← Library

Arjuna Kruta Durga Stotram

Durga

◆

tap any word for its meaning

  • verse 1
    अर्जुन उवाच ।नमस्ते सिद्धसेनानि आर्ये मन्दरवासिनि ।कुमारि कालि कापालि कपिले कृष्णपिङ्गले ॥ 1 ॥
    arjuna uvācha ।namastē siddhasēnāni āryē mandaravāsini ।kumāri kāḻi kāpāli kapilē kṛṣṇapiṅgaḻē ॥ 1 ॥
    meaning

    Arjuna speaks: Salutation to you, commander of the siddhas, O Ārya, dweller on Mandara — O Kumāri, Kāli, Kāpāli, Kapilā, Kṛṣṇapiṅgalā.

  • verse 2
    भद्रकालि नमस्तुभ्यं महाकालि नमोऽस्तु ते ।चण्डि चण्डे नमस्तुभ्यं तारिणि वरवर्णिनि ॥ 2 ॥
    bhadrakāḻi namastubhyaṃ mahākāḻi namō'stu tē ।chaṇḍi chaṇḍē namastubhyaṃ tāriṇi varavarṇini ॥ 2 ॥
    meaning

    Salutation to Bhadrakāli; salutation to Mahākāli; salutation to Chaṇḍī, Chaṇḍā — O Tāriṇī, O one of noble complexion.

  • verse 3
    कात्यायनि महाभागे करालि विजये जये ।शिखिपिञ्छध्वजधरे नानाभरणभूषिते ॥ 3 ॥
    kātyāyani mahābhāgē karāḻi vijayē jayē ।śikhipiñChadhvajadharē nānābharaṇabhūṣitē ॥ 3 ॥
    meaning

    O Kātyāyanī of great fortune, O Karāli, O Vijayā, O Jayā — bearing a peacock-feather banner, adorned with varied ornaments.

  • verse 4
    अट्टशूलप्रहरणे खड्गखेटकधारिणि ।गोपेन्द्रस्यानुजे ज्येष्ठे नन्दगोपकुलोद्भवे ॥ 4 ॥
    aṭṭaśūlapraharaṇē khaḍgakhēṭakadhāriṇi ।gōpēndrasyānujē jyēṣṭhē nandagōpakulōdbhavē ॥ 4 ॥
    meaning

    Striking with the great trident, bearing sword and shield, O younger sister of the Lord of cowherds, O elder one, born in the family of Nanda-gopa.

  • verse 5
    महिषासृक्प्रिये नित्यं कौशिकि पीतवासिनि ।अट्टहासे कोकमुखे नमस्तेऽस्तु रणप्रिये ॥ 5 ॥
    mahiṣāsṛkpriyē nityaṃ kauśiki pītavāsini ।aṭṭahāsē kōkamukhē namastē'stu raṇapriyē ॥ 5 ॥
    meaning

    O you who ever love the blood of the buffalo-demon, O Kauśikī dressed in yellow — O you of loud laughter, O Kokamukhā — salutation; you are fond of battle.

  • verse 6
    उमे शाकम्भरि श्वेते कृष्णे कैटभनाशिनि ।हिरण्याक्षि विरूपाक्षि सुधूम्राक्षि नमोऽस्तु ते ॥ 6 ॥
    umē śākambhari śvētē kṛṣṇē kaiṭabhanāśini ।hiraṇyākṣi virūpākṣi sudhūmrākṣi namō'stu tē ॥ 6 ॥
    meaning

    O Umā, O Śākambharī, O White One, O Black One, O destroyer of Kaiṭabha — O Golden-eyed, O Distorted-eyed, O Smoke-eyed — salutation.

  • verse 7
    वेदश्रुतिमहापुण्ये ब्रह्मण्ये जातवेदसि ।जम्बूकटकचैत्येषु नित्यं सन्निहितालये ॥ 7 ॥
    vēdaśrutimahāpuṇyē brahmaṇyē jātavēdasi ।jambūkaṭakachaityēṣu nityaṃ sannihitālayē ॥ 7 ॥
    meaning

    O one greatly sacred with the Vedas, O Brahmin-loving one, O Jātaveda — you ever dwell in the shrines of Jambūkaṭaka.

  • verse 8
    त्वं ब्रह्मविद्या विद्यानां महानिद्रा च देहिनाम् ।स्कन्दमातर्भगवति दुर्गे कान्तारवासिनि ॥ 8 ॥
    tvaṃ brahmavidyā vidyānāṃ mahānidrā cha dēhinām ।skandamātarbhagavati durgē kāntāravāsini ॥ 8 ॥
    meaning

    You are the Brahmavidyā among all knowledge; you are the great sleep of all embodied beings; O mother of Skanda, O Blessed Durgā, O dweller in the forest.

  • verse 9
    स्वाहाकारः स्वधा चैव कला काष्ठा सरस्वती ।सावित्री वेदमाता च तथा वेदान्त उच्यते ॥ 9 ॥
    svāhākāraḥ svadhā chaiva kalā kāṣṭhā sarasvatī ।sāvitrī vēdamātā cha tathā vēdānta uchyatē ॥ 9 ॥
    meaning

    You are the Svāhā sound, Svadhā, Kalā, Kāṣṭhā, and Sarasvatī; you are Sāvitrī, the mother of the Vedas, and you are called the Vedānta.

  • verse 10
    स्तुतासि त्वं महादेवि विशुद्धेनान्तरात्मना ।जयो भवतु मे नित्यं त्वत्प्रसादाद्रणाजिरे ॥ 10 ॥
    stutāsi tvaṃ mahādēvi viśuddhēnāntarātmanā ।jayō bhavatu mē nityaṃ tvatprasādādraṇājirē ॥ 10 ॥
    meaning

    You have been praised, O Mahādevi, with a purified inner self; may victory be mine always on the battlefield by your grace.

  • verse 11
    कान्तारभयदुर्गेषु भक्तानां चालयेषु च ।नित्यं वससि पाताले युद्धे जयसि दानवान् ॥ 11 ॥
    kāntārabhayadurgēṣu bhaktānāṃ chālayēṣu cha ।nityaṃ vasasi pātāḻē yuddhē jayasi dānavān ॥ 11 ॥
    meaning

    In forest dangers and difficult passes, and in the settlements of devotees, you always dwell in the underworld and conquer demons in battle.

  • verse 12
    त्वं जम्भनी मोहिनी च माया ह्रीः श्रीस्तथैव च ।सन्ध्या प्रभावती चैव सावित्री जननी तथा ॥ 12 ॥
    tvaṃ jambhanī mōhinī cha māyā hrīḥ śrīstathaiva cha ।sandhyā prabhāvatī chaiva sāvitrī jananī tathā ॥ 12 ॥
    meaning

    You are the bewilderer, the enchantress, Māyā, Hrī, and Śrī; you are Sandhyā, Prabhāvatī, Sāvitrī, the mother.

  • verse 13
    तुष्टिः पुष्टिर्धृतिर्दीप्तिश्चन्द्रादित्यविवर्धिनी ।भूतिर्भूतिमतां सङ्ख्ये वीक्ष्यसे सिद्धचारणैः ॥ 13 ॥
    tuṣṭiḥ puṣṭirdhṛtirdīptiśchandrādityavivardhinī ।bhūtirbhūtimatāṃ saṅkhyē vīkṣyasē siddhachāraṇaiḥ ॥ 13 ॥
    meaning

    You are Tuṣṭi, Puṣṭi, Dhṛti, Dīpti, nurturer of moon and sun; you appear as Prosperity among the prosperous, watched by siddhas and cāraṇas.

  • verse 14
    इति श्रीमन्महाभारते भीष्मपर्वणि त्रयोविंशोऽध्याये अर्जुन कृत श्री दुर्गा स्तोत्रम् ।
    iti śrīmanmahābhāratē bhīṣmaparvaṇi trayōviṃśō'dhyāyē arjuna kṛta śrī durgā stōtram ।
    meaning

    [Colophon] Thus ends the Śrī Durgā Stotram by Arjuna, in the twenty-third chapter of the Bhīṣmaparvan of the illustrious Mahābhārata.

Primary text from vignanam.org