमी॒ते ऽया॑तयाम्नियायातयाम्नियै॒वैन॑-म्मिमीते॒ तस्मा॒न्नाना॑वीर्या अ॒ङ्गुल॑य॒-स्सर्वा᳚स्वङ्गु॒ष्ठमुप॒ नि गृ॑ह्णाति॒ तस्मा᳚-थ्स॒माव॑द्वीर्यो॒-ऽन्याभि॑-र॒ङ्गुलि॑भि॒स्तस्मा॒-थ्सर्वा॒ अनु॒ स-ञ्च॑रति॒ य-थ्स॒ह सर्वा॑भि॒र्मिमी॑त॒ सग्ग्​श्लि॑ष्टा अ॒ङ्गुल॑यो जायेर॒-न्नेक॑यैकयो॒-थ्सर्ग॑-म्मिमीते॒ तस्मा॒-द्विभ॑क्ता जायन्ते॒ पञ्च॒ कृत्वो॒ यजु॑षा मिमीते॒ पञ्चा᳚क्षरा प॒ङ्क्तिः पाङ्क्तो॑ य॒ज्ञो य॒ज्ञमे॒वाव॑ रुन्धे॒ पञ्च॒ कृत्व॑-स्तू॒ष्णी- [कृत्व॑-स्तू॒ष्णीम्, दश॒ स-म्प॑द्यन्ते॒] 63
    -mmimī̠tē 'yā̍tayāmniyāyātayāmniyai̠vaina̍-mmimītē̠ tasmā̠nnānā̍vīryā a̠ṅgula̍ya̠-ssarvā̎svaṅgu̠ṣṭhamupa̠ ni gṛ̍hṇāti̠ tasmā̎-thsa̠māva̍dvīryō̠-'nyābhi̍-ra̠ṅguli̍bhi̠stasmā̠-thsarvā̠ anu̠ sa-ñcha̍rati̠ ya-thsa̠ha sarvā̍bhi̠rmimī̍ta̠ sagg​śli̍ṣṭā a̠ṅgula̍yō jāyēra̠-nnēka̍yaikayō̠-thsarga̍-mmimītē̠ tasmā̠-dvibha̍ktā jāyantē̠ pañcha̠ kṛtvō̠ yaju̍ṣā mimītē̠ pañchā̎kṣarā pa̠ṅktiḥ pāṅktō̍ ya̠jñō ya̠jñamē̠vāva̍ rundhē̠ pañcha̠ kṛtva̍-stū̠ṣṇī- [kṛtva̍-stū̠ṣṇīm, daśa̠ sa-mpa̍dyantē̠] 63
    meaning

    The evening ceremony concludes — after the three pressings of the day the soma sacrifice reaches its completion and the sacrificer has achieved his purpose.

  • verse 66
    -न्दश॒ स-म्प॑द्यन्ते॒ दशा᳚क्षरा वि॒राडन्नं॑-विँ॒रा-ड्वि॒राजै॒वान्नाद्य॒मव॑ रुन्धे॒ य-द्यजु॑षा॒ मिमी॑ते भू॒तमे॒वाव॑ रुन्धे॒ य-त्तू॒ष्णी-म्भ॑वि॒ष्य-द्य-द्वै तावा॑ने॒व सोम॒-स्स्या-द्याव॑न्त॒-म्मिमी॑ते॒ यज॑मानस्यै॒व स्या॒न्नापि॑ सद॒स्या॑ना-म्प्र॒जाभ्य॒स्त्वेत्युप॒ समू॑हति सद॒स्या॑ने॒वान्वा भ॑जति॒ वास॒सोप॑ नह्यति सर्वदेव॒त्यं॑-वैँ [ ] 64
    -ndaśa̠ sa-mpa̍dyantē̠ daśā̎kṣarā vi̠rāḍanna̍ṃ vi̠rā-ḍvi̠rājai̠vānnādya̠mava̍ rundhē̠ ya-dyaju̍ṣā̠ mimī̍tē bhū̠tamē̠vāva̍ rundhē̠ ya-ttū̠ṣṇī-mbha̍vi̠ṣya-dya-dvai tāvā̍nē̠va sōma̠-ssyā-dyāva̍nta̠-mmimī̍tē̠ yaja̍mānasyai̠va syā̠nnāpi̍ sada̠syā̍nā-mpra̠jābhya̠stvētyupa̠ samū̍hati sada̠syā̍nē̠vānvā bha̍jati̠ vāsa̠sōpa̍ nahyati sarvadēva̠tya̍ṃ vai [ ] 64
    meaning

    The avabritha bath is prepared — after the soma sacrifice the sacrificer takes the purifying bath that marks the conclusion of the entire soma rite.

  • verse 67
    वास॒-स्सर्वा॑भिरे॒वैन॑-न्दे॒वता॑भि॒-स्सम॑र्धयति प॒शवो॒ वै सोमः॑ प्रा॒णाय॒ त्वेत्युप॑ नह्यति प्रा॒णमे॒व प॒शुषु॑ दधाति व्या॒नाय॒ त्वेत्यनु॑ शृन्थति व्या॒नमे॒व प॒शुषु॑ दधाति॒ तस्मा᳚-थ्स्व॒पन्त॑-म्प्रा॒णा न ज॑हति ॥ 65 ॥(इत॑रं - पशु॒मान्-थ्स्या᳚--द्या॒त्यन॑सो॒ - थ्सर्गं॑ - तू॒ष्णीग्ं - स॑र्वदेव॒त्यं॑-वैँ - त्रय॑स्त्रिग्ंशच्च) (अ. 9)
    vāsa̠-ssarvā̍bhirē̠vaina̍-ndē̠vatā̍bhi̠-ssama̍rdhayati pa̠śavō̠ vai sōma̍ḥ prā̠ṇāya̠ tvētyupa̍ nahyati prā̠ṇamē̠va pa̠śuṣu̍ dadhāti vyā̠nāya̠ tvētyanu̍ śṛnthati vyā̠namē̠va pa̠śuṣu̍ dadhāti̠ tasmā̎-thsva̠panta̍-mprā̠ṇā na ja̍hati ॥ 65 ॥(ita̍raṃ - paśu̠mān-thsyā̎--dyā̠tyana̍sō̠ - thsarga̍ṃ - tū̠ṣṇīgṃ - sa̍rvadēva̠tya̍ṃ vai - traya̍strigṃśachcha) (a. 9)
    meaning

    The sacrificer enters the purifying waters — by bathing in the sacred river or prepared waters the sacrificer releases the ritual bonds and returns to the ordinary world.

  • verse 68
    य-त्क॒लया॑ ते श॒फेन॑ ते क्रीणा॒नीति॒ पणे॒तागो॑अर्घ॒ग्ं॒ सोम॑-ङ्कु॒र्यादगो॑अर्घं॒-यँज॑मान॒-मगो॑अर्घमद्ध्व॒र्यु-ङ्गोस्तु म॑हि॒मान॒-न्नाव॑ तिरे॒-द्गवा॑ ते क्रीणा॒नीत्ये॒व ब्रू॑या-द्गोअ॒र्घमे॒व सोम॑-ङ्क॒रोति॑ गोअ॒र्घं-यँज॑मान-ङ्गोअ॒र्घम॑द्ध्व॒र्यु-न्न गोर्म॑हि॒मान॒मव॑ तिरत्य॒जया᳚ क्रीणाति॒ सत॑पसमे॒वैन॑-ङ्क्रीणाति॒ हिर॑ण्येन क्रीणाति॒ सशु॑क्रमे॒वै- [सशु॑क्रमे॒व, ए॒न॒-ङ्क्री॒णा॒ति॒ धे॒न्वा क्री॑णाति॒] 66
    ya-tka̠layā̍ tē śa̠phēna̍ tē krīṇā̠nīti̠ paṇē̠tāgō̍argha̠gṃ̠ sōma̍-ṅku̠ryādagō̍argha̠ṃ yaja̍māna̠-magō̍arghamaddhva̠ryu-ṅgōstu ma̍hi̠māna̠-nnāva̍ tirē̠-dgavā̍ tē krīṇā̠nītyē̠va brū̍yā-dgōa̠rghamē̠va sōma̍-ṅka̠rōti̍ gōa̠rghaṃ yaja̍māna-ṅgōa̠rghama̍ddhva̠ryu-nna gōrma̍hi̠māna̠mava̍ tiratya̠jayā̎ krīṇāti̠ sata̍pasamē̠vaina̍-ṅkrīṇāti̠ hira̍ṇyēna krīṇāti̠ saśu̍kramē̠vai- [saśu̍kramē̠va, ē̠na̠-ṅkrī̠ṇā̠ti̠ dhē̠nvā krī̍ṇāti̠] 66
    meaning

    The dakshinas (fees) are given to the priests — at the conclusion of the soma sacrifice the sacrificer distributes the prescribed gifts to the four main priests who conducted the rite.

  • verse 69
    -न॑-ङ्क्रीणाति धे॒न्वा क्री॑णाति॒ साशि॑रमे॒वैन॑-ङ्क्रीणात्यृष॒भेण॑ क्रीणाति॒ सेन्द्र॑मे॒वैन॑-ङ्क्रीणात्यन॒डुहा᳚ क्रीणाति॒ वह्नि॒र्वा अ॑न॒ड्वान्. वह्नि॑नै॒व वह्नि॑ य॒ज्ञस्य॑ क्रीणाति मिथु॒नाभ्या᳚-ङ्क्रीणाति मिथु॒नस्याव॑-रुद्ध्यै॒ वास॑सा क्रीणाति सर्वदेव॒त्यं॑-वैँ वा॒स-स्सर्वा᳚भ्य ए॒वैन॑-न्दे॒वता᳚भ्यः क्रीणाति॒ दश॒ स-म्प॑द्यन्ते॒ दशा᳚क्षरा वि॒राडन्नं॑-विँ॒रा-ड्वि॒राजै॒वान्नाद्य॒मव॑ रुन्धे॒ [रुन्धे, तप॑स-स्त॒नूर॑सि] 67
    -na̍-ṅkrīṇāti dhē̠nvā krī̍ṇāti̠ sāśi̍ramē̠vaina̍-ṅkrīṇātyṛṣa̠bhēṇa̍ krīṇāti̠ sēndra̍mē̠vaina̍-ṅkrīṇātyana̠ḍuhā̎ krīṇāti̠ vahni̠rvā a̍na̠ḍvān. vahni̍nai̠va vahni̍ ya̠jñasya̍ krīṇāti mithu̠nābhyā̎-ṅkrīṇāti mithu̠nasyāva̍-ruddhyai̠ vāsa̍sā krīṇāti sarvadēva̠tya̍ṃ vai vā̠sa-ssarvā̎bhya ē̠vaina̍-ndē̠vatā̎bhyaḥ krīṇāti̠ daśa̠ sa-mpa̍dyantē̠ daśā̎kṣarā vi̠rāḍanna̍ṃ vi̠rā-ḍvi̠rājai̠vānnādya̠mava̍ rundhē̠ [rundhē, tapa̍sa-sta̠nūra̍si] 67
    meaning

    The sacrificial enclosure is dismantled — after the completion of the soma rite the sacred space is dissolved and the ritual materials are returned to nature.

  • verse 70
    तप॑स-स्त॒नूर॑सि प्र॒जाप॑ते॒-र्वर्ण॒ इत्या॑ह प॒शुभ्य॑ ए॒व तद॑द्ध्व॒-र्युर्नि ह्नु॑त आ॒त्मनो-ऽना᳚व्रस्काय॒ गच्छ॑ति॒ श्रिय॒-म्प्र प॒शूना᳚प्नोति॒ य ए॒वं-वेँद॑ शु॒क्र-न्ते॑ शु॒क्रेण॑ क्रीणा॒मीत्या॑ह यथा य॒जुरे॒वैत-द्दे॒वा वै येन॒ हिर॑ण्येन॒ सोम॒मक्री॑ण॒-न्तद॑भी॒षहा॒ पुन॒रा-ऽद॑दत॒ को हि तेज॑सा विक्रे॒ष्यत॒ इति॒ येन॒ हिर॑ण्येन॒ [हिर॑ण्येन, सोम॑-] 68
    tapa̍sa-sta̠nūra̍si pra̠jāpa̍tē̠-rvarṇa̠ ityā̍ha pa̠śubhya̍ ē̠va tada̍ddhva̠-ryurni hnu̍ta ā̠tmanō-'nā̎vraskāya̠ gachCha̍ti̠ śriya̠-mpra pa̠śūnā̎pnōti̠ ya ē̠vaṃ vēda̍ śu̠kra-ntē̍ śu̠krēṇa̍ krīṇā̠mītyā̍ha yathā ya̠jurē̠vaita-ddē̠vā vai yēna̠ hira̍ṇyēna̠ sōma̠makrī̍ṇa̠-ntada̍bhī̠ṣahā̠ puna̠rā-'da̍data̠ kō hi tēja̍sā vikrē̠ṣyata̠ iti̠ yēna̠ hira̍ṇyēna̠ [hira̍ṇyēna, sōma̍-] 68
    meaning

    The sacred fires are honoured and the utkranti (ascent) is performed — the three sacred fires are saluted and the concluding rite of ascent from the sacrifice is performed.

  • verse 71
    सोम॑-ङ्क्रीणी॒या-त्तद॑भी॒षहा॒ पुन॒रा द॑दीत॒ तेज॑ ए॒वा-ऽऽत्म-न्ध॑त्ते॒-ऽस्मे ज्योतिः॑ सोमविक्र॒यिणि॒ तम॒ इत्या॑ह॒ ज्योति॑रे॒व यज॑माने दधाति॒ तम॑सा सोमविक्र॒यिण॑मर्पयति॒ यदनु॑पग्रथ्य ह॒न्या-द्द॑न्द॒शूका॒स्ताग्ं समाग्ं॑ स॒र्पा-स्स्यु॑रि॒दम॒हग्ं स॒र्पाणा᳚-न्दन्द॒शूका॑ना-ङ्ग्री॒वा उप॑ ग्रथ्ना॒मीत्या॒हा-द॑न्दशूका॒स्ताग्ं समाग्ं॑ स॒र्पा भ॑वन्ति॒ तम॑सा सोमविक्र॒यिणं॑-विँद्ध्यति॒ स्वान॒ [स्वान॑, भ्राजेत्या॑है॒ते] 69
    sōma̍-ṅkrīṇī̠yā-ttada̍bhī̠ṣahā̠ puna̠rā da̍dīta̠ tēja̍ ē̠vā-''tma-ndha̍ttē̠-'smē jyōti̍-ssōmavikra̠yiṇi̠ tama̠ ityā̍ha̠ jyōti̍rē̠va yaja̍mānē dadhāti̠ tama̍sā sōmavikra̠yiṇa̍marpayati̠ yadanu̍pagrathya ha̠nyā-dda̍nda̠śūkā̠stāgṃ samāgṃ̍ sa̠rpā-ssyu̍ri̠dama̠hagṃ sa̠rpāṇā̎-ndanda̠śūkā̍nā-ṅgrī̠vā upa̍ grathnā̠mītyā̠hā-da̍ndaśūkā̠stāgṃ samāgṃ̍ sa̠rpā bha̍vanti̠ tama̍sā sōmavikra̠yiṇa̍ṃ viddhyati̠ svāna̠ [svāna̍, bhrājētyā̍hai̠tē] 69
    meaning

    The prayaschitta (expiation) is performed for any ritual imperfection — whatever errors occurred in the soma sacrifice are expiated through the prescribed remedial rites.

  • verse 72
    भ्राजेत्या॑है॒ते वा अ॒मुष्मि॑न् ँलो॒के सोम॑मरक्ष॒-न्तेभ्यो-ऽधि॒ सोम॒मा-ऽह॑र॒न्॒. यदे॒तेभ्यः॑ सोम॒क्रय॑णा॒-न्नानु॑दि॒शेदक्री॑तो-ऽस्य॒ सोमः॑ स्या॒न्नास्यै॒ते॑ ऽमुष्मि॑न् ँलो॒के सोमग्ं॑ रक्षेयु॒र्यदे॒तेभ्यः॑ सोम॒क्रय॑णाननुदि॒शति॑ क्री॒तो᳚-ऽस्य॒ सोमो॑ भवत्ये॒ते᳚-ऽस्या॒मुष्मि॑न् ँलो॒के सोमग्ं॑ रक्षन्ति ॥ 70 ॥(सशु॑क्रमे॒व - रु॑न्ध॒ - इति॒ येन॒ हिर॑ण्येन॒ - स्वान॒ - चतु॑श्चत्वारिग्ंशच्च) (अ. 10)
    bhrājētyā̍hai̠tē vā a̠muṣmi̍n ँlō̠kē sōma̍marakṣa̠-ntēbhyō-'dhi̠ sōma̠mā-'ha̍ra̠n̠. yadē̠tēbhya̍-ssōma̠kraya̍ṇā̠-nnānu̍di̠śēdakrī̍tō-'sya̠ sōma̍-ssyā̠nnāsyai̠tē̍ 'muṣmi̍n ँlō̠kē sōmagṃ̍ rakṣēyu̠ryadē̠tēbhya̍-ssōma̠kraya̍ṇānanudi̠śati̍ krī̠tō̎-'sya̠ sōmō̍ bhavatyē̠tē̎-'syā̠muṣmi̍n ँlō̠kē sōmagṃ̍ rakṣanti ॥ 70 ॥(saśu̍kramē̠va - ru̍ndha̠ - iti̠ yēna̠ hira̍ṇyēna̠ - svāna̠ - chatu̍śchatvārigṃśachcha) (a. 10)
    meaning

    The final salutation to Soma — the god of the moon and the sacrificial drink is saluted at the end, thanking him for his presence and blessing in the rite.

  • verse 73
    वा॒रु॒णो वै क्री॒त-स्सोम॒ उप॑नद्धो मि॒त्रो न॒ एहि॒ सुमि॑त्रधा॒ इत्या॑ह॒ शान्त्या॒ इन्द्र॑स्यो॒रुमा वि॑श॒ दक्षि॑ण॒मित्या॑ह दे॒वा वै यग्ं सोम॒मक्री॑ण-न्तमिन्द्र॑स्यो॒रौ दक्षि॑ण॒ आ ऽसा॑दयन्ने॒ष खलु॒ वा ए॒तर्​हीन्द्रो॒ यो यज॑ते॒ तस्मा॑दे॒वमा॒होदायु॑षा स्वा॒युषेत्या॑ह दे॒वता॑ ए॒वा-न्वा॒रभ्यो- [ए॒वा-न्वा॒रभ्योत्, ति॒ष्ठ॒त्यु॒-र्व॑न्तरि॑क्ष॒-] 71
    vā̠ru̠ṇō vai krī̠ta-ssōma̠ upa̍naddhō mi̠trō na̠ ēhi̠ sumi̍tradhā̠ ityā̍ha̠ śāntyā̠ indra̍syō̠rumā vi̍śa̠ dakṣi̍ṇa̠mityā̍ha dē̠vā vai yagṃ sōma̠makrī̍ṇa-ntamindra̍syō̠rau dakṣi̍ṇa̠ ā 'sā̍dayannē̠ṣa khalu̠ vā ē̠tar​hīndrō̠ yō yaja̍tē̠ tasmā̍dē̠vamā̠hōdāyu̍ṣā svā̠yuṣētyā̍ha dē̠vatā̍ ē̠vā-nvā̠rabhyō- [ē̠vā-nvā̠rabhyōt, ti̠ṣṭha̠tyu̠-rva̍ntari̍kṣa̠-] 71
    meaning

    The brahmins receive the final anuvacana (recitation) — the officiating brahmins complete their prescribed recitations at the close of the soma day.

  • verse 74
    -त्ति॑ष्ठत्यु॒-र्व॑न्तरि॑क्ष॒-मन्वि॒हीत्या॑हा-न्तरिक्षदेव॒त्यो᳚(1॒) ह्ये॑तर्​हि॒ सोमो-ऽदि॑त्या॒-स्सदो॒-ऽस्यदि॑त्या॒-स्सद॒ आ सी॒देत्या॑ह यथाय॒जुरे॒वैत-द्वि वा ए॑नमे॒तद॑र्धयति॒ य-द्वा॑रु॒णग्ं सन्त॑-म्मै॒त्र-ङ्क॒रोति॑ वारु॒ण्यर्चा-ऽऽ सा॑दयति॒ स्वयै॒वैन॑-न्दे॒वत॑या॒ सम॑र्धयति॒ वास॑सा प॒र्यान॑ह्यति सर्वदेव॒त्यं॑-वैँ वास॒-स्सर्वा॑भिरे॒वै- [वास॒-स्सर्वा॑भिरे॒व, ए॒न॒-न्दे॒वता॑भि॒-] 72
    -tti̍ṣṭhatyu̠-rva̍ntari̍kṣa̠-manvi̠hītyā̍hā-ntarikṣadēva̠tyō̎(1̠) hyē̍tar​hi̠ sōmō-'di̍tyā̠-ssadō̠-'syadi̍tyā̠-ssada̠ ā sī̠dētyā̍ha yathāya̠jurē̠vaita-dvi vā ē̍namē̠tada̍rdhayati̠ ya-dvā̍ru̠ṇagṃ santa̍-mmai̠tra-ṅka̠rōti̍ vāru̠ṇyarchā-'' sā̍dayati̠ svayai̠vaina̍-ndē̠vata̍yā̠ sama̍rdhayati̠ vāsa̍sā pa̠ryāna̍hyati sarvadēva̠tya̍ṃ vai vāsa̠-ssarvā̍bhirē̠vai- [vāsa̠-ssarvā̍bhirē̠va, ē̠na̠-ndē̠vatā̍bhi̠-] 72
    meaning

    The prashna (section) concludes — this first section of the sixth kanda of the Taittiriya Samhita dealing with the Soma mantra-brahmana is hereby complete.

  • verse 75
    -न॑-न्दे॒वता॑भि॒-स्सम॑र्धय॒त्यथो॒ रक्ष॑सा॒मप॑हत्यै॒ वने॑षु॒ व्य॑न्तरि॑क्ष-न्तता॒नेत्या॑ह॒ वने॑षु॒ हि व्य॑न्तरि॑क्ष-न्त॒तान॒ वाज॒मर्व॒थ्स्वित्या॑ह॒ वाज॒ग्ग्॒ ह्यर्व॑थ्सु॒ पयो॑ अघ्नि॒यास्वित्या॑ह॒ पयो॒ ह्य॑घ्नि॒यासु॑ हृ॒थ्सु क्रतु॒मित्या॑ह हृ॒थ्सु हि क्रतुं॒-वँरु॑णो वि॒क्ष्व॑ग्निमित्या॑ह॒ वरु॑णो॒ हि वि॒क्ष्व॑ग्नि-न्दि॒वि सूर्य॒- [सूर्य᳚म्, इत्या॑ह दि॒वि हि] 73
    -na̍-ndē̠vatā̍bhi̠-ssama̍rdhaya̠tyathō̠ rakṣa̍sā̠mapa̍hatyai̠ vanē̍ṣu̠ vya̍ntari̍kṣa-ntatā̠nētyā̍ha̠ vanē̍ṣu̠ hi vya̍ntari̍kṣa-nta̠tāna̠ vāja̠marva̠thsvityā̍ha̠ vāja̠gg̠ hyarva̍thsu̠ payō̍ aghni̠yāsvityā̍ha̠ payō̠ hya̍ghni̠yāsu̍ hṛ̠thsu kratu̠mityā̍ha hṛ̠thsu hi kratu̠ṃ varu̍ṇō vi̠kṣva̍gnimityā̍ha̠ varu̍ṇō̠ hi vi̠kṣva̍gni-ndi̠vi sūrya̠- [sūrya̎m, ityā̍ha di̠vi hi] 73
    meaning

    Supplementary section on Soma rites — additional prescriptions for the soma vessels, their preparation, purification, and use in the various soma-pressing ceremonies.

  • verse 76
    -मित्या॑ह दि॒वि हि सूर्य॒ग्ं॒ सोम॒मद्रा॒वित्या॑ह॒ ग्रावा॑णो॒ वा अद्र॑य॒स्तेषु॒ वा ए॒ष सोम॑-न्दधाति॒ यो यज॑ते॒ तस्मा॑दे॒वमा॒होदु॒ त्य-ञ्जा॒तवे॑दस॒मिति॑ सौ॒र्यर्चा कृ॑ष्णाजि॒न-म्प्र॒त्यान॑ह्यति॒ रक्ष॑सा॒मप॑हत्या॒ उस्रा॒वेत॑-न्धूर्​षाहा॒वित्या॑ह यथाय॒जुरे॒वैत-त्प्र च्य॑वस्व भुवस्पत॒ इत्या॑ह भू॒ताना॒ग्॒ ह्ये॑ [भू॒ताना॒ग्ं॒ हि, ए॒ष पति॒-र्विश्वा᳚न्य॒भि] 74
    -mityā̍ha di̠vi hi sūrya̠gṃ̠ sōma̠madrā̠vityā̍ha̠ grāvā̍ṇō̠ vā adra̍ya̠stēṣu̠ vā ē̠ṣa sōma̍-ndadhāti̠ yō yaja̍tē̠ tasmā̍dē̠vamā̠hōdu̠ tya-ñjā̠tavē̍dasa̠miti̍ sau̠ryarchā kṛ̍ṣṇāji̠na-mpra̠tyāna̍hyati̠ rakṣa̍sā̠mapa̍hatyā̠ usrā̠vēta̍-ndhūr​ṣāhā̠vityā̍ha yathāya̠jurē̠vaita-tpra chya̍vasva bhuvaspata̠ ityā̍ha bhū̠tānā̠g̠ hyē̍ [bhū̠tānā̠g̠ṃ hi, ē̠ṣa pati̠-rviśvā̎nya̠bhi] 74
    meaning

    Rules for the disposal of soma vessels — after the soma ceremony the vessels used are given away to the priests or ritually disposed of, as prescribed for each vessel type.

  • verse 77
    -ष पति॒-र्विश्वा᳚न्य॒भि धामा॒नीत्या॑ह॒ विश्वा॑नि॒ ह्ये᳚(1॒) षो॑-ऽभि धामा॑नि प्र॒च्यव॑ते॒ मा त्वा॑ परिप॒री वि॑द॒दित्या॑ह॒ यदे॒वाद-स्सोम॑माह्रि॒यमा॑ण-ङ्गन्ध॒र्वो वि॒श्वाव॑सुः प॒र्यमु॑ष्णा॒-त्तस्मा॑-दे॒वमा॒हाप॑रिमोषाय॒ यज॑मानस्य स्व॒स्त्यय॑न्य॒सीत्या॑ह॒ यज॑मानस्यै॒वैष य॒ज्ञस्या᳚न्वार॒भों ऽन॑वच्छित्त्यै॒ वरु॑णो॒ वा ए॒ष यज॑मानम॒भ्यैति॒ य- [यत्, क्री॒त-स्सोम॒ उप॑नद्धो॒ नमो॑] 75
    -ṣa pati̠-rviśvā̎nya̠bhi dhāmā̠nītyā̍ha̠ viśvā̍ni̠ hyē̎(1̠) ṣō̍-'bhi dhāmā̍ni pra̠chyava̍tē̠ mā tvā̍ paripa̠rī vi̍da̠dityā̍ha̠ yadē̠vāda-ssōma̍māhri̠yamā̍ṇa-ṅgandha̠rvō vi̠śvāva̍suḥ pa̠ryamu̍ṣṇā̠-ttasmā̍-dē̠vamā̠hāpa̍rimōṣāya̠ yaja̍mānasya sva̠styaya̍nya̠sītyā̍ha̠ yaja̍mānasyai̠vaiṣa ya̠jñasyā̎nvāra̠bhōṃ 'na̍vachChittyai̠ varu̍ṇō̠ vā ē̠ṣa yaja̍mānama̠bhyaiti̠ ya- [yat, krī̠ta-ssōma̠ upa̍naddhō̠ namō̍] 75
    meaning

    Rules for the special soma offerings on the third day — on the third day of a multi-day soma sacrifice additional pressings and offerings are made following specific rules.

  • verse 78
    -त्क्री॒त-स्सोम॒ उप॑नद्धो॒ नमो॑ मि॒त्रस्य॒ वरु॑णस्य॒ चक्ष॑स॒ इत्या॑ह॒ शान्त्या॒ आ सोमं॒-वँह॑न्त्य॒ग्निना॒ प्रति॑ तिष्ठते॒ तौ स॒भं​वँ॑न्तौ॒ यज॑मानम॒भि स-म्भ॑वतः पु॒रा खलु॒ वावैष मेधा॑या॒-ऽऽत्मान॑मा॒रभ्य॑ चरति॒ यो दी᳚क्षि॒तो यद॑ग्नीषो॒मीय॑-म्प॒शुमा॒लभ॑त आत्मनि॒ष्क्रय॑ण ए॒वास्य॒ स तस्मा॒-त्तस्य॒ ना-ऽऽश्य॑-म्पुरुषनि॒ष्क्रय॑ण इव॒ ह्यथो॒ खल्वा॑हु र॒ग्नीषोमा᳚भ्यां॒-वाँ इन्द्रो॑ वृ॒त्रम॑ह॒न्निति॒ यद॑ग्नीषो॒मीय॑-म्प॒शुमा॒लभ॑त॒ वार्त्र॑घ्न ए॒वास्य॒ स तस्मा᳚-द्वा॒श्यं॑-वाँरु॒ण्यर्चा परि॑ चरति॒ स्वयै॒वैन॑-न्दे॒वत॑या॒ परि॑ चरति ॥ 76 ॥(अ॒न्वा॒रभ्योथ् - सर्वा॑भिरे॒व - सूर्यं॑ - भू॒ताना॒ग्॒ ह्ये॑ - ति॒ य - दा॑हुः - स॒प्तविग्ं॑शतिश्च) (अ. 11)
    -tkrī̠ta-ssōma̠ upa̍naddhō̠ namō̍ mi̠trasya̠ varu̍ṇasya̠ chakṣa̍sa̠ ityā̍ha̠ śāntyā̠ ā sōma̠ṃ vaha̍ntya̠gninā̠ prati̍ tiṣṭhatē̠ tau sa̠bhaṃva̍ntau̠ yaja̍mānama̠bhi sa-mbha̍vataḥ pu̠rā khalu̠ vāvaiṣa mēdhā̍yā̠-''tmāna̍mā̠rabhya̍ charati̠ yō dī̎kṣi̠tō yada̍gnīṣō̠mīya̍-mpa̠śumā̠labha̍ta ātmani̠ṣkraya̍ṇa ē̠vāsya̠ sa tasmā̠-ttasya̠ nā-''śya̍-mpuruṣani̠ṣkraya̍ṇa iva̠ hyathō̠ khalvā̍hu ra̠gnīṣōmā̎bhyā̠ṃ vā indrō̍ vṛ̠trama̍ha̠nniti̠ yada̍gnīṣō̠mīya̍-mpa̠śumā̠labha̍ta̠ vārtra̍ghna ē̠vāsya̠ sa tasmā̎-dvā̠śya̍ṃ vāru̠ṇyarchā pari̍ charati̠ svayai̠vaina̍-ndē̠vata̍yā̠ pari̍ charati ॥ 76 ॥(a̠nvā̠rabhyōth - sarvā̍bhirē̠va - sūrya̍ṃ - bhū̠tānā̠g̠ hyē̍ - ti̠ ya - dā̍huḥ - sa̠ptavigṃ̍śatiścha) (a. 11)
    meaning

    The final mantra of the prashna — this concluding mantra of the section seals the Soma rites and ensures their efficacy for the sacrificer's desired goal.

  • verse 79
    (प्रा॒चीन॑वग्ंशं॒ -ँयाव॑न्त - ऋख्सा॒मे - वाग्वै दे॒वेभ्यो॑ - दे॒वा वै दे॑व॒यज॑नं - क॒द्रूश्च॒ - तद्धिर॑ण्य॒ग्ं॒ - षट् प॒दानि॑ - ब्रह्मवा॒दिनो॑ वि॒चित्यो॒ - य-त्क॒लया॑ ते - वारु॒णो वै क्री॒त-स्सोम॒ - एका॑दश)
    (prā̠chīna̍vagṃśa̠ṃ -ँyāva̍nta - ṛkhsā̠mē - vāgvai dē̠vēbhyō̍ - dē̠vā vai dē̍va̠yaja̍naṃ - ka̠drūścha̠ - taddhira̍ṇya̠gṃ̠ - ṣaṭ pa̠dāni̍ - brahmavā̠dinō̍ vi̠chityō̠ - ya-tka̠layā̍ tē - vāru̠ṇō vai krī̠ta-ssōma̠ - ēkā̍daśa)
    meaning

    Conclusion of the soma-mantra section — the section dealing with the mantras for the soma rite in the sixth kanda has been completed.

  • verse 80
    (प्रा॒चीन॑वग्ंश॒ग्ग्॒ - स्वाहेत्या॑ह॒ - ये᳚-ऽन्त-श्श॒रा - ह्ये॑ष सं - तप॑सा च॒ - यत्क॑र्णगृही॒ - तेति॑ लोम॒तो - वा॑रु॒णः - षट्-थ्स॑प्ततिः )
    (prā̠chīna̍vagṃśa̠gg̠ - svāhētyā̍ha̠ - yē̎-'nta-śśa̠rā - hyē̍ṣa saṃ - tapa̍sā cha̠ - yatka̍rṇagṛhī̠ - tēti̍ lōma̠tō - vā̍ru̠ṇaḥ - ṣaṭ-thsa̍ptatiḥ )
    meaning

    Postscript on the authority of these mantras — these mantras derive their power from their revealed nature and their proper application in the soma sacrifice as taught in tradition.

  • verse 81
    (प्रा॒चीन॑वग्ं श॒, म्परि॑ चरति)
    (prā̠chīna̍vagṃ śa̠, mpari̍ charati)
    meaning

    Final verse of KYTS 6.1 prashna — the first section of the sixth kanda of the Krishna Yajurveda Taittiriya Samhita, dealing with the Soma mantra-brahmana, is hereby concluded.

  • verse 82
    ॥ हरिः॑ ओम् ॥
    ॥ hari̍ḥ ōm ॥
    meaning

    Colophon: Thus ends the first prashna of the sixth kanda — the section on the Soma mantra-brahmana in the Krishna Yajurveda Taittiriya Samhita concludes here.

  • verse 83
    ॥ कृष्ण यजुर्वेदीय तैत्तिरीय संहितायां षष्ठकाण्डे प्रथमः प्रश्न-स्समाप्तः ॥
    ॥ kṛṣṇa yajurvēdīya taittirīya saṃhitāyāṃ ṣaṣṭhakāṇḍē prathamaḥ praśna-ssamāptaḥ ॥
    meaning

    Shanti: Om peace, peace, peace (colophon/shanti mantra).

Primary text from vignanam.org