← Library

KYTS 5.7 Yo Vaa Ayathaa Devatam

Krishna

◆

tap any word for its meaning

  • verse 1
    कृष्ण यजुर्वेदीय तैत्तिरीय संहिताया-म्पञ्चमकाण्डे सप्तमः प्रश्नः-उपानुवाक्यावशिष्टकर्मनिरूपणं
    kṛṣṇa yajurvēdīya taittirīya saṃhitāyā-mpañchamakāṇḍē saptamaḥ praśnaḥ-upānuvākyāvaśiṣṭakarmanirūpaṇaṃ
    meaning

    Title: Krishna Yajurvedīya Taittirīya Saṃhitā, Fifth Kāṇḍa, Seventh Praśna — explanation of the remaining fire-altar ritual acts.

  • verse 2
    ओ-न्नमः परमात्मने, श्री महागणपतये नमः,श्री गुरुभ्यो नमः । ह॒रिः॒ ओम् ॥
    ō-nnamaḥ paramātmanē, śrī mahāgaṇapatayē namaḥ,śrī gurubhyō namaḥ । ha̠ri̠ḥ ōm ॥
    meaning

    Invocatory salutations: Om — homage to the Supreme Self, to Śrī Mahāgaṇapati, and to the teachers; Hariḥ Om.

  • verse 3
    यो वा अय॑थादेवतम॒ग्नि-ञ्चि॑नु॒त आ दे॒वता᳚भ्यो वृश्च्यते॒ पापी॑या-न्भवति॒ यो य॑थादेव॒त-न्न दे॒वता᳚भ्य॒ आ वृ॑श्च्यते॒ वसी॑या-न्भवत्याग्ने॒य्या गा॑यत्रि॒या प्र॑थ॒मा-ञ्चिति॑म॒भि मृ॑शे-त्त्रि॒ष्टुभा᳚ द्वि॒तीया॒-ञ्जग॑त्या तृ॒तीया॑मनु॒ष्टुभा॑ चतु॒र्थी-म्प॒ङ्क्त्या प॑ञ्च॒मीं-यँ॑थादेव॒तमे॒वाग्नि-ञ्चि॑नुते॒ न दे॒वता᳚भ्य॒ आ वृ॑श्च्यते॒ वसी॑या-न्भव॒तीडा॑यै॒ वा ए॒षा विभ॑क्तिः प॒शव॒ इडा॑ प॒शुभि॑रेन- [प॒शुभि॑रेनम्, चि॒नु॒ते॒ यो वै] 1
    yō vā aya̍thādēvatama̠gni-ñchi̍nu̠ta ā dē̠vatā̎bhyō vṛśchyatē̠ pāpī̍yā-nbhavati̠ yō ya̍thādēva̠ta-nna dē̠vatā̎bhya̠ ā vṛ̍śchyatē̠ vasī̍yā-nbhavatyāgnē̠yyā gā̍yatri̠yā pra̍tha̠mā-ñchiti̍ma̠bhi mṛ̍śē-ttri̠ṣṭubhā̎ dvi̠tīyā̠-ñjaga̍tyā tṛ̠tīyā̍manu̠ṣṭubhā̍ chatu̠rthī-mpa̠ṅktyā pa̍ñcha̠mīṃ ya̍thādēva̠tamē̠vāgni-ñchi̍nutē̠ na dē̠vatā̎bhya̠ ā vṛ̍śchyatē̠ vasī̍yā-nbhava̠tīḍā̍yai̠ vā ē̠ṣā vibha̍ktiḥ pa̠śava̠ iḍā̍ pa̠śubhi̍rēna- [pa̠śubhi̍rēnam, chi̠nu̠tē̠ yō vai] 1
    meaning

    One who builds the fire-altar without regard for the proper deity is cut off from the gods and becomes more sinful; one who builds it with proper regard for the deity is not cut off and becomes more prosperous; the first layer is touched with the Āgneyī Gāyatrī.

  • verse 4
    -ञ्चिनुते॒ यो वै प्र॒जाप॑तये प्रति॒ प्रोच्या॒ग्नि-ञ्चि॒नोति॒ ना-ऽऽर्ति॒मार्च्छ॒-त्यश्वा॑व॒भित॑स्तिष्ठेता-ङ्कृ॒ष्ण उ॑त्तर॒त-श्श्वे॒तो दक्षि॑ण॒स्तावा॒लभ्येष्ट॑का॒ उप॑ दद्ध्यादे॒तद्वै प्र॒जाप॑ते रू॒प-म्प्रा॑जाप॒त्यो-ऽश्वः॑ सा॒क्षादे॒व प्र॒जाप॑तये प्रति॒प्रोच्या॒ग्नि-ञ्चि॑नोति॒ ना-ऽऽर्ति॒मार्च्छ॑त्ये॒तद्वा अह्नो॑ रू॒पं-यँच्छ्वे॒तो-ऽश्वो॒ रात्रि॑यै कृ॒ष्ण ए॒तदह्नो॑ [ए॒तदह्नः॑, रू॒पं-यँदिष्ट॑का॒] 2
    -ñchinutē̠ yō vai pra̠jāpa̍tayē prati̠ prōchyā̠gni-ñchi̠nōti̠ nā-''rti̠mārchCha̠-tyaśvā̍va̠bhita̍stiṣṭhētā-ṅkṛ̠ṣṇa u̍ttara̠ta-śśvē̠tō dakṣi̍ṇa̠stāvā̠labhyēṣṭa̍kā̠ upa̍ daddhyādē̠tadvai pra̠jāpa̍tē rū̠pa-mprā̍jāpa̠tyō-'śva̍-ssā̠kṣādē̠va pra̠jāpa̍tayē prati̠prōchyā̠gni-ñchi̍nōti̠ nā-''rti̠mārchCha̍tyē̠tadvā ahnō̍ rū̠paṃ yachChvē̠tō-'śvō̠ rātri̍yai kṛ̠ṣṇa ē̠tadahnō̍ [ē̠tadahna̍ḥ, rū̠paṃ yadiṣṭa̍kā̠] 2
    meaning

    One who builds the fire-altar having declared it to Prajāpati causes no harm; a black horse should stand to the north and a white horse to the south — both should be touched; these are the forms of Prajāpati.

  • verse 5
    रू॒पं-यँदिष्ट॑का॒ रात्रि॑यै॒ पुरी॑ष॒मिष्ट॑का उपधा॒स्यञ्छ्वे॒त-मश्व॑म॒भि मृ॑शे॒-त्पुरी॑षमुपधा॒स्यन् कृ॒ष्णम॑होरा॒त्राभ्या॑मे॒वैन॑-ञ्चिनुते हिरण्य पा॒त्र-म्मधोः᳚ पू॒र्ण-न्द॑दाति मध॒व्यो॑ ऽसा॒नीति॑ सौ॒र्या चि॒त्रव॒त्या-ऽवे᳚क्षते चि॒त्रमे॒व भ॑वति म॒द्ध्यन्दि॒ने-ऽश्व॒मव॑ घ्रापयत्य॒सौ वा आ॑दि॒त्य इन्द्र॑ ए॒ष प्र॒जाप॑तिः प्राजाप॒त्यो-ऽश्व॒स्तमे॒व सा॒क्षादृ॑द्ध्नोति ॥ 3 ॥(ए॒न॒ - मे॒तदह्नो॒ - ऽष्टाच॑त्वारिग्ंशच्च) (अ. 1)
    rū̠paṃ yadiṣṭa̍kā̠ rātri̍yai̠ purī̍ṣa̠miṣṭa̍kā upadhā̠syañChvē̠ta-maśva̍ma̠bhi mṛ̍śē̠-tpurī̍ṣamupadhā̠syan kṛ̠ṣṇama̍hōrā̠trābhyā̍mē̠vaina̍-ñchinutē hiraṇya pā̠tra-mmadhō̎ḥ pū̠rṇa-nda̍dāti madha̠vyō̍ 'sā̠nīti̍ sau̠ryā chi̠trava̠tyā-'vē̎kṣatē chi̠tramē̠va bha̍vati ma̠ddhyandi̠nē-'śva̠mava̍ ghrāpayatya̠sau vā ā̍di̠tya indra̍ ē̠ṣa pra̠jāpa̍tiḥ prājāpa̠tyō-'śva̠stamē̠va sā̠kṣādṛ̍ddhnōti ॥ 3 ॥(ē̠na̠ - mē̠tadahnō̠ - 'ṣṭācha̍tvārigṃśachcha) (a. 1)
    meaning

    The brick is of the form of night; when one intends to place the earth-filler, one should touch the white horse — that is the form of day; by placing it one builds the fire-altar with both day and night; a golden vessel full of honey is given — the honey-syllables.

  • verse 6
    त्वाम॑ग्ने वृष॒भ-ञ्चेकि॑तान॒-म्पुन॒र्युवा॑न-ञ्ज॒नय॑न्नु॒पागा᳚म् । अ॒स्थू॒रि णो॒ गार्​ह॑पत्यानि सन्तु ति॒ग्मेन॑ नो॒ ब्रह्म॑णा॒ सग्ं शि॑शाधि ॥ प॒शवो॒ वा ए॒ते यदिष्ट॑का॒श्चित्या᳚-ञ्चित्यामृष॒भमुप॑ दधाति मिथु॒नमे॒वास्य॒ त-द्य॒ज्ञे क॑रोति प्र॒जन॑नाय॒ तस्मा᳚-द्यू॒थेयू॑थ ऋष॒भः ॥ सं॒​वँ॒थ्स॒रस्य॑ प्रति॒मां-याँ-न्त्वा॑ रात्र्यु॒पास॑ते । प्र॒जाग्ं सु॒वीरा᳚-ङ्कृ॒त्वा विश्व॒मायु॒र्व्य॑श्ञवत् ॥ प्रा॒जा॒प॒त्या- [प्रा॒जा॒प॒त्याम्, ए॒तामुप॑] 4
    tvāma̍gnē vṛṣa̠bha-ñchēki̍tāna̠-mpuna̠ryuvā̍na-ñja̠naya̍nnu̠pāgā̎m । a̠sthū̠ri ṇō̠ gār​ha̍patyāni santu ti̠gmēna̍ nō̠ brahma̍ṇā̠ sagṃ śi̍śādhi ॥ pa̠śavō̠ vā ē̠tē yadiṣṭa̍kā̠śchityā̎-ñchityāmṛṣa̠bhamupa̍ dadhāti mithu̠namē̠vāsya̠ ta-dya̠jñē ka̍rōti pra̠jana̍nāya̠ tasmā̎-dyū̠thēyū̍tha ṛṣa̠bhaḥ ॥ sa̠ṃva̠thsa̠rasya̍ prati̠māṃ yā-ntvā̍ rātryu̠pāsa̍tē । pra̠jāgṃ su̠vīrā̎-ṅkṛ̠tvā viśva̠māyu̠rvya̍śñavat ॥ prā̠jā̠pa̠tyā- [prā̠jā̠pa̠tyām, ē̠tāmupa̍] 4
    meaning

    O Agni, you the bull, the perceiving one — kindling you anew as a youth I approach you; may our household fires be without crossbeam-knots; sharpen us with keen sacred knowledge. Cattle are indeed those fire-altar bricks — one places the bull-brick.

  • verse 7
    -मे॒तामुप॑ दधाती॒यं-वाँ वैषैका᳚ष्ट॒का यदे॒वैका᳚ष्ट॒काया॒मन्न॑-ङ्क्रि॒यते॒ तदे॒वैतयाव॑ रुन्ध ए॒षा वै प्र॒जाप॑तेः काम॒दुघा॒ तयै॒व यज॑मानो॒-ऽमुष्मि॑न् ँलो॒के᳚-ऽग्नि-न्दु॑हे॒ येन॑ दे॒वा ज्योति॑षो॒र्ध्वा उ॒दाय॒न्॒ येना॑-ऽऽदि॒त्या वस॑वो॒ येन॑ रु॒द्राः । येनाङ्गि॑रसो महि॒मान॑-मान॒शुस्तेनै॑तु॒ यज॑मान-स्स्व॒स्ति ॥ सु॒व॒र्गाय॒ वा ए॒ष लो॒काय॑ [लो॒काय॑, ची॒य॒ते॒ यद॒ग्निर्येन॑] 5
    -mē̠tāmupa̍ dadhātī̠yaṃ vā vaiṣaikā̎ṣṭa̠kā yadē̠vaikā̎ṣṭa̠kāyā̠manna̍-ṅkri̠yatē̠ tadē̠vaitayāva̍ rundha ē̠ṣā vai pra̠jāpa̍tēḥ kāma̠dughā̠ tayai̠va yaja̍mānō̠-'muṣmi̍n ँlō̠kē̎-'gni-ndu̍hē̠ yēna̍ dē̠vā jyōti̍ṣō̠rdhvā u̠dāya̠n̠ yēnā̍-''di̠tyā vasa̍vō̠ yēna̍ ru̠drāḥ । yēnāṅgi̍rasō mahi̠māna̍-māna̠śustēnai̍tu̠ yaja̍māna-ssva̠sti ॥ su̠va̠rgāya̠ vā ē̠ṣa lō̠kāya̍ [lō̠kāya̍, chī̠ya̠tē̠ yada̠gniryēna̍] 5
    meaning

    One places that single brick — whatever food is prepared on the single-brick eighth-day altar, that alone is enclosed; this is indeed Prajāpati's wish-fulfilling cow — by her alone the sacrificer milks Agni in the other world, as the gods did.

  • verse 8
    चीयते॒ यद॒ग्निर्येन॑ दे॒वा ज्योति॑षो॒र्ध्वा उ॒दाय॒न्नित्युख्य॒ग्ं॒ समि॑न्ध॒ इष्ट॑का ए॒वैता उप॑ धत्ते वानस्प॒त्या-स्सु॑व॒र्गस्य॑ लो॒कस्य॒ सम॑ष्ट्यै श॒तायु॑धाय श॒तवी᳚र्याय श॒तोत॑ये ऽभिमाति॒षाहे᳚ । श॒तं-योँ नः॑ श॒रदो॒ अजी॑ता॒निन्द्रो॑ नेष॒दति॑ दुरि॒तानि॒ विश्वा᳚ ॥ ये च॒त्वारः॑ प॒थयो॑ देव॒याना॑ अन्त॒रा द्यावा॑पृथि॒वी वि॒यन्ति॑ । तेषां॒-योँ अज्या॑नि॒- मजी॑ति-मा॒वहा॒-त्तस्मै॑ नो देवाः॒ [नो देवाः, परि॑ दत्ते॒ह सर्वे᳚ ।] 6
    chīyatē̠ yada̠gniryēna̍ dē̠vā jyōti̍ṣō̠rdhvā u̠dāya̠nnityukhya̠gṃ̠ sami̍ndha̠ iṣṭa̍kā ē̠vaitā upa̍ dhattē vānaspa̠tyā-ssu̍va̠rgasya̍ lō̠kasya̠ sama̍ṣṭyai śa̠tāyu̍dhāya śa̠tavī̎ryāya śa̠tōta̍yē 'bhimāti̠ṣāhē̎ । śa̠taṃ yō na̍-śśa̠radō̠ ajī̍tā̠nindrō̍ nēṣa̠dati̍ duri̠tāni̠ viśvā̎ ॥ yē cha̠tvāra̍ḥ pa̠thayō̍ dēva̠yānā̍ anta̠rā dyāvā̍pṛthi̠vī vi̠yanti̍ । tēṣā̠ṃ yō ajyā̍ni̠- majī̍ti-mā̠vahā̠-ttasmai̍ nō dēvā̠ḥ [nō dēvāḥ, pari̍ dattē̠ha sarvē̎ ।] 6
    meaning

    When Agni is built up by which the gods went upward to the light — those are the plant bricks one places; for the completeness of the celestial world, for the hundred-weaponed, hundred-heroic, and hundred-refuge one — turn it toward the hostile ones.

  • verse 9
    परि॑ दत्ते॒ह सर्वे᳚ ॥ ग्री॒ष्मो हे॑म॒न्त उ॒त नो॑ वस॒न्त-श्श॒र-द्व॒र्॒षा-स्सु॑वि॒तन्नो॑ अस्तु । तेषा॑मृतू॒नाग्ं श॒त शा॑रदाना-न्निवा॒त ए॑षा॒मभ॑ये स्याम ॥ इ॒दु॒व॒थ्स॒राय॑ परिवथ्स॒राय॑ सं​वఁ%थ्स॒राय॑ कृणुता बृ॒हन्नमः॑ । तेषां᳚-वँ॒यग्ं सु॑म॒तौ य॒ज्ञिया॑ना॒-ञ्ज्योगजी॑ता॒ अह॑ता-स्स्याम ॥ भ॒द्रान्न॒-श्श्रेय॒-स्सम॑नैष्ट देवा॒स्त्वया॑-ऽव॒सेन॒ सम॑शीमहि त्वा । स नो॑ मयो॒ भूः पि॑तो॒ [मयो॒ भूः पि॑तो, आ वि॑शस्व॒] 7
    pari̍ dattē̠ha sarvē̎ ॥ grī̠ṣmō hē̍ma̠nta u̠ta nō̍ vasa̠nta-śśa̠ra-dva̠r̠ṣā-ssu̍vi̠tannō̍ astu । tēṣā̍mṛtū̠nāgṃ śa̠ta śā̍radānā-nnivā̠ta ē̍ṣā̠mabha̍yē syāma ॥ i̠du̠va̠thsa̠rāya̍ parivathsa̠rāya̍ saṃvaँthsa̠rāya̍ kṛṇutā bṛ̠hannama̍ḥ । tēṣā̎ṃ va̠yagṃ su̍ma̠tau ya̠jñiyā̍nā̠-ñjyōgajī̍tā̠ aha̍tā-ssyāma ॥ bha̠drānna̠-śśrēya̠-ssama̍naiṣṭa dēvā̠stvayā̍-'va̠sēna̠ sama̍śīmahi tvā । sa nō̍ mayō̠ bhūḥ pi̍tō̠ [mayō̠ bhūḥ pi̍tō, ā vi̍śasva̠] 7
    meaning

    All is given here; summer, winter, spring, autumn, the rainy season, all be welfare for us; may we be free from danger in the space of a hundred autumns of these seasons; and for the year, for the cycle-year, for the recurring year.

  • verse 10
    आ वि॑शस्व॒ श-न्तो॒काय॑ त॒नुवे᳚ स्यो॒नः ॥ अज्या॑नीरे॒ता उप॑ दधात्ये॒ता वै दे॒वता॒ अप॑राजिता॒स्ता ए॒व प्र वि॑शति॒ नैव जी॑यते ब्रह्मवा॒दिनो॑ वदन्ति॒ यद॑र्धमा॒सा मासा॑ ऋ॒तवः॑ सं​वँथ्स॒र ओष॑धीः॒ पच॒न्त्यथ॒ कस्मा॑द॒न्याभ्यो॑ दे॒वता᳚भ्य आग्रय॒ण-न्निरु॑प्यत॒ इत्ये॒ता हि त-द्दे॒वता॑ उ॒दज॑य॒न्॒ यदृ॒तुभ्यो॑ नि॒र्वपे᳚-द्दे॒वता᳚भ्य-स्स॒मद॑-न्दद्ध्यादाग्रय॒ण-न्नि॒रुप्यै॒ता आहु॑ती र्जुहोत्यर्धमा॒साने॒व मासा॑नृ॒तून्-थ्सं॑​वँथ्स॒र-म्प्री॑णाति॒ न दे॒वता᳚भ्य-स्स॒मद॑-न्दधाति भ॒द्रान्न॒-श्श्रेय॒-स्सम॑नैष्ट देवा॒ इत्या॑ह हु॒ताद्या॑य॒ यज॑मान॒स्या-ऽप॑राभावाय ॥ 8 ॥(प्र॒जा॒प॒त्यां - ँलो॒काय॑ - देवाः - पितो - दध्यादाग्रय॒णं - पञ्च॑विग्ंशतिश्च) (अ. 2)
    ā vi̍śasva̠ śa-ntō̠kāya̍ ta̠nuvē̎ syō̠naḥ ॥ ajyā̍nīrē̠tā upa̍ dadhātyē̠tā vai dē̠vatā̠ apa̍rājitā̠stā ē̠va pra vi̍śati̠ naiva jī̍yatē brahmavā̠dinō̍ vadanti̠ yada̍rdhamā̠sā māsā̍ ṛ̠tava̍-ssaṃvathsa̠ra ōṣa̍dhī̠ḥ pacha̠ntyatha̠ kasmā̍da̠nyābhyō̍ dē̠vatā̎bhya āgraya̠ṇa-nniru̍pyata̠ ityē̠tā hi ta-ddē̠vatā̍ u̠daja̍ya̠n̠ yadṛ̠tubhyō̍ ni̠rvapē̎-ddē̠vatā̎bhya-ssa̠mada̍-ndaddhyādāgraya̠ṇa-nni̠rupyai̠tā āhu̍tī rjuhōtyardhamā̠sānē̠va māsā̍nṛ̠tūn-thsa̍ṃvathsa̠ra-mprī̍ṇāti̠ na dē̠vatā̎bhya-ssa̠mada̍-ndadhāti bha̠drānna̠-śśrēya̠-ssama̍naiṣṭa dēvā̠ ityā̍ha hu̠tādyā̍ya̠ yaja̍māna̠syā-'pa̍rābhāvāya ॥ 8 ॥(pra̠jā̠pa̠tyāṃ - ँlō̠kāya̍ - dēvāḥ - pitō - dadhyādāgraya̠ṇaṃ - pañcha̍vigṃśatiścha) (a. 2)
    meaning

    Enter gently, be pleasant to our child and our body; these are the unconquered deities — entering them he is not defeated; the theologians say: for those who build the fire-altar by half-months, months, seasons, and years.

  • verse 11
    इन्द्र॑स्य॒ वज्रो॑-ऽसि॒ वार्त्र॑घ्नस्तनू॒पा नः॑ प्रतिस्प॒शः । यो नः॑ पु॒रस्ता᳚-द्दक्षिण॒तः प॒श्चा-दु॑त्तर॒तो॑-ऽघा॒युर॑भि॒दास॑त्ये॒तग्ं सो-ऽश्मा॑नमृच्छतु ॥ दे॒वा॒सु॒रा-स्सं​यँ॑त्ता आस॒-न्ते-ऽसु॑रा दि॒ग्भ्य आ-ऽबा॑धन्त॒ ता-न्दे॒वा इष्वा॑ च॒ वज्रे॑ण॒ चापा॑नुदन्त॒ य-द्व॒ज्रिणी॑रुप॒दधा॒तीष्वा॑ चै॒व त-द्वज्रे॑ण च॒ यज॑मानो॒ भ्रातृ॑व्या॒नप॑ नुदते दि॒क्षूप॑ [दि॒क्षूप॑, द॒धा॒ति॒ दे॒व॒पु॒रा] 9
    indra̍sya̠ vajrō̍-'si̠ vārtra̍ghnastanū̠pā na̍ḥ pratispa̠śaḥ । yō na̍ḥ pu̠rastā̎-ddakṣiṇa̠taḥ pa̠śchā-du̍ttara̠tō̍-'ghā̠yura̍bhi̠dāsa̍tyē̠tagṃ sō-'śmā̍namṛchChatu ॥ dē̠vā̠su̠rā-ssaṃya̍ttā āsa̠-ntē-'su̍rā di̠gbhya ā-'bā̍dhanta̠ tā-ndē̠vā iṣvā̍ cha̠ vajrē̍ṇa̠ chāpā̍nudanta̠ ya-dva̠jriṇī̍rupa̠dadhā̠tīṣvā̍ chai̠va ta-dvajrē̍ṇa cha̠ yaja̍mānō̠ bhrātṛ̍vyā̠napa̍ nudatē di̠kṣūpa̍ [di̠kṣūpa̍, da̠dhā̠ti̠ dē̠va̠pu̠rā] 9
    meaning

    You are Indra's thunderbolt, slayer of Vṛtra, our body-protector and spy; whoever threatens us from front, south, back, or north — may he strike against this stone. The gods and demons were in conflict — those body-protectors.

  • verse 12
    दधाति देवपु॒रा ए॒वैतास्त॑नू॒पानीः॒ पर्यू॑ह॒ते ऽग्ना॑विष्णू स॒जोष॑से॒मा व॑र्धन्तु वा॒गिंरः॑ । द्यु॒म्नैर्वाजे॑भि॒रा ग॑तम् ॥ ब्र॒ह्म॒वा॒दिनो॑ वदन्ति॒ यन्न दे॒वता॑यै॒ जुह्व॒त्यथ॑ कि-न्देव॒त्या॑ वसो॒र्धारेत्य॒ग्नि-र्वसु॒स्तस्यै॒षा धारा॒ विष्णु॒-र्वसु॒स्तस्यै॒षा धारा᳚ ऽऽग्नावैष्ण॒व्यर्चा वसो॒र्धारा᳚-ञ्जुहोति भाग॒धेये॑नै॒वैनौ॒ सम॑र्धय॒त्यथो॑ ए॒ता- [ए॒ताम्, ए॒वा-ऽऽहु॑ति-] 10
    dadhāti dēvapu̠rā ē̠vaitāsta̍nū̠pānī̠ḥ paryū̍ha̠tē 'gnā̍viṣṇū sa̠jōṣa̍sē̠mā va̍rdhantu vā̠giṃra̍ḥ । dyu̠mnairvājē̍bhi̠rā ga̍tam ॥ bra̠hma̠vā̠dinō̍ vadanti̠ yanna dē̠vatā̍yai̠ juhva̠tyatha̍ ki-ndēva̠tyā̍ vasō̠rdhārētya̠gni-rvasu̠stasyai̠ṣā dhārā̠ viṣṇu̠-rvasu̠stasyai̠ṣā dhārā̎ ''gnāvaiṣṇa̠vyarchā vasō̠rdhārā̎-ñjuhōti bhāga̠dhēyē̍nai̠vainau̠ sama̍rdhaya̠tyathō̍ ē̠tā- [ē̠tām, ē̠vā-''hu̍ti-] 10
    meaning

    He places them before the gods come — those body-protectors he places around; Agnī and Viṣṇu with common intent — may these speech-powers increase with brilliant prizes; the theologians say: what libation is not poured to a deity.

  • verse 13
    -मे॒वा-ऽऽहु॑ति-मा॒यत॑नवती-ङ्करोति॒ यत्का॑म एना-ञ्जु॒होति॒ तदे॒वाव॑ रुन्धे रु॒द्रो वा ए॒ष यद॒ग्निस्तस्यै॒ते त॒नुवौ॑ घो॒रा-ऽन्या शि॒वा-ऽन्या यच्छ॑तरु॒द्रीय॑-ञ्जु॒होति॒ यैवास्य॑ घो॒रा त॒नूस्ता-न्तेन॑ शमयति॒ य-द्वसो॒र्धारा᳚-ञ्जु॒होति॒ यैवास्य॑ शि॒वा त॒नूस्ता-न्तेन॑ प्रीणाति॒ यो वै वसो॒र्धारा॑यै [वसो॒र्धारा॑यै, प्र॒ति॒ष्ठां-वेँद॒] 11
    -mē̠vā-''hu̍ti-mā̠yata̍navatī-ṅkarōti̠ yatkā̍ma ēnā-ñju̠hōti̠ tadē̠vāva̍ rundhē ru̠drō vā ē̠ṣa yada̠gnistasyai̠tē ta̠nuvau̍ ghō̠rā-'nyā śi̠vā-'nyā yachCha̍taru̠drīya̍-ñju̠hōti̠ yaivāsya̍ ghō̠rā ta̠nūstā-ntēna̍ śamayati̠ ya-dvasō̠rdhārā̎-ñju̠hōti̠ yaivāsya̍ śi̠vā ta̠nūstā-ntēna̍ prīṇāti̠ yō vai vasō̠rdhārā̍yai [vasō̠rdhārā̍yai, pra̠ti̠ṣṭhāṃ vēda̠] 11
    meaning

    One makes this oblation into a dwelling-bearer, filling whatever wish one pours it for; for this is Rudra, namely Agni — he has these two forms: the fearsome one and the auspicious one; when one pours the Śatarudrīya oblation, whichever fearsome form is his.

  • verse 14
    प्रति॒ष्ठां-वेँद॒ प्रत्ये॒व ति॑ष्ठति॒ यदाज्य॑मु॒च्छिष्ये॑त॒ तस्मि॑-न्ब्रह्मौद॒न-म्प॑चे॒-त्त-म्ब्रा᳚ह्म॒णाश्च॒त्वारः॒ प्रा-ऽश्ञी॑युरे॒ष वा अ॒ग्निर्वै᳚श्वान॒रो यद्ब्रा᳚ह्म॒ण ए॒षा खलु॒ वा अ॒ग्नेः प्रि॒या त॒नूर्य-द्वै᳚श्वान॒रः प्रि॒याया॑मे॒वैना᳚-न्त॒नुवा॒-म्प्रति॑ ष्ठापयति॒ चत॑स्रो धे॒नूर्द॑द्या॒-त्ताभि॑रे॒व यज॑मानो॒-ऽमुष्मि॑न् ँलो॒के᳚-ऽग्नि-न्दु॑हे ॥ 12 ॥(उपै॒ - तां - धारा॑यै॒ - षट्च॑त्वारिग्ंशच्च) (अ. 3)
    prati̠ṣṭhāṃ vēda̠ pratyē̠va ti̍ṣṭhati̠ yadājya̍mu̠chChiṣyē̍ta̠ tasmi̍-nbrahmauda̠na-mpa̍chē̠-tta-mbrā̎hma̠ṇāścha̠tvāra̠ḥ prā-'śñī̍yurē̠ṣa vā a̠gnirvai̎śvāna̠rō yadbrā̎hma̠ṇa ē̠ṣā khalu̠ vā a̠gnēḥ pri̠yā ta̠nūrya-dvai̎śvāna̠raḥ pri̠yāyā̍mē̠vainā̎-nta̠nuvā̠-mprati̍ ṣṭhāpayati̠ chata̍srō dhē̠nūrda̍dyā̠-ttābhi̍rē̠va yaja̍mānō̠-'muṣmi̍n ँlō̠kē̎-'gni-ndu̍hē ॥ 12 ॥(upai̠ - tāṃ - dhārā̍yai̠ - ṣaṭcha̍tvārigṃśachcha) (a. 3)
    meaning

    He who knows his foundation stands firmly upon it; if the clarified butter would be shed, one should cook a brahmin-rice-gruel and four brahmins should eat — for this Agni is the universal Agni; for a brahmin this is indeed Agni's dear.

  • verse 15
    चित्ति॑-ञ्जुहोमि॒ मन॑सा घृ॒तेनेत्या॒हादा᳚भ्या॒ वै नामै॒षा-ऽऽहु॑तिर्वैश्वकर्म॒णी नैन॑-ञ्चिक्या॒न-म्भ्रातृ॑व्यो दभ्नो॒त्यथो॑ दे॒वता॑ ए॒वाव॑ रु॒न्धे ऽग्ने॒ तम॒द्येति॑ प॒ङ्क्त्या जु॑होति प॒ङ्क्त्या-ऽऽहु॑त्या यज्ञमु॒खमा र॑भते स॒प्त ते॑ अग्ने स॒मिधः॑ स॒प्तजि॒ह्वा इत्या॑ह॒ होत्रा॑ ए॒वाव॑ रुन्धे॒ ऽग्निर्दे॒वेभ्यो-ऽपा᳚क्रा-ऽम-द्भाग॒धेय॑- [-ऽपा᳚क्रा-ऽम-द्भाग॒धेय᳚म्, इ॒च्छमा॑न॒स्तस्मा॑] 13
    chitti̍-ñjuhōmi̠ mana̍sā ghṛ̠tēnētyā̠hādā̎bhyā̠ vai nāmai̠ṣā-''hu̍tirvaiśvakarma̠ṇī naina̍-ñchikyā̠na-mbhrātṛ̍vyō dabhnō̠tyathō̍ dē̠vatā̍ ē̠vāva̍ ru̠ndhē 'gnē̠ tama̠dyēti̍ pa̠ṅktyā ju̍hōti pa̠ṅktyā-''hu̍tyā yajñamu̠khamā ra̍bhatē sa̠pta tē̍ agnē sa̠midha̍-ssa̠ptaji̠hvā ityā̍ha̠ hōtrā̍ ē̠vāva̍ rundhē̠ 'gnirdē̠vēbhyō-'pā̎krā-'ma-dbhāga̠dhēya̍- [-'pā̎krā-'ma-dbhāga̠dhēya̎m, i̠chChamā̍na̠stasmā̍] 13
    meaning

    I pour into the mind with clarified butter — this oblation is indeed the Vaiśvakarman; through it an enemy cannot harm the knowing one; through it he encloses the deities; 'O Agni, consume that' — he pours with the Paṅkti meter.

  • verse 16
    -मि॒च्छमा॑न॒स्तस्मा॑ ए॒त-द्भा॑ग॒धेय॒-म्प्राय॑च्छन्ने॒तद्वा अ॒ग्नेर॑ग्निहो॒त्रमे॒तर्​हि॒ खलु॒ वा ए॒ष जा॒तो यर्​हि॒ सर्व॑श्चि॒तो जा॒तायै॒वास्मा॒ अन्न॒मपि॑ दधाति॒ स ए॑न-म्प्री॒तः प्री॑णाति॒ वसी॑या-न्भवति ब्रह्मवा॒दिनो॑ वदन्ति॒ यदे॒ष गार्​ह॑पत्यश्ची॒यते-ऽथ॒ क्वा᳚स्या-ऽऽहव॒नीय॒ इत्य॒सावा॑दि॒त्य इति॑ ब्रूयादे॒तस्मि॒न्॒ःइ सर्वा᳚भ्यो दे॒वता᳚भ्यो॒ जुह्व॑ति॒ [जुह्व॑ति, य ए॒वं-विँ॒द्वान॒ग्नि-] 14
    -mi̠chChamā̍na̠stasmā̍ ē̠ta-dbhā̍ga̠dhēya̠-mprāya̍chChannē̠tadvā a̠gnēra̍gnihō̠tramē̠tar​hi̠ khalu̠ vā ē̠ṣa jā̠tō yar​hi̠ sarva̍śchi̠tō jā̠tāyai̠vāsmā̠ anna̠mapi̍ dadhāti̠ sa ē̍na-mprī̠taḥ prī̍ṇāti̠ vasī̍yā-nbhavati brahmavā̠dinō̍ vadanti̠ yadē̠ṣa gār​ha̍patyaśchī̠yatē-'tha̠ kvā̎syā-''hava̠nīya̠ itya̠sāvā̍di̠tya iti̍ brūyādē̠tasmi̠n̠.hi sarvā̎bhyō dē̠vatā̎bhyō̠ juhva̍ti̠ [juhva̍ti, ya ē̠vaṃ vi̠dvāna̠gni-] 14
    meaning

    He who desires it, to him is given this share — this is indeed the fire-ritual of Agni; at this time he is surely born when the whole fire is built; to the newborn one itself he also gives food; he, being pleased, nourishes him.

  • verse 17
    य ए॒वं-विँ॒द्वान॒ग्नि-ञ्चि॑नु॒ते सा॒क्षादे॒व दे॒वता॑ ऋद्ध्नो॒त्यग्ने॑ यशस्वि॒न्॒ यश॑से॒ मम॑र्प॒येन्द्रा॑वती॒ मप॑चिती मि॒हा-ऽऽव॑ह । अ॒य-म्मू॒र्धा प॑रमे॒ष्ठी सु॒वर्चा᳚-स्समा॒नाना॑मुत्त॒म श्लो॑को अस्तु ॥ भ॒द्र-म्पश्य॑न्त॒ उप॑ सेदु॒रग्रे॒ तपो॑ दी॒क्षामृष॑य-स्सुव॒र्विदः॑ । ततः॑ क्ष॒त्र-म्बल॒मोज॑श्च जा॒त-न्तद॒स्मै दे॒वा अ॒भि स-न्न॑मन्तु ॥ धा॒ता वि॑धा॒ता प॑र॒मो- [प॑र॒मा, उ॒त स॒न्दृ-क्प्र॒जाप॑तिः] 15
    ya ē̠vaṃ vi̠dvāna̠gni-ñchi̍nu̠tē sā̠kṣādē̠va dē̠vatā̍ ṛddhnō̠tyagnē̍ yaśasvi̠n̠ yaśa̍sē̠ mama̍rpa̠yēndrā̍vatī̠ mapa̍chitī mi̠hā-''va̍ha । a̠ya-mmū̠rdhā pa̍ramē̠ṣṭhī su̠varchā̎-ssamā̠nānā̍mutta̠ma ślō̍kō astu ॥ bha̠dra-mpaśya̍nta̠ upa̍ sēdu̠ragrē̠ tapō̍ dī̠kṣāmṛṣa̍ya-ssuva̠rvida̍ḥ । tata̍ḥ, kṣa̠tra-mbala̠mōja̍ścha jā̠ta-ntada̠smai dē̠vā a̠bhi sa-nna̍mantu ॥ dhā̠tā vi̍dhā̠tā pa̍ra̠mō- [pa̍ra̠mā, u̠ta sa̠ndṛ-kpra̠jāpa̍tiḥ] 15
    meaning

    He who builds Agni thus knowing — he succeeds with the deity directly; O Agni the glorious, assign my glory to me; bring down the mist of Indrāvatī-worship; this is the head, the supreme ruler, brilliance-endowed, the highest glory among peers.

  • verse 18
    -त स॒न्दृ-क्प्र॒जाप॑तिः परमे॒ष्ठी वि॒राजा᳚ । स्तोमा॒-श्छन्दाग्ं॑सि नि॒विदो॑ म आहुरे॒तस्मै॑ रा॒ष्ट्रम॒भि स-न्न॑माम ॥ अ॒भ्याव॑र्तद्ध्व॒मुप॒ मेत॑ सा॒कम॒यग्ं शा॒स्ता-ऽधि॑पतिर्वो अस्तु । अ॒स्य वि॒ज्ञान॒मनु॒ सग्ं र॑भद्ध्वमि॒म-म्प॒श्चादनु॑ जीवाथ॒ सर्वे᳚ ॥ रा॒ष्ट्र॒भृत॑ ए॒ता उप॑ दधात्ये॒षा वा अ॒ग्नेश्चिती॑ राष्ट्र॒भृ-त्तयै॒वास्मि॑-न्रा॒ष्ट्र-न्द॑धाति रा॒ष्ट्रमे॒व भ॑वति॒ नास्मा᳚-द्रा॒ष्ट्र-म्भ्रग्ं॑शते ॥ 16 ॥(भा॒ग॒धेयं॒ - जुह्व॑ति - पर॒मा - रा॒ष्ट्र-न्द॑धाति - स॒प्त च॑) (अ. 4)
    -ta sa̠ndṛ-kpra̠jāpa̍tiḥ paramē̠ṣṭhī vi̠rājā̎ । stōmā̠-śChandāgṃ̍si ni̠vidō̍ ma āhurē̠tasmai̍ rā̠ṣṭrama̠bhi sa-nna̍māma ॥ a̠bhyāva̍rtaddhva̠mupa̠ mēta̍ sā̠kama̠yagṃ śā̠stā-'dhi̍patirvō astu । a̠sya vi̠jñāna̠manu̠ sagṃ ra̍bhaddhvami̠ma-mpa̠śchādanu̍ jīvātha̠ sarvē̎ ॥ rā̠ṣṭra̠bhṛta̍ ē̠tā upa̍ dadhātyē̠ṣā vā a̠gnēśchitī̍ rāṣṭra̠bhṛ-ttayai̠vāsmi̍-nrā̠ṣṭra-nda̍dhāti rā̠ṣṭramē̠va bha̍vati̠ nāsmā̎-drā̠ṣṭra-mbhragṃ̍śatē ॥ 16 ॥(bhā̠ga̠dhēya̠ṃ - juhva̍ti - para̠mā - rā̠ṣṭra-nda̍dhāti - sa̠pta cha̍) (a. 4)
    meaning

    The visible Prajāpati, the supreme ruler, the sovereign one; the hymns, the meters, and the nīvids proclaim me — I bow to that sovereign state. Come together, approach me, let this ruler-lord be yours; his strength.

  • verse 19
    यथा॒ वै पु॒त्रो जा॒तो म्रि॒यत॑ ए॒वं-वाँ ए॒ष म्रि॑यते॒ यस्या॒ग्निरुख्य॑ उ॒द्वाय॑ति॒ यन्नि॑र्म॒न्थ्य॑-ङ्कु॒र्या-द्विच्छि॑न्द्या॒-द्भ्रातृ॑व्यमस्मै जनये॒-थ्स ए॒व पुनः॑ प॒रीद्ध्य॒-स्स्वादे॒वैनं॒-योँने᳚र्जनयति॒ नास्मै॒ भ्रातृ॑व्य-ञ्जनयति॒ तमो॒ वा ए॒त-ङ्गृ॑ह्णाति॒ यस्या॒ग्निरुख्य॑ उ॒द्वाय॑ति मृ॒त्युस्तमः॑ कृ॒ष्णं-वाँसः॑ कृ॒ष्णा धे॒नुर्दक्षि॑णा॒ तम॑सै॒- [तम॑सा, ए॒व तमो॑] 17
    yathā̠ vai pu̠trō jā̠tō mri̠yata̍ ē̠vaṃ vā ē̠ṣa mri̍yatē̠ yasyā̠gnirukhya̍ u̠dvāya̍ti̠ yanni̍rma̠nthya̍-ṅku̠ryā-dvichChi̍ndyā̠-dbhrātṛ̍vyamasmai janayē̠-thsa ē̠va puna̍ḥ pa̠rīddhya̠-ssvādē̠vaina̠ṃ yōnē̎rjanayati̠ nāsmai̠ bhrātṛ̍vya-ñjanayati̠ tamō̠ vā ē̠ta-ṅgṛ̍hṇāti̠ yasyā̠gnirukhya̍ u̠dvāya̍ti mṛ̠tyustama̍ḥ kṛ̠ṣṇaṃ vāsa̍ḥ kṛ̠ṣṇā dhē̠nurdakṣi̍ṇā̠ tama̍sai̠- [tama̍sā, ē̠va tamō̍] 17
    meaning

    As a son born dies — so indeed he dies whose fire-altar's ukhya blaze rises up; if one makes it by friction one would split the hostile one from him; having rekindled it again — by that very womb.

  • verse 20
    -व तमो॑ मृ॒त्युमप॑ हते॒ हिर॑ण्य-न्ददाति॒ ज्योति॒र्वै हिर॑ण्य॒-ञ्ज्योति॑षै॒व तमो-ऽप॑ ह॒ते-ऽथो॒ तेजो॒ वै हिर॑ण्य॒-न्तेज॑ ए॒वा-ऽऽत्म-न्ध॑त्ते॒ सुव॒र्न घ॒र्म-स्स्वाहा॒ सुव॒र्ना-ऽर्क-स्स्वाहा॒ सुव॒र्न शु॒क्र-स्स्वाहा॒ सुव॒र्न ज्योति॒-स्स्वाहा॒ सुव॒र्न सूर्य॒-स्स्वाहा॒ ऽर्को वा ए॒ष यद॒ग्नि-र॒सा-वा॑दि॒त्यो᳚- [यद॒ग्नि-र॒सा-वा॑दि॒त्यः, आ॒श्व॒मे॒धो यदे॒ता] 18
    -va tamō̍ mṛ̠tyumapa̍ hatē̠ hira̍ṇya-ndadāti̠ jyōti̠rvai hira̍ṇya̠-ñjyōti̍ṣai̠va tamō-'pa̍ ha̠tē-'thō̠ tējō̠ vai hira̍ṇya̠-ntēja̍ ē̠vā-''tma-ndha̍ttē̠ suva̠rna gha̠rma-ssvāhā̠ suva̠rnā-'rka-ssvāhā̠ suva̠rna śu̠kra-ssvāhā̠ suva̠rna jyōti̠-ssvāhā̠ suva̠rna sūrya̠-ssvāhā̠ 'rkō vā ē̠ṣa yada̠gni-ra̠sā-vā̍di̠tyō̎- [yada̠gni-ra̠sā-vā̍di̠tyaḥ, ā̠śva̠mē̠dhō yadē̠tā] 18
    meaning

    Darkness and death are driven away; he gives gold — light is indeed gold; by light itself darkness is driven away; furthermore splendor is indeed gold; splendor alone is placed in the Self; golden Gharma — svāhā; golden Arka — svāhā.

  • verse 21
    -ऽश्वमे॒धो यदे॒ता आहु॑ती र्जु॒होत्य॑र्का-श्वमे॒धयो॑रे॒व ज्योतीग्ं॑षि॒ स-न्द॑धात्ये॒ष ह॒ त्वा अ॑र्काश्वमे॒धी यस्यै॒तद॒ग्नौ क्रि॒यत॒ आपो॒ वा इ॒दमग्रे॑ सलि॒लमा॑सी॒-थ्स ए॒ता-म्प्र॒जाप॑तिः प्रथ॒मा-ञ्चिति॑मपश्य॒-त्तामुपा॑धत्त॒ तदि॒यम॑भव॒-त्तं-विँ॒श्वक॑र्मा-ऽब्रवी॒दुप॒ त्वा-ऽऽया॒नीति॒ नेह लो॒को᳚-ऽस्तीत्य॑- [लो॒को᳚-ऽस्तीति॑, अ॒ब्र॒वी॒-थ्स] 19
    -'śvamē̠dhō yadē̠tā āhu̍tī rju̠hōtya̍rkā-śvamē̠dhayō̍rē̠va jyōtīgṃ̍ṣi̠ sa-nda̍dhātyē̠ṣa ha̠ tvā a̍rkāśvamē̠dhī yasyai̠tada̠gnau kri̠yata̠ āpō̠ vā i̠damagrē̍ sali̠lamā̍sī̠-thsa ē̠tā-mpra̠jāpa̍tiḥ pratha̠mā-ñchiti̍mapaśya̠-ttāmupā̍dhatta̠ tadi̠yama̍bhava̠-ttaṃ vi̠śvaka̍rmā-'bravī̠dupa̠ tvā-''yā̠nīti̠ nēha lō̠kō̎-'stītya̍- [lō̠kō̎-'stīti̍, a̠bra̠vī̠-thsa] 19
    meaning

    The horse-sacrifice — when one pours those two oblations, the lights of Arka and the horse-sacrifice are joined; this is indeed the Arka-horse-sacrifice of the one in whose fire this is done; water was all this in the beginning — Prajāpati first.

  • verse 22
    -त्यब्रवी॒-थ्स ए॒ता-न्द्वि॒तीया॒-ञ्चिति॑मपश्य॒-त्तामुपा॑धत्त॒ तद॒न्तरि॑क्षमभव॒-थ्स य॒ज्ञः प्र॒जाप॑तिमब्रवी॒दुप॒ त्वा-ऽऽया॒नीति॒ नेह लो॒को᳚-ऽस्तीत्य॑ब्रवी॒-थ्स वि॒श्वक॑र्माण-मब्रवी॒दुप॒ त्वा-ऽऽया॒नीति॒ केन॑ मो॒पैष्य॒सीति॒ दिश्या॑भि॒रित्य॑ब्रवी॒-त्त-न्दिश्या॑भिरु॒पै-त्ता उपा॑धत्त॒ ता दिशो॑- [ता दिशः॑, अ॒भ॒व॒न्-थ्स] 20
    -tyabravī̠-thsa ē̠tā-ndvi̠tīyā̠-ñchiti̍mapaśya̠-ttāmupā̍dhatta̠ tada̠ntari̍kṣamabhava̠-thsa ya̠jñaḥ pra̠jāpa̍timabravī̠dupa̠ tvā-''yā̠nīti̠ nēha lō̠kō̎-'stītya̍bravī̠-thsa vi̠śvaka̍rmāṇa-mabravī̠dupa̠ tvā-''yā̠nīti̠ kēna̍ mō̠paiṣya̠sīti̠ diśyā̍bhi̠ritya̍bravī̠-tta-ndiśyā̍bhiru̠pai-ttā upā̍dhatta̠ tā diśō̍- [tā diśa̍ḥ, a̠bha̠va̠n-thsa] 20
    meaning

    He said 'not so'; he saw the second layer and placed it — then the midspace came to be; then the sacrifice said to Prajāpati 'come up to me'; he said 'there is no world here'; he said to Viśvakarman 'come up.'

  • verse 23
    -ऽभव॒न्-थ्स प॑रमे॒ष्ठी प्र॒जाप॑तिमब्रवी॒दुप॒ त्वा-ऽऽया॒नीति॒ नेह लो॒को᳚-ऽस्तीत्य॑ब्रवी॒-थ्स वि॒श्वक॑र्माण-ञ्च य॒ज्ञ-ञ्चा᳚ब्रवी॒दुप॑ वा॒मा ऽया॒नीति॒ नेह लो॒को᳚-ऽस्तीत्य॑ब्रूता॒ग्ं॒ स ए॒ता-न्तृ॒तीया॒-ञ्चिति॑मपश्य॒-त्तामुपा॑धत्त॒ तद॒साव॑भव॒-थ्स आ॑दि॒त्यः प्र॒जाप॑ति-मब्रवी॒दुप॒ त्वा- [-मब्रवी॒दुप॒ त्वा, आया॒नीति॒] 21
    -'bhava̠n-thsa pa̍ramē̠ṣṭhī pra̠jāpa̍timabravī̠dupa̠ tvā-''yā̠nīti̠ nēha lō̠kō̎-'stītya̍bravī̠-thsa vi̠śvaka̍rmāṇa-ñcha ya̠jña-ñchā̎bravī̠dupa̍ vā̠mā 'yā̠nīti̠ nēha lō̠kō̎-'stītya̍brūtā̠gṃ̠ sa ē̠tā-ntṛ̠tīyā̠-ñchiti̍mapaśya̠-ttāmupā̍dhatta̠ tada̠sāva̍bhava̠-thsa ā̍di̠tyaḥ pra̠jāpa̍ti-mabravī̠dupa̠ tvā- [-mabravī̠dupa̠ tvā, āyā̠nīti̠] 21
    meaning

    Then the supreme ruler said to Prajāpati 'come up to me' — he said 'there is no world here'; then he said to Viśvakarman and the sacrifice 'come up to us' — they both said 'there is no world here'; then he said to the supreme ruler 'come up to me' — by what.

  • verse 24
    -ऽऽया॒नीति॒ नेह लो॒को᳚-ऽस्तीत्य॑ब्रवी॒-थ्स वि॒श्वक॑र्माण-ञ्च य॒ज्ञ-ञ्चा᳚ब्रवी॒दुप॑ वा॒मा-ऽया॒नीति॒ नेह लो॒को᳚-ऽस्तीत्य॑ब्रूता॒ग्ं॒ स प॑रमे॒ष्ठिन॑मब्रवी॒दुप॒ त्वा-ऽऽया॒नीति॒ केन॑ मो॒पैष्य॒सीति॑ लोक-म्पृ॒णयेत्य॑ब्रवी॒-त्तं-लोँ॑क-म्पृ॒णयो॒पै-त्तस्मा॒दया॑तयाम्नी लोक-म्पृ॒णा-ऽया॑तयामा॒ ह्य॑सा- [ह्य॑सौ, आ॒दि॒त्यस्तानृष॑यो] 22
    -''yā̠nīti̠ nēha lō̠kō̎-'stītya̍bravī̠-thsa vi̠śvaka̍rmāṇa-ñcha ya̠jña-ñchā̎bravī̠dupa̍ vā̠mā-'yā̠nīti̠ nēha lō̠kō̎-'stītya̍brūtā̠gṃ̠ sa pa̍ramē̠ṣṭhina̍mabravī̠dupa̠ tvā-''yā̠nīti̠ kēna̍ mō̠paiṣya̠sīti̍ lōka-mpṛ̠ṇayētya̍bravī̠-ttaṃ lō̍ka-mpṛ̠ṇayō̠pai-ttasmā̠dayā̍tayāmnī lōka-mpṛ̠ṇā-'yā̍tayāmā̠ hya̍sā- [hya̍sau, ā̠di̠tyastānṛṣa̍yō] 22
    meaning

    He said 'come up to me'; he said 'there is no world here'; then he said to Viśvakarman and the sacrifice 'come up to us' — they both said 'there is no world here'; then he said to the supreme ruler 'come up to me' — by what shall I come up to you?

  • verse 25
    -वा॑दि॒त्यस्तानृष॑यो ऽब्रुव॒न्नुप॑ व॒ आ-ऽया॒मेति॒ केन॑ न उ॒पैष्य॒थेति॑ भू॒म्नेत्य॑ब्रुव॒-न्ता-न्द्वाभ्या॒-ञ्चिती᳚भ्यामु॒पाय॒न्-थ्स पञ्च॑चितीक॒-स्सम॑पद्यत॒ य ए॒वं-विँ॒द्वान॒ग्नि-ञ्चि॑नु॒ते भूया॑ने॒व भ॑वत्य॒भीमान् ँलो॒काञ्ज॑यति वि॒दुरे॑न-न्दे॒वा अथो॑ ए॒तासा॑मे॒व दे॒वता॑ना॒ग्ं॒ सायु॑ज्य-ङ्गच्छति ॥ 23 ॥(तम॑सा - ऽऽदि॒त्यो᳚ - ऽस्तीति॒ - दिश॑ - आदि॒त्यः प्र॒जाप॑तिमब्रवी॒दुप॑ त्वा॒ - ऽसौ - पञ्च॑चत्वारिग्ंशच्च) (अ. 5)
    -vā̍di̠tyastānṛṣa̍yō 'bruva̠nnupa̍ va̠ ā-'yā̠mēti̠ kēna̍ na u̠paiṣya̠thēti̍ bhū̠mnētya̍bruva̠-ntā-ndvābhyā̠-ñchitī̎bhyāmu̠pāya̠n-thsa pañcha̍chitīka̠-ssama̍padyata̠ ya ē̠vaṃ vi̠dvāna̠gni-ñchi̍nu̠tē bhūyā̍nē̠va bha̍vatya̠bhīmān ँlō̠kāñja̍yati vi̠durē̍na-ndē̠vā athō̍ ē̠tāsā̍mē̠va dē̠vatā̍nā̠gṃ̠ sāyu̍jya-ṅgachChati ॥ 23 ॥(tama̍sā - ''di̠tyō̎ - 'stīti̠ - diśa̍ - ādi̠tyaḥ pra̠jāpa̍timabravī̠dupa̍ tvā̠ - 'sau - pañcha̍chatvārigṃśachcha) (a. 5)
    meaning

    The seers said to the sun 'come up to us'; they asked 'by what shall we come up to you?' — 'by the abundance' they said; they approached with two fire-altar layers; he became the five-layered fire-altar; one who builds Agni thus knowing.

  • verse 26
    वयो॒ वा अ॒ग्निर्यद॑ग्नि॒चि-त्प॒क्षिणो᳚-ऽश्ञी॒या-त्तमे॒वाग्निम॑द्या॒दा-र्ति॒मार्च्छे᳚-थ्सं​वँथ्स॒रं-व्रँ॒त-ञ्च॑रे-थ्सं​वँथ्स॒रग्ं हि व्र॒त-न्नाति॑ प॒शुर्वा ए॒ष यद॒ग्निर्​हि॒नस्ति॒ खलु॒ वै त-म्प॒शुर्य ए॑न-म्पु॒रस्ता᳚-त्प्र॒त्यञ्च॑मुप॒चर॑ति॒ तस्मा᳚-त्प॒श्चा-त्प्रांउ॑प॒चर्य॑ आ॒त्मनो-ऽहिग्ं॑सायै॒ तेजो॑-ऽसि॒ तेजो॑ मे यच्छ पृथि॒वीं-यँ॑च्छ [पृथि॒वीं-यँ॑च्छ, पृ॒थि॒व्यै मा॑ पाहि॒] 24
    vayō̠ vā a̠gniryada̍gni̠chi-tpa̠kṣiṇō̎-'śñī̠yā-ttamē̠vāgnima̍dyā̠dā-rti̠mārchChē̎-thsaṃvathsa̠raṃ vra̠ta-ñcha̍rē-thsaṃvathsa̠ragṃ hi vra̠ta-nnāti̍ pa̠śurvā ē̠ṣa yada̠gnir​hi̠nasti̠ khalu̠ vai ta-mpa̠śurya ē̍na-mpu̠rastā̎-tpra̠tyañcha̍mupa̠chara̍ti̠ tasmā̎-tpa̠śchā-tprāṃu̍pa̠charya̍ ā̠tmanō-'higṃ̍sāyai̠ tējō̍-'si̠ tējō̍ mē yachCha pṛthi̠vīṃ ya̍chCha [pṛthi̠vīṃ ya̍chCha, pṛ̠thi̠vyai mā̍ pāhi̠] 24
    meaning

    The fire is a bird indeed — one who has built the fire-altar should not eat birds lest he come to harm; he should observe the vow for a year, for a year is the vow; the fire is the cattle — it surely injures him.

  • verse 27
    पृथि॒व्यै मा॑ पाहि॒ ज्योति॑रसि॒ ज्योति॑र्मे यच्छा॒न्तरि॑क्षं-यँच्छा॒न्तरि॑क्षान्मा पाहि॒ सुव॑रसि॒ सुव॑र्मे यच्छ॒ दिवं॑-यँच्छ दि॒वो मा॑ पा॒हीत्या॑है॒ताभि॒र्वा इ॒मे लो॒का विधृ॑ता॒ यदे॒ता उ॑प॒दधा᳚त्ये॒षां-लोँ॒कानां॒-विँधृ॑त्यै स्वयमातृ॒ण्णा उ॑प॒धाय॑ हिरण्येष्ट॒का उप॑दधाती॒मे वै लो॒का-स्स्व॑यमातृ॒ण्णा ज्योति॒र्॒हिर॑ण्यं॒-यँ-थ्स्व॑यमातृ॒ण्णा उ॑प॒धाय॑ [उ॑प॒धाय॑, हि॒र॒ण्ये॒ष्ट॒का उ॑प॒दधा॑ती॒-] 25
    pṛthi̠vyai mā̍ pāhi̠ jyōti̍rasi̠ jyōti̍rmē yachChā̠ntari̍kṣaṃ yachChā̠ntari̍kṣānmā pāhi̠ suva̍rasi̠ suva̍rmē yachCha̠ diva̍ṃ yachCha di̠vō mā̍ pā̠hītyā̍hai̠tābhi̠rvā i̠mē lō̠kā vidhṛ̍tā̠ yadē̠tā u̍pa̠dadhā̎tyē̠ṣāṃ lō̠kānā̠ṃ vidhṛ̍tyai svayamātṛ̠ṇṇā u̍pa̠dhāya̍ hiraṇyēṣṭa̠kā upa̍dadhātī̠mē vai lō̠kā-ssva̍yamātṛ̠ṇṇā jyōti̠r̠hira̍ṇya̠ṃ ya-thsva̍yamātṛ̠ṇṇā u̍pa̠dhāya̍ [u̍pa̠dhāya̍, hi̠ra̠ṇyē̠ṣṭa̠kā u̍pa̠dadhā̍tī̠-] 25
    meaning

    Protect me from the earth; you are light, grant me light; protect me from the midspace; you are the celestial realm, grant me the celestial realm; protect me from heaven — by these is the world supported; when one places these.

  • verse 28
    हिरण्येष्ट॒का उ॑प॒दधा॑ती॒मा-ने॒वैताभि॑-र्लो॒का-ञ्ज्योति॑ष्मतः कुरु॒ते-ऽथो॑ ए॒ताभि॑रे॒वास्मा॑ इ॒मे लो॒काः प्र भा᳚न्ति॒ यास्ते॑ अग्ने॒ सूर्ये॒ रुच॑ उद्य॒तो दिव॑मात॒न्वन्ति॑ र॒श्मिभिः॑ । ताभि॒-स्सर्वा॑भी रु॒चे जना॑य नस्कृधि ॥ या वो॑ देवा॒-स्सूर्ये॒ रुचो॒ गोष्वश्वे॑षु॒ या रुचः॑ । इन्द्रा᳚ग्नी॒ ताभि॒-स्सर्वा॑भी॒ रुच॑-न्नो धत्त बृहस्पते ॥ रुच॑न्नो धेहि [धेहि, ब्रा॒ह्म॒णेषु॒ रुच॒ग्ं॒] 26
    hiraṇyēṣṭa̠kā u̍pa̠dadhā̍tī̠mā-nē̠vaitābhi̍-rlō̠kā-ñjyōti̍ṣmataḥ kuru̠tē-'thō̍ ē̠tābhi̍rē̠vāsmā̍ i̠mē lō̠kāḥ pra bhā̎mti̠ yāstē̍ agnē̠ sūryē̠ rucha̍ udya̠tō diva̍māta̠nvanti̍ ra̠śmibhi̍ḥ । tābhi̠-ssarvā̍bhī ru̠chē janā̍ya naskṛdhi ॥ yā vō̍ dēvā̠-ssūryē̠ ruchō̠ gōṣvaśvē̍ṣu̠ yā rucha̍ḥ । indrā̎gnī̠ tābhi̠-ssarvā̍bhī̠ rucha̍-nnō dhatta bṛhaspatē ॥ rucha̍nnō dhēhi [dhēhi, brā̠hma̠ṇēṣu̠ rucha̠gṃ̠] 26
    meaning

    He places the golden bricks — by these he makes the worlds luminous; furthermore by these the worlds shine for him; those rays of yours, O Agni, which rising in the sun extend through the sky with beams — by those.

  • verse 29
    ब्राह्म॒णेषु॒ रुच॒ग्ं॒ राज॑सु नस्कृधि । रुचं॑-विँ॒श्ये॑षु शू॒द्रेषु॒ मयि॑ धेहि रु॒चा रुच᳚म् ॥ द्वे॒धा वा अ॒ग्नि-ञ्चि॑क्या॒नस्य॒ यश॑ इन्द्रि॒य-ङ्ग॑च्छत्य॒ग्निं-वाँ॑ चि॒तमी॑जा॒नं-वाँ॒ यदे॒ता आहु॑तीर्जु॒होत्या॒त्मन्ने॒व यश॑ इन्द्रि॒य-न्ध॑त्त ईश्व॒रो वा ए॒ष आर्ति॒मार्तो॒र्यो᳚-ऽग्नि-ञ्चि॒न्वन्न॑धि॒ क्राम॑ति॒ तत्त्वा॑ यामि॒ ब्रह्म॑णा॒ वन्द॑मान॒ इति॑ वारु॒ण्यर्चा [इति॑ वारु॒ण्यर्चा, जु॒हु॒या॒च्छान्ति॑-] 27
    brāhma̠ṇēṣu̠ rucha̠gṃ̠ rāja̍su naskṛdhi । rucha̍ṃ vi̠śyē̍ṣu śū̠drēṣu̠ mayi̍ dhēhi ru̠chā rucha̎m ॥ dvē̠dhā vā a̠gni-ñchi̍kyā̠nasya̠ yaśa̍ indri̠ya-ṅga̍chChatya̠gniṃ vā̍ chi̠tamī̍jā̠naṃ vā̠ yadē̠tā āhu̍tīrju̠hōtyā̠tmannē̠va yaśa̍ indri̠ya-ndha̍tta īśva̠rō vā ē̠ṣa ārti̠mārtō̠ryō̎-'gni-ñchi̠nvanna̍dhi̠ krāma̍ti̠ tattvā̍ yāmi̠ brahma̍ṇā̠ vanda̍māna̠ iti̍ vāru̠ṇyarchā [iti̍ vāru̠ṇyarchā, ju̠hu̠yā̠chChānti̍-] 27
    meaning

    Grant light among brahmins and among kings; place light among the people, among the śūdras, place light in me along with light. One who builds Agni in two ways loses his glory — the fire he has built, or the sacrificer — those libations.

  • verse 30
    जु॑हुया॒च्छान्ति॑-रे॒वैषा ऽग्नेर्गुप्ति॑रा॒त्मनो॑ ह॒विष्कृ॑तो॒ वा ए॒ष यो᳚-ऽग्नि-ञ्चि॑नु॒ते यथा॒ वै ह॒वि-स्स्कन्द॑त्ये॒वं-वाँ ए॒ष स्क॑न्दति॒ यो᳚-ऽग्नि-ञ्चि॒त्वा स्त्रिय॑मु॒पैति॑ मैत्रावरु॒ण्या-ऽऽमिक्ष॑या यजेत मैत्रावरु॒णता॑-मे॒वोपै᳚त्या॒त्मनो ऽस्क॑न्दाय॒ यो वा अ॒ग्निमृ॑तु॒स्थां-वेँद॒र्तुर्-ऋ॑तुरस्मै॒ कल्प॑मान एति॒ प्रत्ये॒व ति॑ष्ठति सं​वँथ्स॒रो वा अ॒ग्निर्- [वा अ॒ग्निः, ऋ॒तु॒स्था-स्तस्य॑] 28
    ju̍huyā̠chChānti̍-rē̠vaiṣā 'gnērgupti̍rā̠tmanō̍ ha̠viṣkṛ̍tō̠ vā ē̠ṣa yō̎-'gni-ñchi̍nu̠tē yathā̠ vai ha̠vi-sskanda̍tyē̠vaṃ vā ē̠ṣa ska̍ndati̠ yō̎-'gni-ñchi̠tvā striya̍mu̠paiti̍ maitrāvaru̠ṇyā-''mikṣa̍yā yajēta maitrāvaru̠ṇatā̍-mē̠vōpai̎tyā̠tmanō 'ska̍ndāya̠ yō vā a̠gnimṛ̍tu̠sthāṃ vēda̠rtur-ṛ̍turasmai̠ kalpa̍māna ēti̠ pratyē̠va ti̍ṣṭhati saṃvathsa̠rō vā a̠gnir- [vā a̠gniḥ, ṛ̠tu̠sthā-stasya̍] 28
    meaning

    He should pour as a peaceful protection of Agni, protection of the self; he who builds Agni is made a fit oblation; as the oblation falls away, so does he fall away — one who, having built Agni, approaches a woman — with the Maitrāvaruṇī mixed milk.

  • verse 31
    -ऋ॑तु॒स्था-स्तस्य॑ वस॒न्त-श्शिरो᳚ ग्री॒ष्मो दक्षि॑णः प॒क्षो व॒र्॒षाः पुच्छग्ं॑ श॒रदुत्त॑रः प॒क्षो हे॑म॒न्तो मद्ध्य॑-म्पूर्वप॒क्षा-श्चित॑यो-ऽपरप॒क्षाः पुरी॑ष-महोरा॒त्राणीष्ट॑का ए॒ष वा अ॒ग्निर्-ऋ॑तु॒स्था य ए॒वं-वेँद॒र्तुर्-ऋ॑तुरस्मै॒ कल्प॑मान एति॒ प्रत्ये॒व ति॑ष्ठति प्र॒जाप॑ति॒र्वा ए॒त-ञ्ज्यैष्ठ्य॑कामो॒ न्य॑धत्त॒ ततो॒ वै स ज्यैष्ठ्य॑मगच्छ॒द्य ए॒वं-विँ॒द्वान॒ग्नि-ञ्चि॑नु॒ते ज्यैष्ठ्य॑मे॒व ग॑च्छति ॥ 29 ॥(पृ॒थि॒वीं-यँ॑च्छ॒ - य-थ्स्व॑यमातृ॒ण्णा उ॑प॒धाय॑ - धेह्यृ॒ - चा - ग्नि - श्चि॑नु॒ते - त्रीणि॑ च) (अ. 6)
    -ṛ̍tu̠sthā-stasya̍ vasa̠nta-śśirō̎ grī̠ṣmō dakṣi̍ṇaḥ pa̠kṣō va̠r̠ṣāḥ puchChagṃ̍ śa̠radutta̍raḥ pa̠kṣō hē̍ma̠ntō maddhya̍-mpūrvapa̠kṣā-śchita̍yō-'parapa̠kṣāḥ purī̍ṣa-mahōrā̠trāṇīṣṭa̍kā ē̠ṣa vā a̠gnir-ṛ̍tu̠sthā ya ē̠vaṃ vēda̠rtur-ṛ̍turasmai̠ kalpa̍māna ēti̠ pratyē̠va ti̍ṣṭhati pra̠jāpa̍ti̠rvā ē̠ta-ñjyaiṣṭhya̍kāmō̠ nya̍dhatta̠ tatō̠ vai sa jyaiṣṭhya̍magachCha̠dya ē̠vaṃ vi̠dvāna̠gni-ñchi̍nu̠tē jyaiṣṭhya̍mē̠va ga̍chChati ॥ 29 ॥(pṛ̠thi̠vīṃ ya̍chCha̠ - ya-thsva̍yamātṛ̠ṇṇā u̍pa̠dhāya̍ - dhēhyṛ̠ - chā - gni - śchi̍nu̠tē - trīṇi̍ cha) (a. 6)
    meaning

    Placed in the seasons — spring is his head, summer the right wing, the rains the tail, autumn the left wing, winter the middle; the first fortnights are the layers, the latter fortnights the earth-filler, the day-nights the bricks; this fire is the season-bird.

  • verse 32
    यदाकू॑ता-थ्स॒मसु॑स्रोद्धृ॒दो वा॒ मन॑सो वा॒ सम्भृ॑त॒-ञ्चक्षु॑षो वा । तमनु॒ प्रेहि॑ सुकृ॒तस्य॑ लो॒कं-यँत्रर्​ष॑यः प्रथम॒जा ये पु॑रा॒णाः ॥ ए॒तग्ं स॑धस्थ॒ परि॑ ते ददामि॒ यमा॒वहा᳚च्छेव॒धि-ञ्जा॒तवे॑दाः । अ॒न्वा॒ग॒न्ता य॒ज्ञप॑तिर्वो॒ अत्र॒ तग्ग्​ स्म॑ जानीत पर॒मे व्यो॑मन्न् ॥ जा॒नी॒तादे॑न-म्पर॒मे व्यो॑म॒-न्देवा᳚-स्सधस्था वि॒द रू॒पम॑स्य । यदा॒गच्छा᳚- [यदा॒गच्छा᳚त्, प॒थिभि॑-र्देव॒यानै॑] 30
    yadākū̍tā-thsa̠masu̍srōddhṛ̠dō vā̠ mana̍sō vā̠ sambhṛ̍ta̠-ñchakṣu̍ṣō vā । tamanu̠ prēhi̍ sukṛ̠tasya̍ lō̠kaṃ yatrar​ṣa̍yaḥ prathama̠jā yē pu̍rā̠ṇāḥ ॥ ē̠tagṃ sa̍dhastha̠ pari̍ tē dadāmi̠ yamā̠vahā̎chChēva̠dhi-ñjā̠tavē̍dāḥ । a̠nvā̠ga̠ntā ya̠jñapa̍tirvō̠ atra̠ tagg​ sma̍ jānīta para̠mē vyō̍mann ॥ jā̠nī̠tādē̍na-mpara̠mē vyō̍ma̠-ndēvā̎-ssadhasthā vi̠da rū̠pama̍sya । yadā̠gachChā̎- [yadā̠gachChā̎t, pa̠thibhi̍-rdēva̠yānai̍] 30
    meaning

    Whatever was intended in thought, heart, or mind, or gathered in sight — follow him to the world of the good, where the first-born seers are, the ancient ones. I surround this assembly-place of yours — from which Yama leads.

  • verse 33
    -त्प॒थिभि॑-र्देव॒यानै॑-रिष्टापू॒र्ते कृ॑णुता-दा॒वि-र॑स्मै ॥ स-म्प्र च्य॑वद्ध्व॒-मनु॒ स-म्प्र या॒ताग्ने॑ प॒थो दे॑व॒याना᳚न् कृणुद्ध्वम् । अ॒स्मिन्-थ्स॒धस्थे॒ अद्ध्युत्त॑रस्मि॒न् विश्वे॑ देवा॒ यज॑मानश्च सीदत ॥ प्र॒स्त॒रेण॑ परि॒धिना᳚ स्रु॒चा वेद्या॑ च ब॒र्॒हिषा᳚ । ऋ॒चेमं-यँ॒ज्ञ-न्नो॑ वह॒ सुव॑र्दे॒वेषु॒ गन्त॑वे ॥ यदि॒ष्टं-यँ-त्प॑रा॒दानं॒-यँद्द॒त्तं-याँ च॒ दक्षि॑णा । त- [तत्, अ॒ग्नि-] 31
    -tpa̠thibhi̍-rdēva̠yānai̍-riṣṭāpū̠rtē kṛ̍ṇutā-dā̠vi-ra̍smai ॥ sa-mpra chya̍vaddhva̠-manu̠ sa-mpra yā̠tāgnē̍ pa̠thō dē̍va̠yānā̎n kṛṇuddhvam । a̠smin-thsa̠dhasthē̠ addhyutta̍rasmi̠n viśvē̍ dēvā̠ yaja̍mānaścha sīdata ॥ pra̠sta̠rēṇa̍ pari̠dhinā̎ sru̠chā vēdyā̍ cha ba̠r̠hiṣā̎ । ṛ̠chēmaṃ ya̠jña-nnō̍ vaha̠ suva̍rdē̠vēṣu̠ ganta̍vē ॥ yadi̠ṣṭaṃ ya-tpa̍rā̠dāna̠ṃ yadda̠ttaṃ yā cha̠ dakṣi̍ṇā । ta- [tat, a̠gni-] 31
    meaning

    By god-going paths of the fulfilled and the generous — lead them to light. Move forward, go forward, O Agni — make the god-going paths; in this assembly, in this higher place, may all gods and the sacrificer.

  • verse 34
    -द॒ग्नि-र्वै᳚श्वकर्म॒ण-स्सुव॑र्दे॒वेषु॑ नो दधत् ॥ येना॑ स॒हस्रं॒-वँह॑सि॒ येना᳚ग्ने सर्ववेद॒सम् । तेने॒मं-यँ॒ज्ञ-न्नो॑ वह॒ सुव॑र्दे॒वेषु॒ गन्त॑वे ॥ येना᳚ग्ने॒ दक्षि॑णा यु॒क्ता य॒ज्ञं-वँह॑न्त्यृ॒त्विजः॑ । तेने॒मं-यँ॒ज्ञ-न्नो॑ वह॒ सुव॑र्दे॒वेषु॒ गन्त॑वे ॥ येना᳚-ऽग्ने सु॒कृतः॑ प॒था मधो॒र्धारा᳚ व्यान॒शुः । तेने॒मं-यँ॒ज्ञ-न्नो॑ वह॒ सुव॑र्दे॒वेषु॒ गन्त॑वे ॥ यत्र॒ धारा॒ अन॑पेता॒ मधो᳚र्घृ॒तस्य॑ च॒ याः । तद॒ग्निर्वै᳚श्वकर्म॒ण-स्सुव॑र्दे॒वेषु॑ नो दधत् ॥ 32 ॥(आ॒गच्छा॒त् - त - द्वया॑न॒शु स्तेने॒मं-यँ॒ज्ञ-न्नो॑ वह॒ सुव॑र्दे॒वेषु॒ गन्त॑वे॒ - चतु॑र्दश च) (अ. 7)
    -da̠gni-rvai̎śvakarma̠ṇa-ssuva̍rdē̠vēṣu̍ nō dadhat ॥ yēnā̍ sa̠hasra̠ṃ vaha̍si̠ yēnā̎gnē sarvavēda̠sam । tēnē̠maṃ ya̠jña-nnō̍ vaha̠ suva̍rdē̠vēṣu̠ ganta̍vē ॥ yēnā̎gnē̠ dakṣi̍ṇā yu̠ktā ya̠jñaṃ vaha̍ntyṛ̠tvija̍ḥ । tēnē̠maṃ ya̠jña-nnō̍ vaha̠ suva̍rdē̠vēṣu̠ ganta̍vē ॥ yēnā̎-'gnē su̠kṛta̍ḥ pa̠thā madhō̠rdhārā̎ vyāna̠śuḥ । tēnē̠maṃ ya̠jña-nnō̍ vaha̠ suva̍rdē̠vēṣu̠ ganta̍vē ॥ yatra̠ dhārā̠ ana̍pētā̠ madhō̎rghṛ̠tasya̍ cha̠ yāḥ । tada̠gnirvai̎śvakarma̠ṇa-ssuva̍rdē̠vēṣu̍ nō dadhat ॥ 32 ॥(ā̠gachChā̠t - ta - dvayā̍na̠śu stēnē̠maṃ ya̠jña-nnō̍ vaha̠ suva̍rdē̠vēṣu̠ ganta̍vē̠ - chatu̍rdaśa cha) (a. 7)
    meaning

    May Agni, Viśvakarman's fire, place us among the gods in the celestial world. By which you carry a thousand, by which O Agni you carry all wealth — by that carry this sacrifice of ours to the celestial world among the gods.

  • verse 35
    यास्ते॑ अग्ने स॒मिधो॒ यानि॒ धाम॒ या जि॒ह्वा जा॑तवेदो॒ यो अ॒र्चिः । ये ते॑ अग्ने मे॒डयो॒ य इन्द॑व॒स्तेभि॑रा॒त्मान॑-ञ्चिनुहि प्रजा॒नन्न् ॥ उ॒थ्स॒न्न॒य॒ज्ञो वा ए॒ष यद॒ग्निः किं-वाँ-ऽहै॒तस्य॑ क्रि॒यते॒ किं-वाँ॒ न यद्वा अ॑द्ध्व॒र्यु-र॒ग्नेश्चि॒न्वन्न॑-न्त॒रेत्या॒त्मनो॒ वै तद॒न्तरे॑ति॒ यास्ते॑ अग्ने स॒मिधो॒ यानि॒ [स॒मिधो॒ यानि॑, धामेत्या॑है॒षा] 33
    yāstē̍ agnē sa̠midhō̠ yāni̠ dhāma̠ yā ji̠hvā jā̍tavēdō̠ yō a̠rchiḥ । yē tē̍ agnē mē̠ḍayō̠ ya inda̍va̠stēbhi̍rā̠tmāna̍-ñchinuhi prajā̠nann ॥ u̠thsa̠nna̠ya̠jñō vā ē̠ṣa yada̠gniḥ kiṃ vā-'hai̠tasya̍ kri̠yatē̠ kiṃ vā̠ na yadvā a̍ddhva̠ryu-ra̠gnēśchi̠nvanna̍-nta̠rētyā̠tmanō̠ vai tada̠ntarē̍ti̠ yāstē̍ agnē sa̠midhō̠ yāni̠ [sa̠midhō̠ yāni̍, dhāmētyā̍hai̠ṣā] 33
    meaning

    What are your kindlings, O Agni, what your dwelling, what tongue, O Jātavedas, what your flame — what are your loves, O Agni, what your soma drops — with these build up the Self while knowing. A sacrifice from which Agni is cut off.

  • verse 36
    धामेत्या॑है॒षा वा अ॒ग्ने-स्स्व॑य-ञ्चि॒तिर॒ग्निरे॒व तद॒ग्नि-ञ्चि॑नोति॒ नाद्ध्व॒र्युरा॒त्मनो॒-ऽन्तरे॑ति॒ चत॑स्र॒ आशाः॒ प्रच॑रन्त्व॒ग्नय॑ इ॒म-न्नो॑ य॒ज्ञ-न्न॑यतु प्रजा॒नन्न् । घृ॒त-म्पिन्व॑न्न॒जरग्ं॑ सु॒वीर॒-म्ब्रह्म॑ स॒मि-द्भ॑व॒त्याहु॑तीनाम् ॥ सु॒व॒र्गाय॒ वा ए॒ष लो॒कायोप॑ धीयते॒ य-त्कू॒र्मश्चत॑स्र॒ आशाः॒ प्र च॑रन्त्व॒ग्नय॒ इत्या॑ह॒ [इत्या॑ह, दिश॑ ए॒वैतेन॒] 34
    dhāmētyā̍hai̠ṣā vā a̠gnē-ssva̍ya-ñchi̠tira̠gnirē̠va tada̠gni-ñchi̍nōti̠ nāddhva̠ryurā̠tmanō̠-'ntarē̍ti̠ chata̍sra̠ āśā̠ḥ pracha̍rantva̠gnaya̍ i̠ma-nnō̍ ya̠jña-nna̍yatu prajā̠nann । ghṛ̠ta-mpinva̍nna̠jaragṃ̍ su̠vīra̠-mbrahma̍ sa̠mi-dbha̍va̠tyāhu̍tīnām ॥ su̠va̠rgāya̠ vā ē̠ṣa lō̠kāyōpa̍ dhīyatē̠ ya-tkū̠rmaśchata̍sra̠ āśā̠ḥ pra cha̍rantva̠gnaya̠ ityā̍ha̠ [ityā̍ha, diśa̍ ē̠vaitēna̠] 34
    meaning

    One says 'the dwelling' — this is indeed Agni's own fire-altar; Agni alone builds Agni; the adhvaryu does not enter between the Self; may the fires go out in four directions — let him lead our sacrifice knowingly; anointing with clarified butter.

  • verse 37
    दिश॑ ए॒वैतेन॒ प्र जा॑नाती॒म-न्नो॑ य॒ज्ञ-न्न॑यतु प्रजा॒नन्नित्या॑ह सुव॒र्गस्य॑ लो॒कस्या॒भिनी᳚त्यै॒ ब्रह्म॑ स॒मि-द्भ॑व॒त्याहु॑तीना॒-मित्या॑ह॒ ब्रह्म॑णा॒ वै दे॒वा-स्सु॑व॒र्गं-लोँ॒कमा॑य॒न्॒ य-द्ब्रह्म॑ण्वत्योप॒दधा॑ति॒ ब्रह्म॑णै॒व त-द्यज॑मान-स्सुव॒र्गं-लोँ॒कमे॑ति प्र॒जाप॑ति॒र्वा ए॒ष यद॒ग्निस्तस्य॑ प्र॒जाः प॒शव॒-श्छन्दाग्ं॑सि रू॒पग्ं सर्वा॒न्॒ वर्णा॒निष्ट॑काना-ङ्कुर्या-द्रू॒पेणै॒व प्र॒जा-म्प॒शून् छन्दा॒ग्॒स्यव॑ रु॒न्धे-ऽथो᳚ प्र॒जाभ्य॑ ए॒वैन॑-म्प॒शुभ्य॒-श्छन्दो᳚भ्यो ऽव॒रुद्ध्य॑ चिनुते ॥ 35 ॥(यान्य॒ - ग्नय॒ इत्या॒हे - ष्ट॑काना॒ग्ं॒ - षोड॑श च) (अ. 8)
    diśa̍ ē̠vaitēna̠ pra jā̍nātī̠ma-nnō̍ ya̠jña-nna̍yatu prajā̠nannityā̍ha suva̠rgasya̍ lō̠kasyā̠bhinī̎tyai̠ brahma̍ sa̠mi-dbha̍va̠tyāhu̍tīnā̠-mityā̍ha̠ brahma̍ṇā̠ vai dē̠vā-ssu̍va̠rgaṃ lō̠kamā̍ya̠n̠ ya-dbrahma̍ṇvatyōpa̠dadhā̍ti̠ brahma̍ṇai̠va ta-dyaja̍māna-ssuva̠rgaṃ lō̠kamē̍ti pra̠jāpa̍ti̠rvā ē̠ṣa yada̠gnistasya̍ pra̠jāḥ pa̠śava̠-śChandāgṃ̍si rū̠pagṃ sarvā̠n̠ varṇā̠niṣṭa̍kānā-ṅkuryā-drū̠pēṇai̠va pra̠jā-mpa̠śūn Chandā̠g̠syava̍ ru̠ndhē-'thō̎ pra̠jābhya̍ ē̠vaina̍-mpa̠śubhya̠-śChandō̎bhyō 'va̠ruddhya̍ chinutē ॥ 35 ॥(yānya̠ - gnaya̠ ityā̠hē - ṣṭa̍kānā̠gṃ̠ - ṣōḍa̍śa cha) (a. 8)
    meaning

    By this he knows the directions; 'lead our sacrifice knowingly' he says — for the attainment of the celestial world; Brahman becomes the kindling of the oblations; the gods by Brahman reached the celestial world — what.

  • verse 38
    मयि॑ गृह्णा॒म्यग्रे॑ अ॒ग्निग्ं रा॒यस्पोषा॑य सुप्रजा॒स्त्वाय॑ सु॒वीर्या॑य । मयि॑ प्र॒जा-म्मयि॒ वर्चो॑ दधा॒म्यरि॑ष्टा-स्स्याम त॒नुवा॑ सु॒वीराः᳚ ॥ यो नो॑ अ॒ग्निः पि॑तरो हृ॒थ्स्व॑न्तरम॑र्त्यो॒ मर्त्याग्ं॑ आवि॒वेश॑ । तमा॒त्म-न्परि॑ गृह्णीमहे व॒य-म्मा सो अ॒स्माग्ं अ॑व॒हाय॒ परा॑ गात् ॥ यद॑द्ध्व॒र्युरा॒त्मन्न॒ग्निम-गृ॑हीत्वा॒-ऽग्नि-ञ्चि॑नु॒याद्यो᳚-ऽस्य॒ स्वो᳚-ऽग्निस्तमपि॒ [स्वो᳚-ऽग्निस्तमपि॑, यज॑मानाय] 36
    mayi̍ gṛhṇā̠myagrē̍ a̠gnigṃ rā̠yaspōṣā̍ya suprajā̠stvāya̍ su̠vīryā̍ya । mayi̍ pra̠jā-mmayi̠ varchō̍ dadhā̠myari̍ṣṭā-ssyāma ta̠nuvā̍ su̠vīrā̎ḥ ॥ yō nō̍ a̠gniḥ pi̍tarō hṛ̠thsva̍ntarama̍rtyō̠ martyāgṃ̍ āvi̠vēśa̍ । tamā̠tma-npari̍ gṛhṇīmahē va̠ya-mmā sō a̠smāgṃ a̍va̠hāya̠ parā̍ gāt ॥ yada̍ddhva̠ryurā̠tmanna̠gnima-gṛ̍hītvā̠-'gni-ñchi̍nu̠yādyō̎-'sya̠ svō̎-'gnistamapi̠ [svō̎-'gnistamapi̍, yaja̍mānāya] 36
    meaning

    I take up fire first for the increase of wealth, for good progeny, for heroic strength; may I place progeny in myself, may I place splendor in myself; may we be unharmed in body, with heroes. O Agni, our father, who dwells in the heart, an immortal among mortals.

  • verse 39
    यज॑मानाय चिनुयाद॒ग्नि-ङ्खलु॒ वै प॒शवो-ऽनूप॑ तिष्ठन्ते-ऽप॒क्रामु॑का अस्मा-त्प॒शवः॑ स्यु॒र्मयि॑ गृह्णा॒म्यग्रे॑ अ॒ग्निमित्या॑हा॒-ऽऽत्मन्ने॒व स्वम॒ग्नि-न्दा॑धार॒ नास्मा᳚-त्प॒शवो-ऽप॑ क्रामन्ति ब्रह्मवा॒दिनो॑ वदन्ति॒ यन्मृच्चा-ऽऽप॑श्चा॒ग्ने-र॑ना॒द्य-मथ॒ कस्मा᳚न्मृ॒दा चा॒द्भिश्चा॒-ऽग्निश्ची॑यत॒ इति॒ यद॒द्भि-स्सं॒-यौँ- [यद॒द्भि-स्सं॒-यौँति॑, आपो॒ वै] 37
    yaja̍mānāya chinuyāda̠gni-ṅkhalu̠ vai pa̠śavō-'nūpa̍ tiṣṭhantē-'pa̠krāmu̍kā asmā-tpa̠śava̍-ssyu̠rmayi̍ gṛhṇā̠myagrē̍ a̠gnimityā̍hā̠-''tmannē̠va svama̠gni-ndā̍dhāra̠ nāsmā̎-tpa̠śavō-'pa̍ krāmanti brahmavā̠dinō̍ vadanti̠ yanmṛchchā-''pa̍śchā̠gnē-ra̍nā̠dya-matha̠ kasmā̎nmṛ̠dā chā̠dbhiśchā̠-'gniśchī̍yata̠ iti̠ yada̠dbhi-ssa̠ṃ yau- [yada̠dbhi-ssa̠ṃ yauti̍, āpō̠ vai] 37
    meaning

    He builds Agni for the sacrificer; the cattle indeed do not stand by the one building Agni — the cattle would leave him; 'I take up fire first' he says — he places his own fire in the Self; the cattle do not leave him; the Brahman.

  • verse 40
    -त्यापो॒ वै सर्वा॑ दे॒वता॑ दे॒वता॑भिरे॒वैन॒ग्ं॒ सग्ं सृ॑जति॒ यन्मृ॒दा चि॒नोती॒यं-वाँ अ॒ग्निर्वै᳚श्वान॒रो᳚-ऽग्निनै॒व तद॒ग्नि-ञ्चि॑नोति ब्रह्मवा॒दिनो॑ वदन्ति॒ यन्मृ॒दा चा॒द्भिश्चा॒ग्निश्ची॒यते-ऽथ॒ कस्मा॑द॒ग्निरु॑च्यत॒ इति॒ यच्छन्दो॑भि-श्चि॒नोत्य॒ग्नयो॒ वै छन्दाग्ं॑सि॒ तस्मा॑द॒ग्निरु॑च्य॒ते-ऽथो॑ इ॒यं-वाँ अ॒ग्निर्वै᳚श्वान॒रो य- [अ॒ग्निर्वै᳚श्वान॒रो यत्, मृ॒दा चि॒नोति॒] 38
    -tyāpō̠ vai sarvā̍ dē̠vatā̍ dē̠vatā̍bhirē̠vaina̠gṃ̠ sagṃ sṛ̍jati̠ yanmṛ̠dā chi̠nōtī̠yaṃ vā a̠gnirvai̎śvāna̠rō̎-'gninai̠va tada̠gni-ñchi̍nōti brahmavā̠dinō̍ vadanti̠ yanmṛ̠dā chā̠dbhiśchā̠gniśchī̠yatē-'tha̠ kasmā̍da̠gniru̍chyata̠ iti̠ yachChandō̍bhi-śchi̠nōtya̠gnayō̠ vai Chandāgṃ̍si̠ tasmā̍da̠gniru̍chya̠tē-'thō̍ i̠yaṃ vā a̠gnirvai̎śvāna̠rō ya- [a̠gnirvai̎śvāna̠rō yat, mṛ̠dā chi̠nōti̠] 38
    meaning

    Water is indeed all the deities; by the deities he creates with him what he builds with clay; for this is the universal Agni — by Agni alone he builds Agni; the theologians say: one who builds with both clay and water.

  • verse 41
    -न्मृ॒दा चि॒नोति॒ तस्मा॑द॒ग्निरु॑च्यते हिरण्येष्ट॒का उप॑ दधाति॒ ज्योति॒र्वै हिर॑ण्य॒-ञ्ज्योति॑रे॒वा-ऽस्मि॑-न्दधा॒त्यथो॒ तेजो॒ वै हिर॑ण्य॒-न्तेज॑ ए॒वा-ऽऽत्म-न्ध॑त्ते॒ यो वा अ॒ग्निग्ं स॒र्वतो॑मुख-ञ्चिनु॒ते सर्वा॑सु प्र॒जास्वन्न॑मत्ति॒ सर्वा॒ दिशो॒-ऽभि ज॑यति गाय॒त्री-म्पु॒रस्ता॒दुप॑ दधाति त्रि॒ष्टुभ॑-न्दक्षिण॒तो जग॑ती-म्प॒श्चाद॑नु॒ष्टुभ॑मुत्तर॒तः प॒ङ्क्ति-म्मद्ध्य॑ ए॒ष वा अ॒ग्नि-स्स॒र्वतो॑मुख॒स्तं-यँ ए॒वं-विँ॒द्वाग्​श्चि॑नु॒ते सर्वा॑सु प्र॒जास्वन्न॑मत्ति॒ सर्वा॒ दिशो॒-ऽभि ज॑य॒त्यथो॑ दि॒श्ये॑व दिश॒-म्प्र व॑यति॒ तस्मा᳚-द्दि॒शि दि-क्प्रोता᳚ ॥ 39 ॥(अपि॑-सं॒​यौँति॑-वैश्वान॒रो य-दे॒ष वै-पञ्च॑विग्ंशतिश्च) (अ. 9)
    -nmṛ̠dā chi̠nōti̠ tasmā̍da̠gniru̍chyatē hiraṇyēṣṭa̠kā upa̍ dadhāti̠ jyōti̠rvai hira̍ṇya̠-ñjyōti̍rē̠vā-'smi̍-ndadhā̠tyathō̠ tējō̠ vai hira̍ṇya̠-ntēja̍ ē̠vā-''tma-ndha̍ttē̠ yō vā a̠gnigṃ sa̠rvatō̍mukha-ñchinu̠tē sarvā̍su pra̠jāsvanna̍matti̠ sarvā̠ diśō̠-'bhi ja̍yati gāya̠trī-mpu̠rastā̠dupa̍ dadhāti tri̠ṣṭubha̍-ndakṣiṇa̠tō jaga̍tī-mpa̠śchāda̍nu̠ṣṭubha̍muttara̠taḥ pa̠ṅkti-mmaddhya̍ ē̠ṣa vā a̠gni-ssa̠rvatō̍mukha̠staṃ ya ē̠vaṃ vi̠dvāg​śchi̍nu̠tē sarvā̍su pra̠jāsvanna̍matti̠ sarvā̠ diśō̠-'bhi ja̍ya̠tyathō̍ di̠śyē̍va diśa̠-mpra va̍yati̠ tasmā̎-ddi̠śi di-kprōtā̎ ॥ 39 ॥(api̍-sa̠ṃyauti̍-vaiśvāna̠rō ya-dē̠ṣa vai-pañcha̍vigṃśatiścha) (a. 9)
    meaning

    He builds with clay; therefore it is called fire; he places the golden brick — light is indeed gold; light is placed in him; furthermore splendor is gold; splendor alone is placed in the Self; one who builds Agni facing all directions.

  • verse 42
    प्र॒जाप॑ति-र॒ग्नि-म॑सृजत॒ सो᳚-ऽस्मा-थ्सृ॒ष्टः प्रा-म्प्रा-ऽद्र॑व॒-त्तस्मा॒ अश्व॒-म्प्रत्या᳚स्य॒-थ्स द॑क्षि॒णा-ऽऽव॑र्तत॒ तस्मै॑ वृ॒ष्णि-म्प्रत्या᳚स्य॒-थ्स प्र॒त्यङ्ङा-ऽव॑र्तत॒ तस्मा॑ ऋष॒भ-म्प्रत्या᳚स्य॒-थ्स उद॒ङ्ङा-ऽव॑र्तत॒ तस्मै॑ ब॒स्त-म्प्रत्या᳚स्य॒-थ्स ऊ॒र्ध्वो᳚-ऽद्रव॒-त्तस्मै॒ पुरु॑ष॒-म्प्रत्या᳚स्य॒द्य-त्प॑शुशी॒र्॒षाण्यु॑प॒दधा॑ति स॒र्वत॑ ए॒वैन॑- [ए॒वैन᳚म्, अ॒व॒रुद्ध्य॑ चिनुत] 40
    pra̠jāpa̍ti-ra̠gni-ma̍sṛjata̠ sō̎-'smā-thsṛ̠ṣṭaḥ prā-mprā-'dra̍va̠-ttasmā̠ aśva̠-mpratyā̎sya̠-thsa da̍kṣi̠ṇā-''va̍rtata̠ tasmai̍ vṛ̠ṣṇi-mpratyā̎sya̠-thsa pra̠tyaṅṅā-'va̍rtata̠ tasmā̍ ṛṣa̠bha-mpratyā̎sya̠-thsa uda̠ṅṅā-'va̍rtata̠ tasmai̍ ba̠sta-mpratyā̎sya̠-thsa ū̠rdhvō̎-'drava̠-ttasmai̠ puru̍ṣa̠-mpratyā̎sya̠dya-tpa̍śuśī̠r̠ṣāṇyu̍pa̠dadhā̍ti sa̠rvata̍ ē̠vaina̍- [ē̠vaina̎m, a̠va̠ruddhya̍ chinuta] 40
    meaning

    Prajāpati created Agni; he who was thus created fled forward from him; he then faced him with a horse — he turned to the right; he then faced him with a bull — he turned back; he then faced him with a bull.

  • verse 43
    -मव॒रुद्ध्य॑ चिनुत ए॒ता वै प्रा॑ण॒भृत॒-श्चक्षु॑ष्मती॒रिष्ट॑का॒ य-त्प॑शुशी॒र्॒षाणि॒ य-त्प॑शुशी॒र्॒षाण्यु॑प॒दधा॑ति॒ ताभि॑रे॒व यज॑मानो॒-ऽमुष्मि॑ँल्लो॒के प्राणि॒त्यथो॒ ताभि॑रे॒वास्मा॑ इ॒मे लो॒काः प्र भा᳚न्ति मृ॒दा-ऽभि॒लिप्योप॑ दधाति मेद्ध्य॒त्वाय॑ प॒शुर्वा ए॒ष यद॒ग्निरन्न॑-म्प॒शव॑ ए ॒ष खलु॒ वा अ॒ग्निर्य-त्प॑शुशी॒र्॒षाणि॒ य-ङ्का॒मये॑त॒ कनी॑यो॒-ऽस्या-ऽन्नग्ग्॑ - [कनी॑यो॒-ऽस्या-ऽन्न᳚म्, स्या॒दिति॑] 41
    -mava̠ruddhya̍ chinuta ē̠tā vai prā̍ṇa̠bhṛta̠-śchakṣu̍ṣmatī̠riṣṭa̍kā̠ ya-tpa̍śuśī̠r̠ṣāṇi̠ ya-tpa̍śuśī̠r̠ṣāṇyu̍pa̠dadhā̍ti̠ tābhi̍rē̠va yaja̍mānō̠-'muṣmi̍ँllō̠kē prāṇi̠tyathō̠ tābhi̍rē̠vāsmā̍ i̠mē lō̠kāḥ pra bhā̎mti mṛ̠dā-'bhi̠lipyōpa̍ dadhāti mēddhya̠tvāya̍ pa̠śurvā ē̠ṣa yada̠gniranna̍-mpa̠śava̍ ē ̠ṣa khalu̠ vā a̠gnirya-tpa̍śuśī̠r̠ṣāṇi̠ ya-ṅkā̠mayē̍ta̠ kanī̍yō̠-'syā-'nnagg̍ - [kanī̍yō̠-'syā-'nna̎m, syā̠diti̍] 41
    meaning

    Having enclosed, he builds — these are the life-bearing, seeing bricks; what animal skulls, what animal skulls are placed — by them the sacrificer lives in that world; furthermore by them these worlds.

  • verse 44
    स्या॒दिति॑ सन्त॒रा-न्तस्य॑ पशुशी॒र्॒षाण्युप॑ दद्ध्या॒-त्कनी॑य ए॒वास्यान्न॑-म्भवति॒ य-ङ्का॒मये॑त स॒माव॑द॒स्यान्नग्ग्॑ स्या॒दिति॑ मद्ध्य॒तस्तस्योप॑ दद्ध्या-थ्स॒माव॑-दे॒वास्यान्न॑-म्भवति॒ य-ङ्का॒मये॑त॒ भूयो॒-ऽस्या-ऽन्नग्ग्॑ स्या॒दित्यन्ते॑षु॒ तस्य॑ व्यु॒दूह्योप॑ दद्ध्यादन्त॒त ए॒वास्मा॒ अन्न॒मव॑ रुन्धे॒ भूयो॒-ऽस्यान्न॑-म्भवति ॥ 42 ॥(ए॒न॒- म॒स्यान्नं॒ - भूयो॒-ऽस्या-ऽन्न॑-म्भवति) (अ. 10)
    syā̠diti̍ santa̠rā-ntasya̍ paśuśī̠r̠ṣāṇyupa̍ daddhyā̠-tkanī̍ya ē̠vāsyānna̍-mbhavati̠ ya-ṅkā̠mayē̍ta sa̠māva̍da̠syānnagg̍ syā̠diti̍ maddhya̠tastasyōpa̍ daddhyā-thsa̠māva̍-dē̠vāsyānna̍-mbhavati̠ ya-ṅkā̠mayē̍ta̠ bhūyō̠-'syā-'nnagg̍ syā̠dityantē̍ṣu̠ tasya̍ vyu̠dūhyōpa̍ daddhyādanta̠ta ē̠vāsmā̠ anna̠mava̍ rundhē̠ bhūyō̠-'syānna̍-mbhavati ॥ 42 ॥(ē̠na̠- ma̠syānna̠ṃ - bhūyō̠-'syā-'nna̍-mbhavati) (a. 10)
    meaning

    He should place the animal skulls between them — if they wish him to have less food, place them inside; if they wish him to have equal food, place them in the middle; if one wishes.

  • verse 45
    स्ते॒गा-न्दग्ग्​ष्ट्रा᳚भ्या-म्म॒ण्डूका॒न् जम्भ्ये॑भि॒राद॑कां-खा॒देनोर्जग्ं॑ सग्ं सू॒देना-ऽर॑ण्य॒-ञ्जाम्बी॑लेन॒ मृद॑-म्ब॒र्​स्वे॑भि॒-श्शर्क॑राभि॒रव॑का॒मव॑काभि॒-श्शर्क॑रामुथ्सा॒देन॑ जि॒ह्वाम॑वक्र॒न्देन॒ तालु॒ग्ं॒ सर॑स्वती-ञ्जिह्वा॒ग्रेण॑ ॥ 43 ॥(स्ते॒गान् - द्वाविग्ं॑शतिः) (अ. 11)
    stē̠gā-ndagg​ṣṭrā̎bhyā-mma̠ṇḍūkā̠n jambhyē̍bhi̠rāda̍kāṃ-khā̠dēnōrjagṃ̍ sagṃ sū̠dēnā-'ra̍ṇya̠-ñjāmbī̍lēna̠ mṛda̍-mba̠r​svē̍bhi̠-śśarka̍rābhi̠rava̍kā̠mava̍kābhi̠-śśarka̍rāmuthsā̠dēna̍ ji̠hvāma̍vakra̠ndēna̠ tālu̠gṃ̠ sara̍svatī-ñjihvā̠grēṇa̍ ॥ 43 ॥(stē̠gān - dvāvigṃ̍śatiḥ) (a. 11)
    meaning

    The alligators by the teeth; frogs by the jaws; the refreshing energy; the forest — with gravel; the gravel with sedge; the sedge with the tongue of eroding water; the gravel.

  • verse 46
    वाज॒ग्ं॒ हनू᳚भ्याम॒प आ॒स्ये॑ना-ऽऽदि॒त्या-ञ्छ्मश्रु॑भि-रुपया॒म-मध॑रे॒णोष्ठे॑न॒ सदुत्त॑रे॒णान्त॑रेणा-नूका॒श-म्प्र॑का॒शेन॒ बाह्यग्ग्॑ स्तनयि॒त्नु-न्नि॑र्बा॒धेन॑ सूर्या॒ग्नी चक्षु॑र्भ्यां-विँ॒द्युतौ॑ क॒नान॑काभ्याम॒शनि॑-म्म॒स्तिष्के॑ण॒ बल॑-म्म॒ज्जभिः॑ ॥ 44 ॥(वाज॒-म्पञ्च॑विग्ंशतिः) (अ. 12)
    vāja̠gṃ̠ hanū̎bhyāma̠pa ā̠syē̍nā-''di̠tyā-ñChmaśru̍bhi-rupayā̠ma-madha̍rē̠ṇōṣṭhē̍na̠ sadutta̍rē̠ṇānta̍rēṇā-nūkā̠śa-mpra̍kā̠śēna̠ bāhyagg̍ stanayi̠tnu-nni̍rbā̠dhēna̍ sūryā̠gnī chakṣu̍rbhyāṃ vi̠dyutau̍ ka̠nāna̍kābhyāma̠śani̍-mma̠stiṣkē̍ṇa̠ bala̍-mma̠jjabhi̍ḥ ॥ 44 ॥(vāja̠-mpañcha̍vigṃśatiḥ) (a. 12)
    meaning

    Vigor by the jaws; the mouth — with the sun's beard; driving away with the lower lip; always with the upper; within — inner light; outside — thunder-driving away; the sun and fire by the two eyes; lightning.

  • verse 47
    कू॒र्मा-ञ्छ॒फैर॒च्छला॑भिः क॒पिञ्ज॑ला॒न्​थ्साम॒ कुष्ठि॑काभिर्ज॒व-ञ्जङ्घा॑भिरग॒द-ञ्जानु॑भ्यां-वीँ॒र्य॑-ङ्कु॒हाभ्या᳚-म्भ॒य-म्प्र॑चा॒लाभ्या॒-ङ्गुहो॑पप॒क्षाभ्या॑-म॒श्विना॒वग्ं सा᳚भ्या॒मदि॑तिग्ं शी॒र्​ष्णा निर्-ऋ॑ति॒-न्निर्जा᳚ल्मकेन शी॒र्​ष्णा ॥ 45 ॥(कू॒र्मान्-त्रयो॑विग्ंशतिः) (अ. 13)
    kū̠rmā-ñCha̠phaira̠chChalā̍bhiḥ ka̠piñja̍lā̠n​thsāma̠ kuṣṭhi̍kābhirja̠va-ñjaṅghā̍bhiraga̠da-ñjānu̍bhyāṃ vī̠rya̍-ṅku̠hābhyā̎-mbha̠ya-mpra̍chā̠lābhyā̠-ṅguhō̍papa̠kṣābhyā̍-ma̠śvinā̠vagṃ sā̎bhyā̠madi̍tigṃ śī̠r​ṣṇā nir-ṛ̍ti̠-nnirjā̎lmakēna śī̠r​ṣṇā ॥ 45 ॥(kū̠rmān-trayō̍vigṃśatiḥ) (a. 13)
    meaning

    Tortoises by hooves; the gentle ones; partridges with Sāma-recitations; the run by the leg-joints; freedom from disease by the knees; heroic strength by the two cavities; fear by the shaking ones; Aśvins by the haunches; Aditi.

  • verse 48
    योक्त्र॒-ङ्गृद्ध्रा॑भिर्यु॒गमान॑तेन चि॒त्त-म्मन्या॑भि-स्सङ्क्रो॒शा-न्प्रा॒णैः प्र॑का॒शेन॒ त्वच॑-म्पराका॒शेनान्त॑रा-म्म॒शका॒न् केशै॒रिन्द्र॒ग्ग्॒ स्वप॑सा॒ वहे॑न॒ बृह॒स्पतिग्ं॑ शकुनिसा॒देन॒ रथ॑मु॒ष्णिहा॑भिः ॥ 46 ॥(योक्त्र॒ - मेक॑विग्ंशतिः) (अ. 14)
    yōktra̠-ṅgṛddhrā̍bhiryu̠gamāna̍tēna chi̠tta-mmanyā̍bhi-ssaṅkrō̠śā-nprā̠ṇaiḥ pra̍kā̠śēna̠ tvacha̍-mparākā̠śēnānta̍rā-mma̠śakā̠n kēśai̠rindra̠gg̠ svapa̍sā̠ vahē̍na̠ bṛha̠spatigṃ̍ śakunisā̠dēna̠ ratha̍mu̠ṣṇihā̍bhiḥ ॥ 46 ॥(yōktra̠ - mēka̍vigṃśatiḥ) (a. 14)
    meaning

    Yoke by vultures; the chariot-yoking by the mind; the roar by the neck-tendons; the vital breath — by light; the skin by outer space; inner mosquitoes by the hair; Indra by his great activity; Bṛhaspati by bird-placing; the chariot.

  • verse 49
    मि॒त्रावरु॑णौ॒ श्रोणी᳚भ्यामिन्द्रा॒ग्नी शि॑ख॒ण्डाभ्या॒-मिन्द्रा॒बृह॒स्पती॑ ऊ॒रुभ्या॒मिन्द्रा॒विष्णू॑ अष्ठी॒वद्भ्याग्ं॑ सवि॒तार॒-म्पुच्छे॑न गन्ध॒र्वाञ्छेपे॑ना-फ्स॒रसो॑ मु॒ष्काभ्या॒-म्पव॑मान-म्पा॒युना॑ प॒वित्र॒-म्पोत्रा᳚भ्यामा॒क्रम॑णग्ग्​ स्थू॒राभ्या᳚-म्प्रति॒क्रम॑ण॒-ङ्कुष्ठा᳚भ्याम् ॥ 47 ॥(मि॒त्रावरु॑णौ॒ - द्वाविग्ं॑शतिः) (अ. 15)
    mi̠trāvaru̍ṇau̠ śrōṇī̎bhyāmindrā̠gnī śi̍kha̠ṇḍābhyā̠-mindrā̠bṛha̠spatī̍ ū̠rubhyā̠mindrā̠viṣṇū̍ aṣṭhī̠vadbhyāgṃ̍ savi̠tāra̠-mpuchChē̍na gandha̠rvāñChēpē̍nā-phsa̠rasō̍ mu̠ṣkābhyā̠-mpava̍māna-mpā̠yunā̍ pa̠vitra̠-mpōtrā̎bhyāmā̠krama̍ṇagg​ sthū̠rābhyā̎-mprati̠krama̍ṇa̠-ṅkuṣṭhā̎bhyām ॥ 47 ॥(mi̠trāvaru̍ṇau̠ - dvāvigṃ̍śatiḥ) (a. 15)
    meaning

    Mitra and Varuṇa by the two hips; Indra and Agni by the two crests; Indra and Bṛhaspati by the two thighs; Indra and Viṣṇu by the two knee-caps; Savitṛ by the tail; the gandharva by the penis; Apsarases by the testicles; the pressing-soma by the anus.

  • verse 50
    इन्द्र॑स्य क्रो॒डो ऽदि॑त्यै पाज॒स्य॑-न्दि॒शा-ञ्ज॒त्रवो॑ जी॒मूता᳚न् हृदयौप॒शाभ्या॑-म॒न्तरि॑क्ष-म्पुरि॒तता॒ नभ॑ उद॒र्ये॑णेन्द्रा॒णी-म्प्ली॒ह्ना व॒ल्मीका᳚न् क्लो॒म्ना गि॒री-न्प्ला॒शिभिः॑ समु॒द्रमु॒दरे॑ण वैश्वान॒र-म्भस्म॑ना ॥ 48 ॥(इन्द्र॑स्य॒ - द्वावि॑शतिः॒) (अ. 16)
    indra̍sya krō̠ḍō 'di̍tyai pāja̠sya̍-ndi̠śā-ñja̠travō̍ jī̠mūtā̎n hṛdayaupa̠śābhyā̍-ma̠ntari̍kṣa-mpuri̠tatā̠ nabha̍ uda̠ryē̍ṇēndrā̠ṇī-mplī̠hnā va̠lmīkā̎n klō̠mnā gi̠rī-nplā̠śibhi̍-ssamu̠dramu̠darē̍ṇa vaiśvāna̠ra-mbhasma̍nā ॥ 48 ॥(indra̍sya̠ - dvāvi̍śati̠ḥ) (a. 16)
    meaning

    Indra's flank; of Aditi by the belly-side; the directions by the ribs; thunder-clouds by the heart-cords; the midspace by the lung; the sky as the belly-mass; Indrāṇī by the spleen; termite-hills by the smaller lobe; the mountains by the lung-tissue; Pūṣan by the bowel-vein.

  • verse 51
    पू॒ष्णो व॑नि॒ष्ठुर॑न्धा॒हे-स्स्थू॑रगु॒दा स॒र्पा-न्गुदा॑भिर्-ऋ॒तू-न्पृ॒ष्टीभि॒र्दिव॑-म्पृ॒ष्ठेन॒ वसू॑ना-म्प्रथ॒मा कीक॑सा रु॒द्राणा᳚-न्द्वि॒तीया॑ ऽऽदि॒त्याना᳚-न्तृ॒तीया ऽङ्गि॑रसा-ञ्चतु॒र्थी सा॒द्ध्याना᳚-म्पञ्च॒मी विश्वे॑षा-न्दे॒वानाग्ं॑ ष॒ष्ठी ॥ 49 ॥(पू॒ष्ण - श्चतु॑र्विग्ंशतिः) (अ. 17)
    pū̠ṣṇō va̍ni̠ṣṭhura̍ndhā̠hē-ssthū̍ragu̠dā sa̠rpā-ngudā̍bhir-ṛ̠tū-npṛ̠ṣṭībhi̠rdiva̍-mpṛ̠ṣṭhēna̠ vasū̍nā-mpratha̠mā kīka̍sā ru̠drāṇā̎-ndvi̠tīyā̍ ''di̠tyānā̎-ntṛ̠tīyā 'ṅgi̍rasā-ñchatu̠rthī sā̠ddhyānā̎-mpañcha̠mī viśvē̍ṣā-ndē̠vānāgṃ̍ ṣa̠ṣṭhī ॥ 49 ॥(pū̠ṣṇa - śchatu̍rvigṃśatiḥ) (a. 17)
    meaning

    Pūṣan by the large intestine; the dark horse by the smaller intestine; serpents by the anus; the seasons by the ribs; heaven by the backbone; the first of the Vasus; the second of the Rudras; the third of the Ādityas; the fourth of the Sādhyas.

  • verse 52
    ओजो᳚ ग्री॒वाभि॒-र्निर्-ऋ॑तिम॒स्थभि॒रिन्द्र॒ग्ग्॒ स्वप॑सा॒ वहे॑न रु॒द्रस्य॑ विच॒ल-स्स्क॒न्धो॑ ऽहोरा॒त्रयो᳚र्द्वि॒तीयो᳚ ऽर्धमा॒साना᳚-न्तृ॒तीयो॑ मा॒सा-ञ्च॑तु॒र्थ ऋ॑तू॒ना-म्प॑ञ्च॒म-स्सं॑​वँथ्स॒रस्य॑ ष॒ष्ठः ॥ 50 ॥(ओजो॑ - विग्ंश॒तिः) (अ. 18)
    ōjō̎ grī̠vābhi̠-rnir-ṛ̍tima̠sthabhi̠rindra̠gg̠ svapa̍sā̠ vahē̍na ru̠drasya̍ vicha̠la-sska̠ndhō̍ 'hōrā̠trayō̎rdvi̠tīyō̎ 'rdhamā̠sānā̎-ntṛ̠tīyō̍ mā̠sā-ñcha̍tu̠rtha ṛ̍tū̠nā-mpa̍ñcha̠ma-ssa̍ṃvathsa̠rasya̍ ṣa̠ṣṭhaḥ ॥ 50 ॥(ōjō̍ - vigṃśa̠tiḥ) (a. 18)
    meaning

    Vigor by the neck-tendons; Nirṛti by the bones; Indra by his great activity; the second half-night of Rudra; the second half-month; the fourth of the months; the fifth of the seasons; the sixth of the years.

  • verse 53
    आ॒न॒न्द-न्न॒न्दथु॑ना॒ काम॑-म्प्रत्या॒साभ्या᳚-म्भ॒यग्ं शि॑ती॒मभ्या᳚-म्प्र॒शिष॑-म्प्रशा॒साभ्याग्ं॑ सूर्याचन्द्र॒मसौ॒ वृक्या᳚भ्याग्​ श्यामशब॒लौ मत॑स्नाभ्यां॒-व्युँ॑ष्टिग्ं रू॒पेण॒ निम्रु॑क्ति॒मरू॑पेण ॥ 51 ॥(आ॒न॒न्दग्ं - षोड॑श) (अ. 19)
    ā̠na̠nda-nna̠ndathu̍nā̠ kāma̍-mpratyā̠sābhyā̎-mbha̠yagṃ śi̍tī̠mabhyā̎-mpra̠śiṣa̍-mpraśā̠sābhyāgṃ̍ sūryāchandra̠masau̠ vṛkyā̎bhyāg​ śyāmaśaba̠lau mata̍snābhyā̠ṃ vyu̍ṣṭigṃ rū̠pēṇa̠ nimru̍kti̠marū̍pēṇa ॥ 51 ॥(ā̠na̠ndagṃ - ṣōḍa̍śa) (a. 19)
    meaning

    Delight by joy; desire by the two longing-ones; fear by the sharp-edged ones; guidance by the governors; sun and moon by the wolf-like ones; the dark and spotted ones by the kidneys; illumination by form; dissolution by formlessness.

  • verse 54
    अह॑र्मा॒ग्ं॒सेन॒ रात्रि॒-म्पीव॑सा॒-ऽपो यू॒षेण॑ घृ॒तग्ं रसे॑न॒ श्यां-वँस॑या दू॒षीका॑भिर्-ह्रा॒दुनि॒-मश्रु॑भिः॒ पृष्वा॒-न्दिवग्ं॑ रू॒पेण॒ नक्ष॑त्राणि॒ प्रति॑रूपेण पृथि॒वी-ञ्चर्म॑णा छ॒वी-ञ्छ॒व्यो॑ पाकृ॑ताय॒ स्वाहा ऽऽल॑ब्धाय॒ स्वाहा॑ हु॒ताय॒ स्वाहा᳚ ॥ 52 ॥(अह॑र॒ - ष्टाविग्ं॑शतिः) (अ. 20)
    aha̍rmā̠gṃ̠sēna̠ rātri̠-mpīva̍sā̠-'pō yū̠ṣēṇa̍ ghṛ̠tagṃ rasē̍na̠ śyāṃ vasa̍yā dū̠ṣīkā̍bhir-hrā̠duni̠-maśru̍bhi̠ḥ pṛṣvā̠-ndivagṃ̍ rū̠pēṇa̠ nakṣa̍trāṇi̠ prati̍rūpēṇa pṛthi̠vī-ñcharma̍ṇā Cha̠vī-ñCha̠vyō̍ pākṛ̍tāya̠ svāhā ''la̍bdhāya̠ svāhā̍ hu̠tāya̠ svāhā̎ ॥ 52 ॥(aha̍ra̠ - ṣṭāvigṃ̍śatiḥ) (a. 20)
    meaning

    The day by meat; the night by fat; the waters by broth; clarified butter by juice; the dark cow by covering; fog by tears; dew by the rain-milk; the sky by form; the stars by representation; the earth by the hide; the Cha.

  • verse 55
    अ॒ग्नेः प॑क्ष॒ति-स्सर॑स्वत्यै॒ निप॑क्षति॒-स्सोम॑स्य तृ॒तीया॒-ऽपा-ञ्च॑तु॒र्थ्योष॑धीना-म्पञ्च॒मी सं॑​वँथ्स॒रस्य॑ ष॒ष्ठी म॒रुताग्ं॑ सप्त॒मी बृह॒स्पते॑रष्ट॒मी मि॒त्रस्य॑ नव॒मी वरु॑णस्य दश॒मीन्द्र॑स्यैकाद॒शी विश्वे॑षा-न्दे॒वाना᳚-न्द्वाद॒शी द्यावा॑पृथि॒व्योः पा॒र्​श्वं-यँ॒मस्य॑ पाटू॒रः ॥ 53 ॥(अ॒ग्ने-रेका॒न्न त्रि॒ग्ं॒शत्) (अ. 21)
    a̠gnēḥ pa̍kṣa̠ti-ssara̍svatyai̠ nipa̍kṣati̠-ssōma̍sya tṛ̠tīyā̠-'pā-ñcha̍tu̠rthyōṣa̍dhīnā-mpañcha̠mī sa̍ṃvathsa̠rasya̍ ṣa̠ṣṭhī ma̠rutāgṃ̍ sapta̠mī bṛha̠spatē̍raṣṭa̠mī mi̠trasya̍ nava̠mī varu̍ṇasya daśa̠mīndra̍syaikāda̠śī viśvē̍ṣā-ndē̠vānā̎-ndvāda̠śī dyāvā̍pṛthi̠vyōḥ pā̠r​śvaṃ ya̠masya̍ pāṭū̠raḥ ॥ 53 ॥(a̠gnē-rēkā̠nna tri̠gṃ̠śat) (a. 21)
    meaning

    The first part of Agni; the lower part of Sarasvatī; the third of Soma; the fourth of the waters; the fifth of plants; the sixth of the year; the seventh of the Maruts; the eighth of Bṛhaspati; the ninth of Mitra; the tenth of Varuṇa.

  • verse 56
    वा॒योः प॑क्ष॒ति-स्सर॑स्वतो॒ निप॑क्षति-श्च॒न्द्रम॑स-स्तृ॒तीया॒ नक्ष॑त्राणा-ञ्चतु॒र्थी स॑वि॒तुः प॑ञ्च॒मी रु॒द्रस्य॑ ष॒ष्ठी स॒र्पाणाग्ं॑ सप्त॒म्य॑र्य॒म्णो᳚-ऽष्ट॒मी त्वष्टु॑र्नव॒मी धा॒तुर्द॑श॒मीन्द्रा॒ण्या ए॑काद॒श्यदि॑त्यै द्वाद॒शी द्यावा॑पृथि॒व्योः पा॒र्​श्वं-यँ॒म्यै॑ पाटू॒रः ॥ 54 ॥(वा॒यो - र॒ष्टाविग्ं॑शतिः) (अ. 22)
    vā̠yōḥ pa̍kṣa̠ti-ssara̍svatō̠ nipa̍kṣati-ścha̠ndrama̍sa-stṛ̠tīyā̠ nakṣa̍trāṇā-ñchatu̠rthī sa̍vi̠tuḥ pa̍ñcha̠mī ru̠drasya̍ ṣa̠ṣṭhī sa̠rpāṇāgṃ̍ sapta̠mya̍rya̠mṇō̎-'ṣṭa̠mī tvaṣṭu̍rnava̠mī dhā̠turda̍śa̠mīndrā̠ṇyā ē̍kāda̠śyadi̍tyai dvāda̠śī dyāvā̍pṛthi̠vyōḥ pā̠r​śvaṃ ya̠myai̍ pāṭū̠raḥ ॥ 54 ॥(vā̠yō - ra̠ṣṭāvigṃ̍śatiḥ) (a. 22)
    meaning

    The upper part of Vāyu; the lower part of Sarasvatī; the third of the moon; the fourth of the nakṣatras; the fifth of Savitṛ; the sixth of Rudra; the seventh of the serpents; the eighth of Aryaman; the ninth of Tvaṣṭṛ; the tenth of Dhātṛ.

  • verse 57
    पन्था॑मनू॒वृग्भ्या॒ग्ं॒ सन्त॑तिग्ग्​ स्नाव॒न्या᳚भ्या॒ग्ं॒ शुका᳚-न्पि॒त्तेन॑ हरि॒माणं॑-यँ॒क्ना हली᳚क्ष्णा-न्पापवा॒तेन॑ कू॒श्माञ्छक॑भि-श्शव॒र्तानूव॑द्ध्येन॒ शुनो॑ वि॒शस॑नेन स॒र्पान् ँलो॑हितग॒न्धेन॒ वयाग्ं॑सि पक्वग॒न्धेन॑ पि॒पीलि॑काः प्रशा॒देन॑ ॥ 55 ॥(पन्थां॒ - द्वाविग्ं॑शतिः) (अ. 23)
    panthā̍manū̠vṛgbhyā̠gṃ̠ santa̍tigg​ snāva̠nyā̎bhyā̠gṃ̠ śukā̎-npi̠ttēna̍ hari̠māṇa̍ṃ ya̠knā halī̎kṣṇā-npāpavā̠tēna̍ kū̠śmāñChaka̍bhi-śśava̠rtānūva̍ddhyēna̠ śunō̍ vi̠śasa̍nēna sa̠rpān ँlō̍hitaga̠ndhēna̠ vayāgṃ̍si pakvaga̠ndhēna̍ pi̠pīli̍kāḥ praśā̠dēna̍ ॥ 55 ॥(panthā̠ṃ - dvāvigṃ̍śatiḥ) (a. 23)
    meaning

    The path by the two crooked tendons; continuity by the sinews; the parrots by the bile; jaundice by the liver; the sharp ones by the malicious wind; the snake-gourds by the lumps; serpent-goiters by the swelling; dogs by the butchering; serpents by the blood-smell.

  • verse 58
    क्रमै॒रत्य॑क्रमी-द्वा॒जी विश्वै᳚र्दे॒वैर्य॒ज्ञियै᳚-स्सं​विँदा॒नः । स नो॑ नय सुकृ॒तस्य॑ लो॒क-न्तस्य॑ ते व॒यग्ग्​ स्व॒धया॑ मदेम ॥ 56 ॥(क्रमै॑ - र॒ष्टाद॑श) (अ. 24)
    kramai̠ratya̍kramī-dvā̠jī viśvai̎rdē̠vairya̠jñiyai̎-ssaṃvidā̠naḥ । sa nō̍ naya sukṛ̠tasya̍ lō̠ka-ntasya̍ tē va̠yagg​ sva̠dhayā̍ madēma ॥ 56 ॥(kramai̍ - ra̠ṣṭāda̍śa) (a. 24)
    meaning

    He who has stepped rightly, the horse among all the sacrificial gods, in agreement — may he lead us to the world of the well-done; may we rejoice there by your grace. [Recitation count: eighteen across twenty-four sections.]

  • verse 59
    द्यौस्ते॑ पृ॒ष्ठ-म्पृ॑थि॒वी स॒धस्थ॑मा॒त्मान्तरि॑क्षग्ं समु॒द्रो योनि॒-स्सूर्य॑स्ते॒ चक्षु॒र्वातः॑ प्रा॒णश्च॒न्द्रमा॒-श्श्रोत्र॒-म्मासा᳚श्चार्धमा॒साश्च॒ पर्वा᳚ण्यृ॒तवोङ्गा॑नि सं​वँथ्स॒रो म॑हि॒मा ॥ 57 ॥(द्यौ - पञ्च॑विग्ंशतिः) (अ. 25)
    dyaustē̍ pṛ̠ṣṭha-mpṛ̍thi̠vī sa̠dhastha̍mā̠tmāntari̍kṣagṃ samu̠drō yōni̠-ssūrya̍stē̠ chakṣu̠rvāta̍ḥ prā̠ṇaścha̠ndramā̠-śśrōtra̠-mmāsā̎śchārdhamā̠sāścha̠ parvā̎ṇyṛ̠tavōṅgā̍ni saṃvathsa̠rō ma̍hi̠mā ॥ 57 ॥(dyau - pañcha̍vigṃśatiḥ) (a. 25)
    meaning

    Heaven is your back; the earth your assembly-place; the Self the midspace; the ocean is your womb; the sun is your eye; the wind your breath; the moon your ear; the months and half-months are your joints; the seasons your limbs; the year your greatness.

  • verse 60
    अ॒ग्निः प॒शुरा॑सी॒-त्तेना॑यजन्त॒ स ए॒तं-लोँ॒कम॑जय॒-द्यस्मि॑न्न॒ग्नि-स्स ते॑ लो॒कस्त-ञ्जे᳚ष्य॒स्यथाव॑ जिघ्र वा॒युः प॒शुरा॑सी॒-त्तेना॑यजन्त॒ स ए॒तं-लोँ॒कम॑जय॒-द्यस्मि॑न् वा॒यु-स्स ते॑ लो॒कस्तस्मा᳚-त्त्वा॒-ऽन्तरे᳚ष्यामि॒ यदि॒ नाव॒जिघ्र॑स्यादि॒त्यः प॒शुरा॑सी॒-त्तेना॑यजन्त॒ स ए॒तं-लोँ॒कम॑जय॒-द्यस्मि॑-न्नादि॒त्य-स्स ते॑ लो॒कस्त-ञ्जे᳚ष्यसि॒ यद्य॑व॒जिघ्र॑सि ॥ 58 ॥(यस्मि॑ - न्न॒ष्टौ च॑) (अ. 26)
    a̠gniḥ pa̠śurā̍sī̠-ttēnā̍yajanta̠ sa ē̠taṃ lō̠kama̍jaya̠-dyasmi̍nna̠gni-ssa tē̍ lō̠kasta-ñjē̎ṣya̠syathāva̍ jighra vā̠yuḥ pa̠śurā̍sī̠-ttēnā̍yajanta̠ sa ē̠taṃ lō̠kama̍jaya̠-dyasmi̍n vā̠yu-ssa tē̍ lō̠kastasmā̎-ttvā̠-'ntarē̎ṣyāmi̠ yadi̠ nāva̠jighra̍syādi̠tyaḥ pa̠śurā̍sī̠-ttēnā̍yajanta̠ sa ē̠taṃ lō̠kama̍jaya̠-dyasmi̍-nnādi̠tya-ssa tē̍ lō̠kasta-ñjē̎ṣyasi̠ yadya̍va̠jighra̍si ॥ 58 ॥(yasmi̍ - nna̠ṣṭau cha̍) (a. 26)
    meaning

    Agni was the sacrificial animal — by him they sacrificed; he won that world in which Agni is — that is your world; you shall win it; just so inhale; the wind was the sacrificial animal — by him they sacrificed; he won the world in which the wind is.

  • verse 61
    (यो वा अय॑थादेवत॒ - न्त्वाम॑ग्न॒ - इन्द्र॑स्य॒ - चित्तिं॒ - ँयथा॒ वै - वयो॒ वै - यदाकू॑ता॒--द्यास्ते॑ अग्ने॒ - मयि॑ गृह्णामि - प्र॒जाप॑ति॒-स्सो᳚-ऽस्माथ् - स्ते॒गान् - वाजं॑ - कू॒र्मान् - योक्त्रं॑ - मि॒त्रावरु॑णा॒ - विन्द्र॑स्य - पू॒ष्ण - ओज॑ - आन॒न्द - मह॑ - र॒ग्ने - र्वा॒योः - पन्थां॒ - क्रमै॒ - र्द्यौस्ते॒ - ऽग्निः प॒शुरा॑सी॒थ् - षड्विग्ं॑शतिः)
    (yō vā aya̍thādēvata̠ - ntvāma̍gna̠ - indra̍sya̠ - chitti̠ṃ - ँyathā̠ vai - vayō̠ vai - yadākū̍tā̠--dyāstē̍ agnē̠ - mayi̍ gṛhṇāmi - pra̠jāpa̍ti̠-ssō̎-'smāth - stē̠gān - vāja̍ṃ - kū̠rmān - yōktra̍ṃ - mi̠trāvaru̍ṇā̠ - vindra̍sya - pū̠ṣṇa - ōja̍ - āna̠nda - maha̍ - ra̠gnē - rvā̠yōḥ - panthā̠ṃ - kramai̠ - rdyaustē̠ - 'gniḥ pa̠śurā̍sī̠th - ṣaḍvigṃ̍śatiḥ)
    meaning

    Index of passages: 'one who is against the deity' — 'I take you, O Agni' — 'Indra's' — 'thought' — 'just as truly' — 'the bird-fire' — 'whatever was intended' — 'those rays of Agni' — 'I take fire first' — 'Prajāpati created' — 'the alligators' — 'vigor' — 'tortoises' — 'yoke.'

  • verse 62
    (यो वा - ए॒वा-ऽऽहु॑ति - मभवन् - प॒थिभि॑ - रव॒रुध्या॑ - ऽऽन॒न्द - म॒ष्टौ प॑ञ्च॒शत् )
    (yō vā - ē̠vā-''hu̍ti - mabhavan - pa̠thibhi̍ - rava̠rudhyā̍ - ''na̠nda - ma̠ṣṭau pa̍ñcha̠śat )
    meaning

    Index of passages: 'one who' — 'the oblation' — 'came to be' — 'by the paths' — 'having enclosed' — 'delight' — 'the eight fifty.'

  • verse 63
    (यो वा अय॑थादेवत॒म्, ँयद्य॑व॒जिघ्र॑सि)
    (yō vā aya̍thādēvata̠m, ँyadya̍va̠jighra̍si)
    meaning

    Index of passages: 'one who is against the deity'; 'whatever truly inhaled.'

  • verse 64
    ( सा॒वि॒त्राणि॒ - विष्णु॑मुखा - उथ्सन्नय॒ज्ञो - दे॑वासु॒रा - यदेके॑न॒ - हिर॑ण्यवर्णा॒ - यो वा॑- स॒प्त ) (7)
    ( sā̠vi̠trāṇi̠ - viṣṇu̍mukhā - uthsannaya̠jñō - dē̍vāsu̠rā - yadēkē̍na̠ - hira̍ṇyavarṇā̠ - yō vā̍- sa̠pta ) (7)
    meaning

    Index of passages: Sāvitrī hymns — Viṣṇu-beginning — the sunken sacrifice — the gods and demons — 'whatever by one' — the golden-hued — 'one who' — the seven. [Seven passages.]

  • verse 65
    ॥ हरिः॑ ओम् ॥
    ॥ hari̍ḥ ōm ॥
    meaning

    Hariḥ Om.

  • verse 66
    ॥ कृष्ण यजुर्वेदीय तैत्तिरीय संहिताया-म्पञ्चमकाण्डे सप्तमः प्रश्न-स्समाप्तः ॥
    ॥ kṛṣṇa yajurvēdīya taittirīya saṃhitāyā-mpañchamakāṇḍē saptamaḥ praśna-ssamāptaḥ ॥
    meaning

    Thus ends the Seventh Praśna of the Fifth Kāṇḍa of the Kṛṣṇa Yajurvedīya Taittirīya Saṃhitā.

Primary text from vignanam.org